09-08-2018 16-40-37   Other

Author: Anonymous

Сəлеметсізбе ректор мырза!жауабыңыз үшін алдын ала рақмет. мен сіз басқарып отырған оқу орнын 2010ж аспирантураны əдебиет саласынан аяқтаған едім.баспа бетінде ғылыми мақалаларым жарық көрген.Ғылыми жетекшім осы оқу орнынан еді.өкінішке орай ,тұрмысқа шығып,балалы шағалы боп,мен кандидаттық жұмысымды қорғай алмай қалдым.енді жалғастыруға ниет еткен едім,бірақ маған магистратураны оқисыз деді.сол уақытта бакалаврды қызыл дипломға бітірген соң бірден аспирантураға түскен едім.енді не ңстеуім керек?жалғастырғым келеді.жауап береді деген үміттемін.

Answer:

Сәлеметсіз бе! Қазіргі білім және ғылым саласындағы заңнамаларға сәйкес магистратура бітіргеннен кейін ғана докторантураға тапсыруыңызға болады.

08-08-2018 22-58-34   From students

Author: Anonymous

Құрметті Такир Оспанұлы! Мен филология және көптілді білім беру институтының 3 - курс студенті боламын. Менің сізге қояр сұрағым, универ жүйесі бойынша біз 3 - курста сабақ уақытын таңғы сағат 8:00 де басталатындай етіп өтініш жазсақ болады ма? Деканат өтінішті қабылдауы тиіс пе?

Answer:

Құрметті студент! Сабақ кестесі міндетті түрде әрбір курстың бекітілген уақытына сәйкес жасалынады. 

08-08-2018 20-45-20   From applicant

Author: Anonymous

Сәлеметсіз бе, Тахир Оспанұлы! Менің сізге қояр сұрағым осы Абай атындағы педагогикалық университетінің жатақханасы жылына қанша болады екен?

Answer:

Құрметті талапкер! Университетіміздің жатақханаға төленетін 2018-2019 оқу жылына арналған жылдық төлем ақысы тамыз айының соңына таман бекітіледі.

Жатақханаға қатысты сұрақтарыңыз бойынша Тәрбие, әлеуметтік жұмыстар және жастар саясаты жөніндегі департаментімен хабарласуыңызға болады. Байланыс тел.: 291-83-82.

08-08-2018 11-40-15   From parents

Author: Акботаева Шынар

Здравствуйте. Моя дочь поступила на грант. Мы из г.Актобе. Хотелось узнать по поводу общежития. Смотрю, комментарии и отклики не хорошие в интернете. Насколько это правда?

Answer:

Здравствуйте! Мы рады, что Ваша дочь стала студенткой нашего университета. 

Что касается общежитий, то в этом году проведен капитальный ремонт, созданы хорошие условия для проживания. Общежития расположены  рядом с учебными корпусами.

Места в общежитиях выделяются в первую очередь первокурсникам. 

08-08-2018 03-35-26   From students

Author: Anonymous

Сәлеметсізбе, Таxир Оспанұлы! Мен филология факультетінің 3 курс студенті боламын. Сізге қояр сауалым ректор гранты туралы болмақ. Бұл біздің университетімізде бар ма? Болған жағдайда оған қойылатын талаптар қандай? Назар салғаныңызға раxмет!

Answer:

Құрметті студент! Ректордың гранты толық жетім білім алушылардың оқу үлгеріміне, әлеуметтік жағдайына байланысты қарастырылып, беріледі. Егер Сізде әлеуметтік жағдайыңызға байланысты жеңілдік берілетіндей анықтамалар болса, құжаттарыңызды және өтінішіңізді жылда жеңілдік беру бойынша өткізілетін комиссияға тапсыруыңызға болады.

Сондай-ақ, биыл Университетімізде білім аламын деуші талапкерлерге көптеген жеңілдіктер жасалуда. Жеңілдіктер туралы ақпарат Университетіміздің ресми сайтында (http://www.kaznpu.kz/kz/2150/page/) көрсетілген. Сұрағыңызға рахмет!

08-08-2018 01-36-14   From applicant

Author: Raia

Сəлеметсіздерме.Грантты басқа қалаға ауыстыруға болады ма?

