31-08-2018 17-05-37   From applicant

Author: Anonymous

Сәлеметсіз бе! Мен осы жылы магистратураға тапсырып едім,менен грантқа түсу үшін ағылшынан-1000$,ал спец сабақтан 500000тг сұрады.Менде ондай ақша болмағандықтан берген жоқпын.Ағылшынан жақсы балл жинадым,ал спец сабақтан төмен қойып тастады.Мен ақшасын бермегенім үшін грантқа түсе алмай қалдым,ал менің қасымда отқан қыз ештеме жазбай тапсырған болатын, ол грантқа түсіп кетті.Осы жылғы тест өте әділетсіз өтті.Соны қайта қарауларыңызды сұраймын!
Екінші сұрағым-қосымша гранттар бөлінеме,жәнеде ректорлық гранттар болама?

Answer:

Құрметті талапкер! Біріншіден, шағымыңызда аталған мәселеге қатысты нақты ақша талап еткен қызметкердің аты-жөнін және пара алу фактісін растайтын нақты дәлелдеріңізді rector_blog@kaznpu.kz электронды поштасына жіберуіңізді сұраймыз.

Екінші сұрағыңызға келетін болсақ, басшылық тарапынан Білім және ғылым министрлігіне қосымша грант туралы арнайы хат жолданды. Министрліктен қосымша гранттар бөлінген жағдайда, берілген грант орындарына өтініш берушілер қатарынан ең жоғары балл иеленген үміткерлер ұсынылатын болады.

Сұрағыңызға байланысты толық ақпаратты Академиялық мәселелер жөніндегі департаменттен білуіңізге болады.

 

30-08-2018 16-10-55   From applicant

Author: Аноним

Салеметсизбе, Тахир Оспанович! Докторантура мамандыктарына откен жылдагыдай косымша гранттар бериледиме?

Answer:

Құрметті талапкер! Білім және ғылым министрлігіне Университет тарапынан қосымша грант туралы арнайы хат жолданды. Жоғары оқу орындарына гранттар  мемлекеттің тарапынан бөлінетіндіктен, мамандықтар бойынша қосымша гранттың бөлінуі министрліктің қабылдаған шешіміне сәйкес жүргізіледі.

30-08-2018 13-55-29   From applicant

Author: Anonymous

Салеметсізбе, Тахир Оспанұлы. Сізге қоятын сұрағым бар еді. Биылғы жылғы алғашқы қоңырауға арналған салтанатты шара 1 қыркүйек күні бола ма? Әлде 3- не ауыстырылды ма? Рахмет.

Answer:

Құрметті студент! «Білім күніне» арналған мерекелік іс-шара 1 қыркүйек күні сағат 10.00-де өткізіледі. Аталмыш іс-шара туралы ресми сайтымыздың «Хабарландырулар» бөлімінде берілген.

29-08-2018 16-17-12   From students

Author: Anonymous

Такир Оспанович қызметкерлеріңіздің айлық жалақысын қашан көтересіз???? Қай отделге барсан, барлығы айқайлап ашуланып жауап береді студенттерге,артық жұмыс жасағылары келмейді, ақшаларын көбейтіңізші өтініш

Answer:

Құрметті студент! Шағымыңызды ескереміз.

29-08-2018 13-58-19   From applicant

Author: Anonymous

Салеметсызбе
Медосмотр қай жерде орналасқан

Answer:

Құрметті талапкер! Университетіміздің Денсаулық сақтау пункті №1 жатақханада орналасқан. Мекен-жайы: Төле би көшесі, 10,  Уәлиханов көшесінің қиылысы.

28-08-2018 17-35-34   From students

Author: Төребек Әлия

Сәлеметсізбе ағай!Колледжден кейін тускен студентпін,жатақхана жөнінен кімнен сұраймын?Алматыда емеспін,тел ешкім көтермеді.

Answer:

Құрметті Әлия! Жатақхана туралы мамандығыңыз бойынша институт директоратынан сұрасаңыз болады.

