Абай атындағы Қазақ ұлттық
педагогикалық университеті
РЕКТОР БЛОГЫ
Казахский национальный педагогический
университет имени Абая
БЛОГ РЕКТОРА
ҚАЗ   РУС   ENG

Ректордың блогына қош келдіңіз!

 

 

Құрметті сайт қонақтары!
 
Ректор блогы университет студенттерімен, қызметкерлерімен және оқытушыларымен байланыс орнату үшін құрылған. Сіздер сұрақтарыңызды қойып, өз пікірлеріңіз бен ұсыныстарыңызды жолдай аласыздар. Мәселелерді ашық және үнемі талқылау университет басшылығының жемісті жұмысына көмектеседі.
 
Бұл алаң біздің ортақ жұмысымыздағы көптеген мәселелерді шешу мүмкіндіктерін кеңейтіп, өзара тиімді ақпарат алмасудың және қойылған міндеттерді іске асырудың маңызды тетігі болады деп сенемін.
 

Біз кері байланыс орнату үшін ашықпыз, барлық өтініштер міндетті түрде қаралатын болады. Бірде-бір мәселе назардан тыс қалмайды.

 
Құрметпен,
Басқарма төрағасы-ректор
Дархан Біләлов
 
 
Электронды пошта: rector_blog@abaiuniversity.edu.kz
 
 
Ректордың жеке мәселелер бойынша қабылдауы оқу жылы бойы әр айдың 1-ші және 3-ші жұмаларында сағат 15.00-ден 17.00-ге дейін жүзеге асырылады.
  • Сұрақтар-жауаптар
  • Сұрақ қою
  • Статистика
23-08-2018 11-54-31   Басқа

Сұрақ қоюшы: Борангалиева Гулшара

Сұрақ № 412
Мен, Борангалиева Гулшара 1980-1986жж. аралығында Абай атындағы Қазақ Педагогикалық институтын "тарих және советтік право негіздері" мамандығы бойынша бітірдім. 2018 жылдың 20 қыркүйегінде зейнетке шығуыма байланысты осы аралықта аталған оқу орнында оқығандығымды растайтын анықтама алуыма ықпал етуіңізді сұраймын.
Жауап:

Сәлеметсіз бе! Сіздің өтінішіңіз қарастырылып, қажетті құжаттың түпнұсқасы мен электронды нұсқасы 28 тамыз күні көрсетілген мекен-жайға жіберілді.

23-08-2018 10-27-35   Талапкерден

Сұрақ қоюшы: Аноним

Сұрақ № 411
Құрметті, Тахир Оспанович! Мен сіздерге физматтағы докторантураға түсу кезіндегі әділетсіздік, ондағы орындардың бәрі сатылып кеткені туралы жазып едім, неге жауап жазбайсыз!
Жауап:

Құрметті талапкер! Докторантура бағдарламасы бойынша емтихан тапсырған талапкерлердің шағымдары қарастырылуда. Егер шағымдарда аталған қызметкерлердің пара алу фактісіне қатысы расталса, міндетті түрде тиісті шара қолданылады. Қызметкерлерді бұл  мәселе бойынша дәлелсіз жұмыстан шығару, шара қолдану заңсыз болып табылады.

23-08-2018 02-35-55   Талапкерден

Сұрақ қоюшы: Аноним

Сұрақ № 410
ЖООКББ бойынша гиант иегерлерінiң тізімін қалай корсек болады? 22.08.2018, сайтка шыгадф деп еди, таппадым
Жауап:

Құрметті талапкер! 2018-2019 оқу жылында магистратура мен PhD докторантура бағдарламалары бойынша оқуға түскен грант иегерлерінің тізімі ресми сайтымыздың «Хабарландырулар» бөлімінде жарияланған. Мемлекеттік грант иегерлерінің тізімімен келесі сілтеме арқылы танысуға болады: http://www.kaznpu.kz/kz/1467/notice/ . Сұрағыңызға рахмет!