Answer:

Құрметті Рая! Білім алушыларды білім беру ұйымдарының түрлері бойынша ауыстыру және қайта қабылдау қағидаларын бекіту туралы Қазақстан Республикасы Білім және ғылым министрінің 2015 жылғы 20 қаңтардағы №19 бұйрығының 31-тармағына сәйкес «білім беру гранты бойынша білім алатын студент білім беру грантын сақтай отырып басқа ЖОО-ға ауыса алады. Жекелеген ЖОО-лар үшін бекітілген білім беру гранты бойынша нысаналы орындарға, сондай-ақ бөлінген квота шегінде педагогикалық мамандықтарға түскен студенттер басқа ЖОО-ға тек ақылы негізде ғана ауыса алады».
Сұрағыңыз бойынша толық ақпарат алу үшін Академиялық мәселелер жөніндегі департамент директоры Жанбеков Хайрулла Нышанұлына (221-кабинет) жолығуыңызға болады.

07-08-2018 20-12-52   From students

Author: Anonymous

Салеметсіз бе Тахир Оспанович Балықбаев.
Менің сізге сұрағым.Мен ҚаЗҰПу Құқықтану мамандығында ақылы түрде оқимын.Мен 1курсты үздік бағалармен аяқтадым.Осыған байланысты 2курста университет тарапынан жеңілдіктер көрсетіле ме?

Answer:

Құрметті студент! Студенттеріміздің әлеуметтік жағдайына байланысты 10%-100% дейін жеңілдіктер қарастырылған. Ағымдағы жылдың  қыркүйек, қазан айларында  әлеуметтік жағдайыңызды растайтын құжаттарыңызды және ректордың атына жазылған өтінішіңізді директоратыңызға өткізуіңізге болады. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf .

Ескерте кететін жағдай, егер Сіздің 1-2 курстағы бағаларыңыз тек «5» (өте жақсы)  деген баға болса,3 курста Президенттік шәкіртақыға үміткер бола аласыз. Сұрағыңызға рахмет!

07-08-2018 20-09-52   From students

Author: Anonymous

Сәлеметсіз бе,Такир Оспанович? Мен филология және көптілді білім беру институтының студенті едім. 1-курста ҰБТ-дан алған баллыма байланысты 50% жеңілдікпен оқыдым. GPA баллым жоғары. 2-курста жеңілдікті сақтап қала аламын ба?

Answer:

Құрметті студент! Талапкерлерді оқуға қабылдау кезінде ҰБТ-дан жоғары балл жинауына байланысты қарастырылатын жеңілдік тек бірінші жылға беріледі. 2-курста оқу төлемақысына жеңілдік алуға қыркүйек, қазан айларында директоратыңызға өтініш жазып, тиісті құжаттарыңызды өткізуіңізге болады. Студенттеріміздің әлеуметтік жағдайына байланысты 10%-100% дейін жеңілдіктер қарастырылған. Жеңілдіктер туралы ақпарат Университетіміздің ресми сайтында (http://www.kaznpu.kz/kz/2150/page/) көрсетілген. Сұрағыңызға рахмет!

07-08-2018 15-26-13   From applicant

Author: Беске Гүлнұр

Салеметсиз бе?Мен осы университетке түстім.Документ бойынша барғалы отырмын Шымкент қаласынан.Кандай документтер қажет?

Answer:

Құрметті Гүлнұр! Егер республикалық конкурс негізінде біздің оқу орнымызға грантқа оқуға қабылданған болсаңыз, құжаттарыңызды қабылдау комиссиясына 25 тамызға дейін тапсыруыңыз қажет. Қабылдау комиссиясының мекен-жайы: Қазыбек би көшесі, 28. 

Оқуға тапсыруға қажетті құжаттар тізімі: жеке куәлік көшірмесі - 2 дана, аттестат немесе диплом (түпнұсқа), 063 профилактикалық егу картасы (көшерме), медициналық анықтама 086-У форма (флюорография суретімен), 3х4 көлемдегі 6 дана фотосурет, ҰБТ немесе КТ сертификаты, мекен-жай анықтамасы.

