10-03-2022 20-30-38   От студента

Автор вопроса: Аноним

Арт билим бизге не ушин керек?

Ответ:

Сәлеметсіз бе! Арт білім беру пәні 2019 жылдан бастап енгізілген. Арт білім беру  пәні  пәнаралық жоғары оқу орны таңдаған пән ретінде студенттерді өнерге баулу және жан-жақты мәдениетті етіп тәрбиелеуге арналған курс болып табылады.

Пәннің мақсаты - Қазақстан ғылымының түрлі салаларындағы болашақ мамандарды ежелгі дәуірден қазіргі заманға дейінгі тарихи кезеңдерде Қазақстанның бірегей мәдени сан алуандығының қалыптасу ерекшеліктері мен генезисі туралы базалық біліммен қамтамасыз ету. Курс аясында Қазақстанның көркем мәдениетінің дамуының негізгі кезеңдері қарастырылады, бейнелеу және орындаушылық өнердің әртүрлі түрлерінің генезисінің ерекшеліктеріне қысқаша талдау жасалады. Қалыптасатын құзреттіліктер: шығармашылық және ғылыми қызметті тиімді ұйымдастыру үшін қажетті іскерліктер, сыни ойлау негіздері, жобалау қабілеттілігі, ой құру және шабыттануды дамыту.

09-03-2022 17-38-49   Другие

Автор вопроса: Меирбекова Гульжазира Болатовна

Құрметті Дархан Нұрланұлы!

90 жылдан астам тарихы бар, жоғары оқу орындарының тұңғыш қара шаңырағы Абай атындағы Ұлттық Педагогикалық университетімізде тұңғыш рет ұстаз-ана, ұстаз ару қыз-келіншектерге халықаралық дәрежеде тойланатын өздерінің төл мерекесінде сыйақы берілмей қалды. «Байдың малын байғұс қызғанады»-деп айтпақшы, мемлекеттік бюджеттен қаржыландыратын Ұлттық Университетте Аналар мерекесіне 5-10 мың теңге табылмай қалды деп айту, естір құлаққа да ұят екен.
Еліміздің педагог мамандарын дайындайтын университеттің 90 пайызы ару қыз-келіншектер, ардақты аналар, аяулы әжелер. Олардың алды сонау марқұм Садықов Тоқмұхамед Сәлменұлы басқарған кезден келе жатқан, одан Пралиев Серік Жайлауұлы және Балықбаев Тахир Оспанұлы басқарған университетіміздің гүлденуіне, осындай дәрежеге жетуіне атсалысқан ардақты ұстаздар.
Осы кісілер басшылық жасаған кезде, Біз осы кезге дейін 8-наурызда сыйақы алмай қалған кезіміз болған емес. Өйткені, бұл мерекеде сыйақы беру дәстүрге айналған еді. Сыйақымен бірге, ректор әр ұстаздарға гүлімен, конфетімен әр факультет, кейін институтқа өкілдері арқылы құттықтауларын жіберетін. Кәсіподақ өз тарапынан әр кафедраға шай ішетін сервизімен сыйлық жасайтын. Ректордың өзі Ұстаздарды құттықтайтын мерекелік шарада барлық ұстаздарға сыйақы түсетінін хабарлап қуантатын. Сондықтан болар, Бізде осы жолы «Жас келсе іске»- деп, Сізден де бүгінге дейін үмітімізді үзбей, сыйақы, өз аузыңыздан құттықтау күттік, «открытка» емес.... Ия, Ол бес он теңгеде тұрған ешнәрсе жоқ. Одан Сіз де, Біз де байып кетпейміз. Ол Сіздің қоластыңызда аянбай қызмет жасап, университетіміздің өсіп, өркендеуіне үлес қосып жатқан аналарға деген, қыз келіншектерге деген көңіліңізді, ол Сіздің Ұстаз аналарға деген құрметіңізді көрсетті....
«Аналарға, ұстаздарға күнде құрмет көрсетілуі керек» - деп жатқан кезде, бір күндік мерекеде аналардан, ұстаздардан ақшасын үнемдеп қалған экономист қызметкеріңізді ауыстырыңыз. Осындай кішкентай болсада жасалатын қайырымды істерден, құрметтен құр қалдырған, абыройыңызға үлкен дақ түсіретін ондай Экономист қызметкер Сізді ғана емес, бүкіл Университеттің абыройына нұқсан келтірері хақ. Осындай мерекеде бір шараға атсалыса алмаған Кәсіподақ ұйымына, Профкомыңызға ескертіңіз. Ол өзінің қаражатынан емес, осында жүрген мыңдаған ұстаз оқытушылардың аударған қаражатын өздеріне көрсетіп, жақсылап жұмсай алмаса, мерекеде елеп, қуанта алмаса, ондай профкомның да ешкімге керегі жоқ. Ондай профкомды таратып жіберу керек!
Бұл бір ғана менің ойымда қалған «неге» деген сұрақ - деп ойламаймын, бұл осы университеттің қабырғасында еңбек етіп жүрген барша ұстаздардың көкейінде күман боп қалған сұрақ деп ойлаймын...