23-08-2018 02-33-05   Талапкерден

Сұрақ қоюшы: Аноним

Сұрақ № 409
Биылгы магистратура, докторантура грант иегерлерінiң тізімін қайдан көрсек болады? Телефонмен сураганымда 22.08.18 сайтка шыгады деген, таба алмадым.
Жауап:

Құрметті талапкер! 2018-2019 оқу жылында магистратура мен PhD докторантура бағдарламалары бойынша оқуға түскен грант иегерлерінің тізімі ресми сайтымыздың «Хабарландырулар» бөлімінде жарияланған: http://www.kaznpu.kz/kz/1467/notice/ .

22-08-2018 23-50-55   Ата аналардан

Сұрақ қоюшы: Курмангалиевна Гулвира

Сұрақ № 408
Құрметті Тахир Оспанұлы. Мен ата-анамын. Сізге сұрағым болмасада айтар сөзім бар еді. Менің қызым номері 1 ші жатақханада 1 жыл тұрды. Бірақ қызым коммендант Маржанның үстінен шағым айтады. "Апай ақша сұрайды, аузына келгенін айтып қызымның құқығына тиетін сөздер айтады, демалыс күндері де демалдырмайды,таң ертеңмен оятады, жұмысқа жұмсайды" дейді. Соны біржақты етесізбе. Маржан комменданттың алдындағы апай жақсы болыпты... Әрбір ата ананың алаңдайтын жағдай ғой.
Жауап:

Құрметті ата-ана! Жатақхана меңгерушісі Маржан Тұрысбекованың қызметіне қатысты шағымыңыз бойынша тексеріс жүргізу Экономика және өндірістік мәселелер жөніндегі проректорға жүктелді. Тексеріс барысында аталған фактілер анықталатын болса, қызметкерге заңға сәйкес тиісті  шара қолданылады.

Сұрағыңызға байланысты қосымша ақпаратыңыз болған жағдайда, проректордың қабылдауына жазылуыңызға болады. Байланыс тел.: 293-03-87.

22-08-2018 13-32-28   Басқа

Сұрақ қоюшы: Аноним

Сұрақ № 406
Сәлеметсізбе мен осы университетте 4 жыл бакалавр 2 жыл магистр окыған азаматшамын биыл докторантурага тапсырдым. Жазбаша өте әділетсіз өтті.НЕГЕ АЛДЫН АЛА ГРАНТТАРДЫ САТЫП КОЙГАНБА СЕБЕБІ АПЕЛЦИЯ БАРДЫМ БОЛМАДЫ. Елдің бари артта отырып шпормен соткамен көшірді. Өз көзіммен көрдім. Сіз сияқты адал ректор келді деп куанып едим бирак биыл магистратура мен докторантураға түсу неге әділетсіз отіп жатыр сенбесеніз камерадан көринз
Жауап:

Құрметті талапкер! Шағымыңыз бойынша арнайы тексеріс жүргізіледі. Егер шағымыңыз расталса, комиссия мүшелеріне басшылық тарапынан тиісті шара қолданылатын болады.

22-08-2018 12-56-17   Талапкерден

Сұрақ қоюшы: Аноним

Сұрақ № 405
сәлеметсізбе? сіздердің университетте қазақ тілі мен әдебиет пәндерінің мұғалімі және филология мамандықтары барма? және оқу ақысын қайдан көре аламыз?
Жауап:

Құрметті талапкер! Сіз сұрап отырған педагогикалық мамандықтар бар. Университетімізде оқытылатын мамандықтар тізімі мен оқу ақысы туралы ақпараттармен ресми сайтымыздың келесі сілтемесі арқылы танысуыңызға болады:  http://kaznpu.kz/kz/2150/page/.
 