07-08-2018 11-50-47   From applicant

Author: Мұратова Назым

Сәлеметсізбе Такир Оспанұлы.Менің сізден сұрайын дегенім,мен,сіздердің оқу орындарыңызға заңгер мамандығына ақылы-қазақ бөліміне түспекшімін бұйырса.Оқу ақысы қанша?Төрт бөліп төлеуге болады ма?Сіздердің қабылдау комиссияларыңыздан сұрағанымда төрт бөліп төлеуге болады деген.Жауабыңызға алдын ала рахмет!

Answer:

Құрметті Назым! Университетіміздің «5В030100-Құқықтану» мамандығының жылдық оқу ақысы 634 000 теңге. Келісім шарт бойынша Сіз оқу ақысын төрт бөліп төлей аласыз. Ұлттық бірыңғай тестілеу (ҰБТ) сертификатындағы баллдық көрсеткішіңіз кем дегенде 65 болуы қажет. Сұрағыңызға рахмет!

06-08-2018 21-48-02   From applicant

Author: Anonymous

Сәлеметсіз бе мен осы жылы 99 балл алған едм Ентдан.таңдау панім биология химия.бірақ грантқа іліге алмай қалдм енді сіздерге түссем деп едім.Сіздерде биология пед химия пед оқу ақысы қанша.

Answer:

Құрметті талапкер! Абай атындағы Қазақ ұлттық педагогикалық университетінде Сіз таңдаған бейіндік пәндер бойынша келесі мамандықтар бар: «5В011200-Химия» (506 000 тг), «5В011300-Биология» (506 000 тг), «5В060700 – Биология» (510 000 тг).

Сонымен қатар оқу орнымызда ақылы бөлімнің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf. 

06-08-2018 19-32-34   From applicant

Author: Anonymous

Сәлеметсіз бе, мен 2018 жылдың түлегімін. ҰБТ-ден 106 балл жинадым. "Алтын белгі" иегерімін. Ауылдық квота иесімін.Өзім оқу үздігімін, көптеген жас ақындар мүшайраларының жеңімпазымын( республикалық емес) Қазақ тілі мен әдебиеті пәнін таңдадым. ҚазҰПУ-ды екінші етіп таңдадым, бірақ түсе алмадым. Сізден сұрайын дегенім: қосымша университет бөлген грант есебінен бе немесе ректор гранты деген сияқты жеңілдіктермен сіздердің университеттеріңізге қалай түссем болады?Өтініш, осы сұрағыма жауап бересіз бе?

Answer:

Құрметті талапкер! Оқу орнымызда ақылы бөлімнің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf.  

Сұрағыңыз бойынша нақты ақпаратты Университетіміздің Кәсіби бағдар беру және білім алушыларды қабылдау орталығынан білуіңізге болады. Байланыс тел.: 291-87-80, 291-73-71.

06-08-2018 19-22-39   From applicant

Author: Anonymous

Әскери кафедраға биыл ҰБТ-ға қатысқан азамат құжат тапсыра аладыма?

Answer:

Құрметті талапкер! Әскери кафедраға қатысты сұрақтарыңызға нақты жауапты 8(727) 382-27-35 телефонына хабарласып, біле аласыз.

06-08-2018 19-08-44   From parents

Author: Жиенбаева Раушан

Сәлеметсізбе! менің ұлым 76 балл жинап отыр дене шынықтыру мамандығына грант барма сіздерде? Құжат тапсырудан кеш қалып отыр, өтініш көмектесіңіздерші грантқа іліктіріп жіберіңіздерші.

Answer:

Құрметті ата-ана! Мемлекеттік білім беру грантына өтініштер 18-29 шілде аралығында қабылданды. Өкінішке орай, құжаттарды тапсыру мерзімінен кеш қалдыңыздар. Университетіміздің ақылы бөліміне оқуға тапсыруларыңызға болады. Оқу орнымызда ақылы бөлімнің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf.  

06-08-2018 18-22-34   From applicant

Author: құлтаева мадина

саламатсыздар ма сіздерде география мұғалімдікке жылына қанша?

Answer:

Құрметті Мадина! «5В011600- География» мамандығының жылдық оқу ақысы 506 000 теңге. Оқу орнымыздың ақылы бөлімінің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf.  