Ответ:

Сәлеметсіз бе! Басқарма шешімімен қабылданған еңбекақы төлеу Ережесіне сәйкес белгілі бір мереке күндеріне сыйақы беріледі. Акционерлік қоғам туралы заңға сәйкес университетте корпоративтік басқару жұмыс істейді, сыйақы беру туралы шешімді экономистер де, бухгалтерлер де қабылдамайды. Сонымен қатар, кәсіподақ қызметкерлердің қоғамдық ұйымы болып табылатынын және университет басшылығы ұйымның қызметіне ықпал етпейтінін хабарлаймыз. Біз өз ұжымымыздың барлық мүшелерін бағалайтынымызды және университеттің дамуына қосқан үлесі үшін қызметкердің үздіктерін арнайы сыйақымен марапаттайтынымызды атап өткіміз келеді. Рахмет!

09-03-2022 14-03-56   От студента

Автор вопроса: Аноним

Сәлеметсіз бе,мен қазіргі таңда 3 курс студентімін
Отбасылық жағдайыма байланысты 4 курста мобильностьпен Орал қаласындағы БҚМУ-ға ауысқым келеді.
4 курста мобильность қарастырылғанба?

Ответ:

Сәлеметсіз бе! Академиялық ұтқырлық бағдарламасы бойынша ақпарат алу үшін Халықаралық ынтымақтастық департаментіне хабарласуыңызға болады. Байланыс деректері: Алматы қ., көш. Қазыбек би, 30/1, 2 кабинет, тел. 8 777 444 09 91 немесе e-mail: gulnara_t@mail.ru, acadmob@kaznpu.kz.

09-03-2022 13-34-32   От родителей

Автор вопроса: Жолшиева Шолпан

Уважаемый Дархан Нурланович! Обращаемся к Вам от имени родителей юридического факультета 1 курса очного отделения. Убедительно просим Вас решить вопрос о нахождении для иногородних студентов мест в общежитиях ВУЗа.

Ответ:

Здравствуйте! Уважаемые родители, по вопросам общежития просим обращаться к директору Института истории и права либо к заместителю директора по воспитательной работе. Контакты: 291-03-09,291-78-24. Спасибо! 

08-03-2022 23-24-55   Другие

Автор вопроса: Аноним

Саламатсыз ба! Ақтөбе қаласы Жубанов Университетінің 2 курс магистранты едім. Сіздің университеттің ғылыми журналына желтоқсан айында мақаламды жіберген болатынмын. Әлі сол мақала бойынша ешқандай ақпарат ала алмай жүрмін, сайтта да жүктелмеген. Сонда журналға жариялау үшін не істеу керек? Осылай жауапсыз қала бере ме? Диссертация қорғайтын уақыт та келіп қалғасын, жарияланғаны керек

Ответ:

Құрметті Жұлдыз Аманкелдіқызы!

Абай атындағы ҚазҰПУ Хабаршысының «Филология ғылымдары» сериясына келіп түсетін мақалалардың легі өте көп. Редакциямызға күніне 200-ге дейін әртүрлі мазмұндағы мақалалар жолданады. Осыған байланысты, олардың мазмұнын, мақалаларға қойылатын талаптарға сай рәсімделуін, этикалық нормалардың сақталуын және антиплагиаттық тексерістен өткізу жұмыстары көп уақытты қажет ететіндіктен, мақалаларды қарау уақыты 1,5-2 айды құрайды. Рецензенттердің ескертуіне сәйкес, түзету мен өңдеуге қайтарылған мақалаларды автордың қайта қарап, түзеп шығуы да біршама уақытты алуы мүмкін. Бұл да мақаланы жариялауға дайындау уақытының созылуына ықпал етеді.