28-08-2018 12-10-23   From applicant

Author: Anonymous

Құрметті, Балықбаев Такир мырза!
Мен, Тогуспаева Гульбану Бахытбеккызы сізге төмендегі жағдайларды мәлімдеймін.
Биыл сіз басқарып отырған Абай атындағы Қазақ Ұлттық педагогикалық университетіне 6Д011000-физика мамандығы бойынша докторантураға тапсырдым. Бірінші кезең ағылшын тілінен емтихан тапсырып 76 балл жинадым. Екінші кезең ЖОО қабырғасында арнайы физика пәнінен емтихан тапсырып 80 балл жинадым. Барлығын қосқанда 156 балл жинап конкурстың нәтижесін күттім. Нәтиже 25.08.2018 кешкі сағат 20:15 тер шамасында ҚазҰПУ сайтында нәтижелер шықты. Конкурс нәтижесін көріп таң қалған жайым бар. Себебі, бірінші ағылшын тілінен тапсырған емтиханнан 54 балл жинап, екінші емтиханға қатыспаған Куатбаева Дана Ергазиевна грантты ұтып алыпты. Бұл қыз екінші емтиханға қатысып 100 балл жинады дегеннің өзінде барлығы 154 балл болса да маған балл бойынша жетпейді. Бұл қандай тәртіппен ұйымдастырылып отыр?
Жоғарыда көрсетілген мәселелерді жіті зерртеп, анық-қанығына көз жеткізуіңізді сұраймын. Менің жинаған баллым барлық көрсеткіштерге сай келіп тұрса да, неге үкімет бөлген он екі гранттың біреуін ұтып ала алмадым. Менің педагогикалық стажым да жеткілікті. Тапсырған мамандығым бойынша 19 (он тоғыз) грант бөлінген оның 7 (жетеуі) целевой бойынша берілген. Қалған 12 (он екі) гранттың 11 (он бірі) игерілген. 1 (бір) грантты игерілмей министрлікке қайтарыпты. Осы қайтарған грантты маған берулеріңізді сұраймын.

Answer:

Құрметті Гүлбану Бахытбекқызы! Шағымыңыз бойынша тексеріс жүргізілді. Тексеріс барысында шағымыңызда аталған Дана Қуатбаева денсаулығына байланысты 15 тамыз күні кешігіп келгендіктен емтиханға кіргізілмеген. Талапкер өтініш жазып, 19 тамыз күні әр мамандық бойынша белгілі-бір себептермен тапсыра алмаған үміткерлермен бірге емтихан тапсырғандығы анықталды. Арнайы мамандықтар бойынша құрылған комиссияның қатысуымен өткен емтихан нәтижесінде І. Жансүгіров атындағы Жетісу мемлекеттік университетіне бөлінген 1 мақсатты даярлау орнына грантқа  Дана Қуатбаева өткен. Типтік ережеге сәйкес мақсатты даярлау орнына шектік 150 баллдан кем емес жинаған үміткер өтетіндігін ескеру қажет.

«6D011000-Физика» мамандығы бойынша мақсатты даярлауға бөлінген грантқа қатысты сұрағыңыз бойынша жауап беретін болсақ,  Қазақстан Республикасы Үкіметінің 2012 жылғы 19 қаңтардағы №109 Қаулысында бекітілген «Жоғары оқу орнынан кейінгі білім беру  бағдарламаларын іске асыратын білім беру ұйымдарына оқуға қабылдаудың үлгілік қағидаларының» 31,32 тармақтарына сәйкес аталмыш мамандық бойынша игерілмеген 1 орын Білім және ғылым министрлігіне  қайтарылғандығын хабарлаймыз.

Сұрағыңызға қатысты нақты ақпаратты алу үшін Оқу ісі жөніндегі проректор Сәтмырзаев Асан Адасбекұлына жолығуыңызға болады. Байланыс тел.: 293-81-53.

28-08-2018 00-44-15   From applicant

Author: Досмухамбетов Еламан

Саламтсыз ба? менің қойайын деген сұрағым Бейнелеу өнері факультетіне шет ел азаматтарының сырттай оқуына болама? жəне құжаттарды қашанға дейін қабылдайсыздар, егерде
болып жатса қандай құжаттар керек болады? Жауап үшін рахмет.

Answer:

Сәлеметсіз бе! Оқуға тапсыру бойынша сұрағыңызға толық ақпаратты Университетіміздің Кәсіби бағдар беру және білім алушыларды қабылдау орталығынан білуіңізге болады. Байланыс тел.: 291-87-80, 291-73-71.

27-08-2018 16-42-16   From applicant

Author: Боранқұлова Жанерке

Сәлеметсізбе! Педагогика және психология мамандығына тапсырғам алайда 1 ғана грант болғансон өте алмадым. Екі эмтихан бойынша 169 балмен докторантураға басқа мамандыққа грантқа ауыссам болама немесе қосымша грантқа өте аламынба? 2-ші топ мүгедектігім бар және жетімдік анықтамаларым бар.Мүгедектік бала кезден және өмір бақилыққа берілген.Өтініш жазыпта өткіздім.