06-08-2018 16-37-11   From students

Author: Anonymous

Сәлеметсізбе. Мен осы университеттің 2- курс студентімін. Биылғы оқу жылында қандай да бір жеңілдіктер (көп балалы ана, ата- анасы жұмыс істемейді, т.б) бола ма? Болған жағдайда қай уақыт аралығына дейін өткізу керек? Рахмет.

Answer:

Құрметті студент! Университетімізде студенттеріміздің әлеуметтік жағдайына байланысты 10%-100% дейін жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf.  

Ағымдағы жылдың  қыркүйек, қазан айларында әлеуметтік жағдайыңызды растайтын құжаттарыңызды және ректордың атына жазылған өтінішіңізді директоратыңызға өткізуіңізге болады.

06-08-2018 16-00-40   From applicant

Author: Anonymous

Салеметсизбе сурайын дегеним бастауыш мұғалімінің ақылы оқығанда қанша төлейді жане де ақылы оқыған кезде жатаханада берілеме?

Answer:

Құрметті талапкер! Университетіміздің «5В010100-Мектепке дейінгі оқыту және тәрбиелеу» және «Бастауышта оқыту педагогикасы мен әдістемесі» мамандықтарының жылдық оқу ақысы 506 000 тенге. Жатақхана шалғай аудандардан келген барлық бірінші курс студенттеріне беріледі. Сұрағыңызға рахмет!

06-08-2018 15-56-39   From applicant

Author: Дюсенбаева Бибигуль

Здравствуйте! В программе вступительного экзамена по специальностям PhD докторантуры по специальности Дефектология остается 4 направления без изменения? По каким вопросам готовиться? Скажите пожалуйста дату проведения вступительного экзамена по специальности Дефектология. Спасибо!

Answer:

06-08-2018 14-06-21   From applicant

Author: Айдана Бекен

саламатсызба мен осы ЖОО педагогика психология мамандығына түсемін бірақ ақылы түрде
жылына қанша тенге төлейміз

Answer:

Құрметті талапкер! Университетіміздің бакалавриат, магистратура және докторантура бағдарламаларының оқу ақысы туралы ақпаратымен ресми сайтымыздың келесі сілтемесі арқылы таныса аласыз: http://www.kaznpu.kz/kz/2150/page/. Сұрағыңызға рахмет!

04-08-2018 15-40-54   From students

Author: Anonymous

Сәлеметсізбе Тахир Оспанұлы. Мен магистратураға өзіміздің университетке тапсырайын деп жүрген талапкер едім. Сіздің мына бір мәселеге көңіл бөлуіңізді сұраймын. Жыл сайынғы магитратураға тапсырған түлектерден естігенім бойынша ағылшын тілінен ақша арқылы өтеді екен. Ол студенттердің мамандандырылған пәнінен де ақша бермейтініне кім кепіл. Барлығына топырақ шашпайпын, бірақ магистратураға ақша беру арқылы түскендердің талайын білемін. Өз күшімен дайындалып жүргендер 65-70 алып жатса, ақша бергендер 90-95 алып балды көтереді, соның әсерінен өз білімімен дайындалған түсе алмайды. Педагогика және психология институтының педагогика және психология мамандығын бітірген биылғы түлектерге мұғалімдерінің өздері магистратураға түсу үшін 1000000 ақша сұраған, сонда ол ақшаны бермей-ақ түсу мүмкін емеспа? Осы биылғы магистратураға тапсыратын түлектер ақшамен емес өз күшімен түссін. Ертеңгі біздің болашақ ұрпағымызды тәрбиелейтін осы жастар. Сондықта олардың білімді болғаны абзал. Сізден өтініш барлығы әділ әрі таза болсыншы.

Answer:

Құрметті талапкер! Сіз қозғап отырған мәселе өте орынды. Университетімізде пара алу, не пара беру және парақорлыққа делдал болу әрекеттерін жою үшін бірлесе жұмыс атқаруымыз керек. Аталған фактілерді түбегейлі жою мақсатында арнайы тексеріс жүргізіліп, қабылданған шешім негізінде тиісті шаралар қолданылатын болады. Ол үшін шағымыңыздағы мәселеге қатысты қызметкерлердің есімі мен қосымша ақпараттар қажет.