Сізге «Реалия түсінігі және оның ерекшеліктері» тақырыбындағы мақалаңыз бойынша 14 қаңтар күні мақалаға қойылатын талаптарға сәйкес рәсімдеу керектігін көрсетіп хат жібердік. Алайда, Сіздің тарапыңыздан рәсімдеу жұмыстары жылдам және тиянақты орындалмады.Жұмысыңыз 2-ші рет тексерістен кейін ғана антиплагиаттық тексерістен сәтті өтті.  Ұзақ уақытқа созылған түзетулерден кейін ғана мақалаңыз жариялауға қабылданғандығын және «Филология ғылымдары» сериясының 2022 жыл 1-ші санында жарияланатындығын хабарлаймыз.Сұрағыңыз үшін рахмет!

06-03-2022 22-07-50   От студента

Автор вопроса: Аноним

Сәлеметсіз бе Дархан Нұрланұлы! Біз 3-курс педагогикалық бағытта оқитын студенттер атынан жазып отырмыз. Сізге өтінішіміз бар. Алдағы наурыздың 24-25-26 күндердегі сабақтарды наурыздың 28-29-30 күндеріне ауыстырсаңыз. Сөйтіп 28.03-02.04 аптасын толық оқысақ, ал 21-26 наурыз аралығында ауылға барып-қайтсақ деп едік. Өтінішімізді жерге қалдырмассыз деген үміттеміз!

Ответ:

Сәлеметсіз бе! Сұрағыңыз бойынша толық мәлімет алу үшін Академиялық мәселелер жөніндегі департаменттің қызметкерлерімен хабарласуыңызға болады. Байланыс деректері: 291-13-71, 291-71-06, е-mail: okubolimi220@mail.ru. Рахмет! 

05-03-2022 15-29-52   От родителей

Автор вопроса: Аноним

Құрметті ректор мырза! Сіз басқарып отырған Университет қызметкерлерінің қателігінңі салдарынан менің бауырымның оқу грантын жою туралы бұйрық шығарылған. Қызметкерлеріңіз қателігін мойындап кешірім сұрап шығарып салды. Ол үшін біршама Заңды көтеріп, құжаттармен заңнамаларды көрсетіп жәлелдеәге тура келді. Өз қателіктерін мойындаған қызметкерлеріңіз әлі күнге бауырымның оқу грантын қайтармады, сонждай-ақ 4 ай бойы шәкірт ақыдан қағылып отыр. Балаға психикалық, моральдық залал келтірілді. Осы мәселенің шешімін тауып беруіңізді сұраймын. Бұл сұрақмпен сіздің көмекшіңіз Сеитов Рашид Қызырбекұлына бірнеше рет хабарласқан болатынмын, бірақ әлі не жауап не шешім жоқ. Бауырым бала кезінен мүгедек, анас 2 топтағы, әкесі 3 топтың мүгедегі. Шәкіртаұысыз қалу қазіргі таңда қиын болып тұр. Мәселеніің шешілмеуіне байланысты сіздің қабылдауыңызға қанша жазылуға сұраныс білдірсекте сіз орныңызда эоқ, жиналсыта, Нұр-Сұлтан қаласында деген жауап аламын. Бауырымның оқу грантын себепсіз жоюына байланыс Университетпен қызметкерлеріңіздің үстінен құзырлы органдарға, сондай-ақ сотқа шағымдануыма тура келеді. Сіздің қызметкерлеріңіздің қателіктерін жасырғысы келген, сондай-ақ келесі күні мойындап қателіктерін кешірім сұраған барлық видео-аудио материалдар бар. Сізден қысқа мерзімде осы сұрақтың шешімін тауып беруіңізді сұраймын.

Ответ:

Сәлеметсіз бе! Хатыңыздағы мәселе қарастырылып, жауапты тұлғаларға тапсырма берілді.

Филология және көптілді білім беру инcтитутының 1 курс студенті Айгерім Найзаеваның оқу үлгерімінің жоғарылығы, 3-ші топ мүгедектігі және әлеуметтік жағдайының төмендігі ескеріліп, 2021-2022 оқу жылының қысқы оқу семестрінен кейін босаған бос грант орындарына ұсынылды. Бірінші семестр қорытындысы бойынша босаған бос грант орындарының иегерлерінің тізімі министрлік тарапынан бекітілгеннен кейін Айгерім Найзаеваға екінші семестрден бастап шәкіртақы тағайындалады. Бұл мәселе басшылықтың қадағалауында болады.