Answer:

Құрметті Жанерке! Басшылық тарапынан Білім және ғылым министрлігіне қосымша грант туралы арнайы хат жолданды. Министрліктен қосымша гранттар бөлінген жағдайда, берілген грант орындарына өтініш берушілер қатарынан ең жоғары балл иеленген үміткерлер ұсынылатын болады. Сұрағыңызға байланысты толық ақпаратты Академиялық мәселелер жөніндегі департамент қызметкерлерінен білуіңізге болады.

27-08-2018 16-21-35   From applicant

Author: Anonymous

Салеметсизбе! Целевой грант ақталмаған жағдайда орнына басқа адам алуына болама жинаған балы жеткілікті болса?

Answer:

Құрметті талапкер! Сұрағыңыз бойынша толық ақпарат алу үшін Академиялық мәселелер жөніндегі департамент директоры Жанбеков Хайрулла Нышанұлына (221-кабинет) жолығыңыз.

27-08-2018 15-16-32   From students

Author: Anonymous

Сəлеметсіз бе!Менің білгім келетіні,биылғы түлектерге "озат" жеңілдігі 50% беріліпті. Былтыр менде үздік аттестатпен түскен едім. GPA баллым 3.71. Осындай жеңілдіктің бір түріне ие бола аламынба?

Answer:

Құрметті студент! Оқу орнымызда ақылы бөлімде оқитын білім алушыларға бірқатар жеңілдіктер қарастырылған. Жеңілдіктер туралы ақпарат сайтымызда берілген: http://kaznpu.kz/docs/postupaushim1_1/skidka_kaz.pdf. Білім алушыларға жеңілдік беру кезінде студенттің оқу үлгерімі мен әлеуметтік жағдайы ескеріледі. Ол үшін білім алушы жеңілдіктер Ережесіне сәйкес тиісті құжаттарын тапсыру қажет.

Жеңілдік бойынша нақты ақпарат алу үшін Академиялық мәселелер жөніндегі департаментімен хабарласуыңызға болады. Байланыс телефондары: 291-71-06, 291-16-65.

27-08-2018 14-47-54   From students

Author: Магистрант

Добрый день, уважаемый Такир Оспанович. В порядке ли вещей, когда преподаватель говорит, что магистр/докторант должен выполнять/помогать кафедральной работе?

Answer:

Здравствуйте! Докторанты и магистранты прежде всего должны выполнять задания по учебе и работать над курсовыми и диссертационными исследованиями. Помощь кафедре обучающимися осуществляется лишь на добровольной основе.
 

26-08-2018 22-00-14   From students

Author: Anonymous

Сәлеметсіз бе? Мен педагогика және психология факультетінің 2курс студентімін, бізге жатақхананы екінші жыл кеш бергелі отыр. Сіңілім екеуміз қонақ үй жалдап тұрып жатырмыз 24.08.2018ж бастап жалдап жатырмыз тәулігіне 3000тг, ұзақ уақытқа қаражатымыз жеткіліксіз, сіңілім биыл ҚазҰПУ 1курс студенті. Жалпы жатахананы ертерек беруін өтініп сұраймын.Бізге 03.09.2018 немесе 04.09.2018ж береміз деп отыр.

Answer:

Құрметті студент! Жатақханаға білім алушыларды орналастыру туралы бұйрыққа сәйкес білім алушыларға жатақхана беру 29 тамыздан бастап жүргізілетінін хабарлаймыз.

26-08-2018 16-33-01   From students

Author: Anonymous

Саламатсызба Такир Оспанович менің қояиын деген сұрағым мен құқықтану мамандығының 3 курс студентімін құқықтану мамндығын 1-2 курсти жақсы өте жақсы бағаға аяқтадым құқықтану мамандығына президенттік грант бөлінема

Answer:

Құрметті студент! Сұрағыңыз бойынша нақты ақпаратты Университетіміздің Академиялық мәселелер жөніндегі департамент қызметкерлерінен сұрауыңызға болады. Сұрағыңызға рахмет!

26-08-2018 13-34-25   From parents

Author: Anonymous

Добрый день! До какого времени осуществляется прием заявлений для получения общежития? Есть ли срок?

Answer:

Здравствуйте! С порядком заселения обучающихся в общежития Университета Вы можете ознакомиться на официальном сайте, пройдя по ссылке:http://www.kaznpu.kz/ru/1470/notice/. 

26-08-2018 00-26-22   From parents

Author: Смагулова Дархан

Ассалаумагалейкум Такир Оспанулы! Педагогика психология кафедрасына карасты дефектология мамандыгында 4 курста окитын кызыма жатахана берилеме екен? Жануямызда мектепке баратын торт балам бар. Сондыктан копбалалы растайтын кужаттарын коса берип жиберемиз. Сизден отниш комиссия караганда жануямнын алеуметтик жагдайын ескерсе жане осы оку жылына оку акысына женилдиктер бериле ме? Рахмет!