Оқуға тапсыруға қатысты сұрақтарыңыз болса, Университетіміздің Кәсіби бағдар беру және білім алушыларды қабылдау орталығымен хабарласуыңызға болады. Байланыс тел.:  8(727)291-57-68, 291-73-71, 291-87-80.
22-08-2018 10-58-39   Басқа

Сұрақ қоюшы: Аноним

Сұрақ № 404
Такир Оспанович, айлық жалақымызды қашан көтеру ойыңызда бар өзі??? Былтыр қыркуйек айында деп естідік, болмады, сосын жаңа жылда деді, оны күттік, кейін наурызда көтереді деді, ол да болмады, енді тағы да қыркуйекте деп жатыр. Нақты қашан көтересіз, болмаса ондай ой жоқ па сізде? Көтеретін шығар деп жұмыстан шықпай жүрміз, басқа университетте қызмет істейтін коллегаларымыз таң қалады, жалақымызды айтсақ уйялып қаламыз жерге кірердей. 20-30мың қосылса да, біз үшін ол бір қарызымызды жауып отыратын ақша. Мемлекет бөліп отырған ақша болғандықтан неге қарастырып, өз қызметкеркерліңіздің жағдайына көңіл бөлмеске? Сізден үлкен үміт күтеміз ректор мырза!!!
Жауап:

Сәлеметсіз бе! Университет қызметкерлерінің жалақысын көтеру мәселесі міндетті түрде қарастырылады.  Жалақы мәселесі бойынша арнайы жұмыстар жүргізілуде. Бұл мәселеге түсіністікпен қарауларыңызды сұраймыз.

22-08-2018 01-34-08   Студенттен

Сұрақ қоюшы: Аноним

Сұрақ № 403
Құрметті ректор! Мен "Педагогика және психология"институтының 3-курс студентімін. Президенттік шəкіртақыға қалай ие болуға болады.
Жауап:

Құрметті студент! Қазақстан Республикасы Білім және ғылым министрінің 2011 жылғы 07 сәуірдегі №136 бұйрығымен бекітілген «Қазақстан Республикасының Президенті белгілеген стипендияларды тағайындау» Ережесіне сәйкес стипендия күндізгі оқу нысаны бойынша оқитын студенттерге 3-курстан бастап, магистранттарға – екінші оқу жылынан бастап мемлекеттік білім беру тапсырысы бойынша және ақылы негізде тек «өте жақсы» (А, А-) оқитын студенттерге беріледі. Президенттік стипендияға республикалық және халықаралық олимпиадалардың, шығармашылық конкурстардың, спорттық жарыстардың жеңімпаздары,республикалық және халықаралық ғылыми журналдарда жарияланымдары бар,табыстары дипломдармен, грамоталармен, сертификаттармен, куәліктермен расталған ғылыми-зерттеу жұмыстарымен белсенді айналысатын білім алушылар үміткер бола алады. Стипендияларды тағайындау кезінде үміткерлерді іріктеу Ереженің 5, 6 тармақтарында жазылған өлшемдер тәртібінде жүзеге асырылады. Тең жағдайда басымдық жетім және ата-анасының қамқорлығынсыз қалған балаларға беріледі.

Сұрағыңыз бойынша нақты ақпарат алу үшін Академиялық мәселелер жөніндегі департамент директоры Хайрулла Нышанұлына (221-кабинет) жолығуыңызға болады. Сұрағыңызға рахмет!

21-08-2018 13-05-25   Талапкерден

Сұрақ қоюшы: Аноним

Сұрақ № 402
Биыл 48балл жинап калдым. Сіздерге шартты турде окып кейін Кт кайта тапсырып оки аламын ба. Юриспрундицияға түсейін деп едім.
Жауап:

Құрметті талапкер! Оқуға тапсыруға байланысты сұрағыңызға толық ақпарат алу үшін Кәсіби бағдар беру және білім алушыларды қабылдау орталығымен хабарласуыңызға болады. Байланыс тел.:  8(727)291-57-68, 291-73-71, 291-87-80.