05-03-2022 14-12-57   От студента

Автор вопроса: Аноним

Сәлеметсіз бе! Қысқы емтихан нәтижесі бойынша бос грант орындарына ауысқан магистранттарының тізімі қашан шығады?

Ответ:

Сәлеметсіз бе! Сұрағыңыз бойынша толық ақпарат алу үшін Академиялық мәселелер жөніндегі департаменттің қызметкерлерімен хабарласуыңызға болады. Байланыс деректері: 291-13-71, 291-71-06, е-mail: okubolimi220@mail.ru. Рахмет!

05-03-2022 13-08-37   От родителей

Автор вопроса: Дельманова Бакытгуль Бакитжановна

Председателю Правления – ректору
Дархану Нурлановичу Билялову
от родительницы
Дельмановой Бакытгуль Бакитжановны




Обращение

Уважаемый, Дархан Нурланович!
Я, мама студентки 1 курса по специальности 6В01709 – Учитель восточных языков со знанием английского (очная) Дельмановой Ленары Сисенбаевны, обращаюсь к Вам с просьбой посодействовать в остром для нас вопросе обучения в формате оффлайн.
Прошу Вас оставить нас на обучении в формате онлайн до конца 1 курса и позволить нам обучаться оставшиеся два месяца онлайн, так как мы относимся к живущим в дальнем регионе, в г.Актобе
Прошу учесть еще тот факт, что я одна воспитываю дочь и у нас остро стоит жилищный вопрос. Мы не сможем в данный момент найти сьемную квартиру и тем более оплачивать, а вопрос размещения в общежитии неопределенный. И самое главное, немаловажный вопрос о безопасности детей в стране еще очень актуальный. Не получится ли опять, что приехав на обучение, нам придется снова возвращаться из-за нестабильной обстановки в стране! Из-за независящих и от нас и от вас ситуаций в стране, мы уже дважды за один год обучения были вынуждены сдавать жд и авиабилеты (в одном из них нам так и не вернули деньги)
25 августа я произвела оплату сразу за весь год обучения дочери.
Прошу принять во внимание все мои доводы и позвольте остаться на обучении онлайн.
С уважением к Вам, Дельманова Б.Б.

Ответ:

Здравствуйте, уважаемая Бакытгуль Бакитжановна! Вам нужно обратиться с соответствующим заявлением к директору Института филологии и полиязычного образования Танжарыковой Алуа Васильевне. Контакты: 291-16-06. 

05-03-2022 03-32-52   От студента

Автор вопроса: Аноним

Сәлеметсіз бе Ректор мырза, АРТ білімнен беретін Айдын Кожагулов ағай басқа өнер институтына қатысы жоқ мамандықтарға сабақ бермесе екен. Өте эгоист ағай. Әр тапсырмасында тың деректер күтеді. Оқулық болмағасын АРТ білімнен ғаламторда немесе басқа кітаптардан қол жетімді ақпараттарды ғана оқимыз, ал Айдын ағай оған қанағаттанбайды төмен балл қоямын деп қорқытады. Не үшін біздің мамандығымызға қатысы жоқ пәнді тереңінен оқуымыз қажет. Басқа топтарға АРТ білімнен беретін мұғалімдер
ондай қатал емес. 3 курста мамандығымызға қатысы жоқ пәндерді не үшін оқуымыз қажет? Неге АРТ білім сияқты пәндерді 1 2 курста оқытпасқа? Айдын Кожагулов пен жұмыс жасау өте қиын. Лекциясында айтатын ақпараттары өте аз, ал сұрайтыны таудай дүние. Интерактивті тақта дұрыс жұмыс жасамаса да студенттерге ұрсады. Семинар сабағында лекция дәптерді талап етеді. Ұмытып кеткен студенттерге қатты ұрсады. Ешбір студент міндетті емес қой лекция дәптерді семинар сабаққа тасып жүруге. Оның үстіне әрбір студент музей мен театрға баруы керек. Музейде экскурсавод жалдаңдар тарихын біліңдер деп тапсырма берді.  Экскурсавод жалдау қымбат екен. Топпен баруға мүмкіндік жоқ себебі 3 курс болған соң сабақтан тыс уақытта көпшілік студенттер жұмыс жасайды. Ал 2 3 студентке қаржылық тұрғыдан қиын экскурсавод жалдап музейдегі әр туындының тарихын сұрау. Жалпы бұл ағай студенттер мен дұрыс жұмыс жасай алмайды, бұл мұғалімді ауыстыруыңызды талап етеміз.