Answer:

Құрметті ата-ана! Қаламызға келіп оқитын білім алушылардың басым бөлігі республикамыздың шалғай аймақтарынан  келіп оқитын студенттер болғандықтан, барлық білім алушыларды жатақханамен қамтамасыз ету мүмкін емес. Университетімізде  5 жатақхананың жалпы сыйымдылығы 1397 орынды құрап отыр. Сондықтан бірінші кезекте жатақхана 1 курс студенттеріне және әлеуметтік қолдауға мұқтаж білім алушыларға үлестіріледі. Осыған орай, әлеуметтік қолдауға мұқтаждығын растайтын  құжаттары (толық жетім, көп балалы отбасы, мүмкіндігі шектеулі туралы т.б. анықтамалар) бар кез-келген білім алушы өзінің институты жанындағы арнайы комиссияға өтініші мен құжаттар топтамасын ұсынуға құқылы. Жатақханаға орналасу әрбір институт жанынан құрылған комиссия шешімі негізінде жүргізіледі.

Оқу ақысына келетін болсақ, оқу орнымыздың ақылы бөлімінің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf. Сұрағыңызға рахмет!

25-08-2018 19-41-03   From applicant

Author: Anonymous

Салеметсизбе курметти Такир Оспанулы! Менин сизге сурак емес отинишим бар еди. Мен дефектология мамандыгы бойынша докторантурага кужат тапсырган болатынмын. Базалык билимим осы мамандык бойынша жане осы салада жумыс жасаймын. Шет тилинен емтиханды сатти тапсырдым, жогары балл жинадым. Ал енди мамандыгым бойынша емтиханнан да отетиниме сенимди болдым ойткени оз мамандыгым. Бирак олай болмай шыкты. Сурактарымыз мамандык бойынша емтиханбагдарласмасына сайкес болмады. Алайда оган карамай оз билимимизбен уш суракка жауап берсекте балымыз оте томен болды. Апелляцияга да бардым, кабылдау болиминин хатшысына да бардым ештене шешилмеди, бизди тындамайды да. Сол жерде баска талапкерлермен ангимелесу барысында билгеним, мамандык бойынша емтиханнан оте алмаган талапкерлердин басым копшилиги дефектология мамандыгын тамамдап, жумыс жасап журген кисилер барлыгы уш суракка жауап бергенбиз дейди. Сосын естигенимиз коррупция болды. Бирак енди колмен устап, козбен кормегесин ештене айта алмаймыз. Бирак сизден сурайтынымыз келеси жылы да биз дефектологтар оз билимимизбен докторантурага тапсыргымыз келеди. Сондыктан осы маселелер бойынша озиниз тексерип, адилеттикке кол жеткизуинизди сураймыз. Рахмет

Answer:

Құрметті талапкер! Емтихан қабылдау барысында жіберілген қателіктерге байланысты арнайы тексеріс жүргізіледі. Тексеріс нәтижесінде қызметкерлердің заңсыз әрекеті анықталса, басшылық тарапынан заңға сәйкес тиісті шаралар қолданылатын болады.

25-08-2018 17-15-01   From applicant

Author: Anonymous

Магистр грант тизимин калай билуге болады

Answer:

Құрметті талапкер! 2018/2019 оқу жылында оқуға түскен мемлекеттік грант иегерлерінің тізімі келесі сілтеме бойынша қолжетімді: http://www.kaznpu.kz/kz/1467/notice/. Сұрағыңызға рахмет!

25-08-2018 15-29-00   From applicant

Author: Anonymous

Сәлеметсіз бе! Магистратура грант тізімін интернеттен қандай сайттан көре аламыз, алдын ала жауабыңызға раxмет!

Answer:

Құрметті талапкер! Магистратура және докторантура бағдарламалары бойынша 2018/2019 оқу жылында оқуға түскен мемлекеттік грант иегерлерінің тізімін Университеттің ресми сайтынан көруіңізге болады.  Грант иегерлерінің тізімі келесі сілтеме бойынша қолжетімді: http://www.kaznpu.kz/kz/1467/notice/. Сұрағыңызға рахмет!

25-08-2018 15-25-25   From applicant

Author: Аноним

Сәлеметсіз бе Такир Оспанович доктаранураға түскен талапкерлердің бұйрығы қашан шығады?

Answer:

Құрметті талапкер! Талапкерлердің оқуға қабылданғаны туралы бұйрық Институт директораттарына таратылды. Мамандығыңызға қарасты институт директоратынан білуіңізге болады.