20-08-2018 19-48-17   Талапкерден

Сұрақ қоюшы: Аноним

Сұрақ № 401
Салеметсизбе Агай! Докторантурага тусу ушин биздын универдын мугалымдері заң бұзушылық әрекеттерді жүзеге асырды.P.S. пара алушылық! Оның ішінде Дефектология мамандықтарына сабақ беретін ұстаздарымыз! Осындай жағдайлардың алдын алуыңызды сұраймыз!!! Оң Шешімін шығарады деп үміттенеміз!
Жауап:

Құрметті талапкер! Шағымыңыз бойынша арнайы тексеріс жүргізіліп, тиісті шара қолданылатын болады. Егер шағымыңызға байланысты қосымша ақпаратыңыз немесе нақты дәлелдеріңіз болса, rector_blog@kaznpu.kz электронды поштасына жіберуіңізді сұраймыз.

20-08-2018 12-38-59   Талапкерден

Сұрақ қоюшы: Аноним

Сұрақ № 399
Salemetsizbe!!! Kazirgi zamanda okuǵa túsý óte kyin. Sony bile tura muǵalimder kórypsiaǵa bárip jatyr. Zorǵa balymdy jınaǵanda, sátip jiberip otyr, men sońyna deýi baram aǵay. Nege bireýdin akwasynan kein men okuǵa tuspeyim kerek. Otbasimnin jaǵdayi jetpeidi akýli bólimge. Sol jaǵyn karastirinizshy. Dokazatelstva tolyp tur. Maǵan sońǵy jaýap aitinizdarwy...
Жауап:

Сәлеметсіз бе! Шағымыңыз бойынша міндетті түрде арнайы тексеріс жүргізіледі. Пара алу фактісіне қатысы бар қызметкерлердің есімін және нақты дәлелдеріңізді rector_blog@kaznpu.kz электронды поштасына жіберуіңізді сұраймыз.

19-08-2018 17-11-38   Талапкерден

Сұрақ қоюшы: Аноним

Сұрақ № 398
Здравствуйте. 16.08.18 сдавал вступительный спецэкзамен в докторантуру и уехал в свой город. Где на сайте можно посмотреть результаты? (Из-за выходных не могу позвонить в приёмку, а до этого говорили результаты будут на сайте)
Жауап:

Здравствуйте! Результаты вступительных экзаменов в докторантуру размещены на доске объявлений приемной комиссии.

18-08-2018 15-31-39   Талапкерден

Сұрақ қоюшы: Аноним

Сұрақ № 397
Сәлеметсіздерме! Абай атындағы Қазақ Ұлттық Университетінде 6D010500-Дефектология мамандығы бойынша докторантураға емтихан тапсырдық. Өкінішке орай емтихан әділетсіз деңгейде өтті. Себебі, 16.08.18ж күні Ұстаздарымыздың құрған тізімі бойынша қажетті талапкерлерді қалдырып, қалғандарың 17.08.18 куні келіңдер деп қайтарып жіберді. Екіншіден, Дефектология мамандығы туралы мұрнына иісі де бармайтын басқа саланың талапкерлеріне қалайша 90-100 деген балл қойып қабылдап алды?! Берілген 3 сұрақтың жауабын толық жазып бергеніміздің өзіне Біздерге 50 деген балл қойып шығарып салды. Бұл заман талабы ма әлде ҰСТАЗДАРЫМЫЗДЫҢ жеке саясаты ма?!
Жауап:

Сәлеметсіз бе! Екінші рет қайтадан кешенді тесттің ұйымдастырылуына байланысты осы аталмыш мамандыққа тапсырған 80-нен астам талапкерлер 2 лекке бөліген болатын. Техникалық хатшылардың қателігінен үміткерлердің 1-ші немесе 2-ші лекпен тапсыратыны туралы хабардар етілмеген. Екінші лек үміткерлеріне 16 тамыз күні емиханға келген кезде айтылғандығы анықталды. Тізімнің бөліну реті бойынша ешқандай арнайы тізім құрылмаған, жалпы тапсырушылар тізімі теңдей екіге бөлінген.