Ответ:

Сәлеметсіз бе! Шағымыңыз назарға алынды. Рахмет!

04-03-2022 18-11-18   От родителей

Автор вопроса: Аноним

Сәлеметсіз бе! 2 наурыз күні жатақхана туралы сұрақ қойып едім, нақты жауап ала алмадым. 1 курс студенттері 24 наурыздан бастап оффлайн форматқа көшсе, неге жатақхана берілмейді?

Ответ:

Құрметті студент! Қазіргі уақытта Абай университетіне қарасты жалпы сыйымдылығы 1 287 білім алушыға арналған 5 жатақхана бар. Білім алушыларды жатақханаға орналастыру жұмыстары «Univer» жүйесі арқылы жүргізіледі. «Univer» жүйесіне түскен өтініштерді арнайы комиссия құрамы қарастырып, белгіленген әлеуметтік категорияларға сәйкес үлестіреді.

Жатақханадан орын беру басымдылығы бірінші курс студенттеріне, толық жетім және ата-ананың қамқорлығынсыз қалған балалар, ата-анасының біреуі немесе екеуі де мүгедек болып табылатын тұлғалар; көп балалы және аз қамтылған отбасылардан шыққан тұлғаларға беріледі. Жатақханадан орын беру ережесімен сайтымыздан танысуыңызға болады: https://abaiuniversity.edu.kz/kz/2660/page/ .

Биыл университеттегі жатақхана тапшылығын ескере отырып, университет басшылығы 156 орынға жалдамалы жатақхананы жалға алып, әлеуметтік аз қамтылған отбасынан шыққан жоғары курс студенттерін де жатақханамен қамтамасыз етіп отыр. Түсіністік танытып, белгіленген тәртіпке сәйкес өтінішіңіз бен әлеуметтік жағдайыңызды растайтын құжаттарды өткізуіңізді сұраймыз. Рахмет!

03-03-2022 11-07-40   От студента

Автор вопроса: Аноним

Сәлеметсіз бе! Наурыз айының стипендиясы қашан беріледі?

Ответ:

Құрметті студент! Стипендия әр айдың 20-на дейін беріледі. Көрсетілген мерзімде берілмеген жағдайда институттың директоратына немесе бухгалтерия қызметкерлеріне хабарласуыңызды сұраймыз. Рахмет.

02-03-2022 21-28-57   От абитуриента

Автор вопроса: Аноним

Құрметті Дархан Нұрланұлы! Мен филология факультетінің 4-курс студентімін. Күзгі семестр уақытында ковидпен ауыруыма байланысты «1960-2000 жылдардағы қазақ әдебиетінің тарихы» пәнінен 1 рк 4 балл, 2 рк 62 балл жинап,қысқы емтиханға рұқсат ала алмай қалдым. Желтоқсан айының 24 күні Сіздің атыңызға жоғарыда аталған сабақты қайта оқу бойынша өтініш жазғанмын. Алайда, өтінішке тек қаңтар айының соңында ғана «ректорат» рұқсат берген жоқ деген жауап алдым (ауызша түрде). Енді маған не істеу қажет деген сұраққа деканат басқа универден құлаған сабағыңды кредитін төлеп оқып кел деп отыр. Алайда, басқа универлер біз секілді 4-курста қысқы емтиханға рұқсат ала алмай қалған студенттерді қабылдағысы жоқ. Қабылдамақ түгілі өзге универдегі қабылдау комиссиялары мен жауапты деканаттар бұндай тәсілді бірінші рет естуіміз деп таңырқап отыр. Енді Сізге сұрақ бізге не істеу қажет? Өзіміз оқып отырған университет қайта оқуға рұқсат бермесе, өзге универлер қайдан рұқсат береді? 4 жыл оқыған еңбегіміз бен құйып отырған ақшамыз желге ұшқаны ма? Бізге қайта оқуға рұқсат беруіңізді сұраймын! Оның үстіне қазір пед практика өтудеміз. Жоғарыда аталған сабақтан шешілмеуіне байланысты дипломдық жұмысқада тақырып таңдай алмай отырмыз. Сізден кері байланыс күтемін. Рақмет.