Болашақта докторантураның және магистратураның әрбір жазбаша жұмыстары тәуелсіз комиссиямен тексеріліп, қойылған бағалардың әділеттілігіне сараптама жасалады. Осы кезде келеңсіз жағдайлар анықталса, комиссияға қатысты арнайы шаралар қолданылатын болады. Емтихан тапсыру кезінде бірде-бір пән мұғалімдерінің және кафедра меңгерушілерінің емтиханның жүру барысына жұмылдырылмағандығын мәлімдейміз.

 

18-08-2018 01-12-42   Талапкерден

Сұрақ қоюшы: Студент

Сұрақ № 396
Саламатсыз ба? Магистратуранын 2-ші экзаменінің результаты кай сайтка жарияланады?
Жауап:

Құрметті талапкер! Емтихан нәтижелері қабылдау комиссиясының арнайы хабарлама тақтайшасында жарияланады.

17-08-2018 22-55-02   Талапкерден

Сұрақ қоюшы: Азизхан Сауыт

Сұрақ № 395
Салеметсыз бе,Мен Алтын Белгы иегерымын жане де убтдан 120 балл жинадым тандау паным дуние жузы тарихы жане адам когам,конкурстан мемлекеттык грантка тусе алмадым ,сыздерде мен ушын женылдыктер табылады ма?
Жауап:

Құрметті талапкер! Университетімізде бакалавриат бағдарламасы бойынша білім алушыларға 2018/2019 оқу жылына бірқатар жеңілдіктер қарастырылған. «Алтын белгі» иегерлерінің оқу ақысына 100% жеңілдік бір академиялық мерзімге беріледі. Жеңілдіктер туралы толық мәліметті ресми сайтымыздан келесі сілтеме арқылы қарауыңызға болады: http://kaznpu.kz/docs/postupaushim1_1/skidka_kaz.pdf.    Құжаттар 25 тамызға дейін қабылданады.

17-08-2018 22-20-05   Талапкерден

Сұрақ қоюшы: Аноним

Сұрақ № 394
Құрметті Такир Оспанұлы!Мен 6D010500-Дефектология мамандығы бойынша докторантураға түсуші үміткермін. Шет тілінен жеткілікті балл жинап 16.08.2018 ж. күні мамандық бойынша жазбаша түрде емтихан тапсырдым. Емтиханның ұйымдастырылу нашар.1. Өткізілетін орны өзгертілгені туралы ескертілмеді;
2. Емтихан 1 сағат 45 минутқа кеш басталды;
3.Мамандықтарды бір аудиториядан екінші аудиторияға бірнеше рет ауыстырды;
4. Аудиторияда сағат ілінбеді;
5. Емтиханға (жазбаша) 1 (бір) сағат уақыт берілді; * басқа ЖО орындарында емтиханға 2 сағат 30 минут берілген және ереже бекітілген.
5. Емтихан кезекшілері мәдениеттілік, этика деген сияқты факторларды бұзды. Дөрекі түрде және дауыс көтеріп талапкерлерден тыйым салынған заттарды алды.
Құрметті Такир Оспанович, жоғарыда айтылған барлық пунктер емтиханға өзіме қанағаттанарлық жауап беруге кедергі келтірді. Бұл мәселелерді 17.08.2018 ж. күні аппеляция мүшелері қарастырмайтынын мәлімдеді. Екі емтиханнан мемлекеттік грантқа жеткілікті (яғни тура проходной 150 балл) жинақтадым. Бірақ, күмән келтірген көп талапкерлер 180 баллдан жоғары жинақтаған. Және кейбір талапкерлер магистратураны 2018 жылы бітіргендер. Ереже бойынша 1 жылдан кем емес еңбек өтілі қажет.
Осы мәселерді тексеріп, қарастырып беруіңізді сұраймын.
Құрметпен, 2018-2019 жж.докторантураға тапсырушы үміткер.
Жауап:

Құрметті талапкер! Жалпы екінші рет қайтадан кешенді тесттің ұйымдастырылуына байланысты докторантура емтихандары 7 этажды ғимарттан Педагогика және  психология институының оқу ғимаратына ауыстырылды. Ұйымдастырылу жағынан қателіктер жіберілгені анықталды. Ал кезекшілердің мәдениеттілік этика және дөрекі дауыс көтеру сияқты мәселелеріне келетін болсақ, сол күнгі кезекші болған қызметкерлер мен волонтерлардың аты-жөндері анықталып, егжей-тегжейлі тексерілетін болады.

Қазіргі магистратура бағдарламасына тапсыру ережесі бойынша 1 жылдан кем болмауы тиіс, егер ережеге сәйкес емес қабылданған талапкерлер анықталатын болса, оқудан шығарылады.

17-08-2018 19-35-07   Студенттен

Сұрақ қоюшы: Қайнар

Сұрақ № 393
Саламатсызба! Магистратураға бүгін тапсырған мамандық бойынша экзаменнің бағасын қайдан біле аламын?
Жауап:

Құрметті Қайнар! Емтихан нәтижелері қабылдау комиссиясының арнайы хабарлама тақтайшасына ілінеді.

17-08-2018 17-57-19   Талапкерден

Сұрақ қоюшы: Аноним

Сұрақ № 392
Құрметті ректор мырза. Сізге айтар шағымым бар. Қабылдау комиссиясында жұмыс істейтін қызметкерлер магистратураға тапсыруға құқысы бар ма? Қабылдау комиссиясының ғимаратында 27 кабинетте отырған Толғанай және Шынар деген қызметкерлер быйыл магистратураға тапсырып, жақсы бағалар алып отыр. Былтырда тапсырған бірақ түсе алмаған. Ал быйыл қабылдау комиссиясында жұмыс істегендіктен түсіп отыр. Олармен сөйлескенінде өздеріде солай айтты. Мен диктафонға жазып алғам. Осыған байланысты сізді бір шара қолданар деп үміттенемін.
Жауап:

Құрметті талапкер! Біріншіден, оқуға қабылдау ережесінде оқу орнында және қабылдау комиссиясында қызмет жасайтын талапкерлер оқуға тапсыруға болмайды деген нақты талап қойылмаған. 

Екіншіден, шағымыңызда аталған есімдер бойынша арнайы қызметтік тексерулер жүргізіліп, қабылданған шешім негізінде тиісті шаралар қолданылатын болады.

Егер шығымыңызды растайтын дәлеліңіз болса, rector_blog@kaznpu.kz электронды поштасына жіберуіңізді сұраймыз. Сұрағыңызға рахмет!

17-08-2018 11-59-49   Студенттен

Сұрақ қоюшы: Аноним

Сұрақ № 391
Сәлеметсізбе! Айтарға сөзім жоқ! Мен ҚазҰПУ-нің магистратурасын өте жақсы бітірдім. Докторантураға гранттардың бәрі сатылып қойды дегенде сенбей, өз біліміме сеніп құжаттарымды докторантураға тапсырдым. Ағылшыннан 90-нан жоғары балл алып, спец.емтиханға келгенде төмен балл қойып тастап түсе алмадым. Бірақ грантқа түскен адамдардың бәрін білем, олар универ қабырғасында әрең сабақ оқып жүрген адамдар, 2000-5000 доллар беріп сатып алдық деп отыр. Бұл сұмдық жайт қой, универ басшылары не қарап отыр! Неге адамның білімін бағаламайсыздар! Мен барлық сұрақтарыма жауап беріп, есебімді де шығардым. Такир ағай, Сіз келіп жағдай түзеледі ме екен деген ой болып еді, бірақ ештеңе өзгермепті. Коррупцияға былығып жатқан универ, әлі былығып жатыр екен! Мен физматты бітірдім, ондағы былық бастан асады, кәрі, коррупционер мұғалімдерді ауыстыратын уақыт болды ғой! Менің жан айқайымды сізге сөзбен жеткізу мүмкін емес! Үлкен бір шара қолдануыңызды сұраймын және жауабыңызды күтемін!
Жауап:

Құрметті талапкер! Қазіргі таңда емтихан нәтижелері бойынша тексеріс жүргізіліп жатыр. Шағымыңыздағы мәселелерге қатысты басшылық тарапынан шара қолдану үшін нақты дәлелдер қажет. Егер пара алу фактісіне қатысы бар қызметкерлер туралы ақпаратыңыз болса, rector_blog@kaznpu.kz электронды поштасына жіберуіңізді сұраймыз.

Сіздің шағымыңызда аталған Физика, математика және информатика институтының директоры жаңадан сайланғанын ескертеміз. Сонымен қатар биыл институт директорлары мен профессор-оқытушылар құрамына конкурс жарияланып, конкурс нәтижесі бойынша бірқатар өзгерістер енгізілді. Сұрағыңызға рахмет!  

 

Барлығы: 3266

« перв. ... < пред. ...  143  144  145  146  147 148  149  150  151  ... след. > ... посл. »

Аты жөніңіз: *

Өтініштің барлық тармақтарын мұқият толтыруыңызды сұраймыз. Жіберуші туралы толық емес ақпаратпен жолданған электрондық нысандағы өтініштер мен анонимді өтініштер қаралмайды. Сұрақ қойған адамның деректерін (аты-жөні, электронды поштасы, телефоны) сайтта жарияланбайды және үшінші тұлғаларға берілмейді. Егер Сіз сұрақ қою барысында есіміңіздің сайтта жарияланбағанын дұрыс деп есептесеңіз, есіміңізді жарияламау туралы белгіні қоюды ұмытпаңыз.

Е-майл:

Бұл өріс құпия ретінде сақталады және жарияланбайды.

Телефон:

Бұл өріс құпия ретінде сақталады және жарияланбайды.

Сұрақ тақырыбы:


Сұрақ: *


Суреттегі кодты жазыңыз: *


Қойылған сұрақтар саны

Маусым, 2022
37
Мамыр, 2022
137
Сәуір, 2022
64
Наурыз, 2022
45
Ақпан, 2022
46
Қаңтар, 2022
57
Желтоқсан, 2021
29
Қараша, 2021
43
Қазан, 2021
70
Қыркүйек, 2021
75
Тамыз, 2021
109
Шілде, 2021
79
Маусым, 2021
62
Мамыр, 2021
69
Сәуір, 2021
74
Наурыз, 2021
47
Ақпан, 2021
42
Қаңтар, 2021
68
Желтоқсан, 2020
61
Қараша, 2020
62
Қазан, 2020
42
Қыркүйек, 2020
48
Тамыз, 2020
57
Шілде, 2020
81
Маусым, 2020
88
Мамыр, 2020
65
Сәуір, 2020
86
Наурыз, 2020
57
Ақпан, 2020
37
Қаңтар, 2020
28
Желтоқсан, 2019
47
Қараша, 2019
72
Қазан, 2019
70
Қыркүйек, 2019
61
Тамыз, 2019
88
Шілде, 2019
47
Маусым, 2019
71
Мамыр, 2019
54
Сәуір, 2019
70
Наурыз, 2019
51
Ақпан, 2019
45
Қаңтар, 2019
75
Желтоқсан, 2018
87
Қараша, 2018
51
Қазан, 2018
54
Қыркүйек, 2018
77
Тамыз, 2018
105
Шілде, 2018
46
Маусым, 2018
43
Мамыр, 2018
45
Сәуір, 2018
36
Наурыз, 2018
30
Ақпан, 2018
28
Қаңтар, 2018
17
Желтоқсан, 2017
17
Қараша, 2017
12
Қазан, 2017
2
© 2017 Абай атындағы ҚазҰПУ
Besucherzahler
счетчик посещений