Ответ:

Сәлеметсіз бе! Университеттің Академиялық саясатының 331, 332 тармақтарына сәйкес студенттің жеке жұмыс жоспары бойынша пәндер толық игерілмегендіктен, қайта оқу курсына қалдырылады.

331. Қорытынды аттестаттауға Мемлекеттік жалпыға міндетті білім беру стандартының, білім беру бағдарламасының, жұмыс және жеке оқу жоспарлары мен жұмыс оқу бағдарламаларының талаптарына сәйкес білім беру процесін толық аяқтаған білім алушылар жіберіледі.

332. Білім беру бағдарламасының, Жеке оқу жоспарының, жұмыс оқу бағдарламаларының талаптарын орындамаған бітіруші курстың білім алушысы қорытынды аттестаттауға жіберілмейді және қайта оқу курсына қалдырылады.

Сұрағыңыз бойынша институт директорының оқу ісі жөніндегі орынбасарына немесе  Тіркеу кеңсесінің мамандарына хабарласып, толық ақпарат алуыңызға болады. Байланыс тел.: 291-18-35, 291-18-53.

02-03-2022 17-56-49   От абитуриента

Автор вопроса: Жолшиева Шолпан Куанышевна

Добрый день! Уважаемый Дархан Нурланович, я родительница студента очного платного отделения 1 курса юридического факультета, вынуждена обратиться к Вам с вопросом о том, что многие иногородние студенты очного отделения Вашего ВУЗа не имеют возможности получить место в общежитии. При подаче документов приемная комиссия заверяла, что всем иногородним предоставляется общежитие. Требования ВУЗа при подаче документов о 25% оплате выполнено нами, уже позже к сентябрю при распределении мест в общежитиях нам отказали, на вопрос почему? было сказано, что согласно правил Вашего ВУЗа по предоставлению мест в общежитие мы не прошли. Теперь мой первый вопрос:"Почему при приеме студентов, на очное платное отделение не учитывается такой критерий, как способность ВУЗа предоставления общежития иногородним студентам. Количество принятых иногородних студентов должно фиксироваться и соответствовать фонду мест в общежитиях. Второй вопрос:"Почему не берется в зачет проживание в экологическом районе сельской местности? Каковыми мы являемся. Мы проживаем в Созакском районе, который является экологически вредным и студенты нашего поселка во всех ВУЗах страны получили общежития , кроме КАЗНПУ.
В связи с обьявленным онлайн обучением я этот вопрос поднимать не стала, на данный момент обучение планируется начаться с 24 марта. Очень остро стоит вопрос о продолжении обучения и места проживания. Прошу Вас решить положительно вопрос о возможности предоставления мест в общежитиях для своих студентов.

Ответ:

02-03-2022 10-00-42   От родителей

Автор вопроса: Аноним

Сәлеметсізбе! 23 наурыздан бастап 1 курсқа сабақ оффлайн болады деп жатыр. Ал жатақханада орын жоқ дейді. Сонда басқа қаладан баратын студенттер қайда тұрады? Жылдың ортасында арзан квартира жоқ, ал табылғаны қаланың шетінде,ол жерден Алматының кептелісімен сабаққа уақытында бару мүмкін емес. Қаланың ортасындағы квартиралардың бағасы ұшып тұр, әсіресе ақылы бөлімде оқитын студенттерге оны төлеу мүмкін емес. Студенті көп іргелі оқу орны болғандықтан жатақхана саны неге студенттер санына сай емес. Бұл менің ғана емес, басқа қалада тұратын барлық студенттің ата-анасының жан айқайы деп білемін.

Ответ:

Сәлеметсіз бе! 2022 жылдың 24-ші наурыздан бастап 1 курс студенттері үшін оқу үрдісі дәстүрлі/аралас форматта ұйымдастырылады.

01-03-2022 17-32-44   Другие

Автор вопроса: ақын ағаларың

Сәлем бердік ректор мырза!!! сіз басқарып отырған киелі оқу орны, 90 жылдан астам тарихы бар... Бақ қызметкерлерінізге қарап қарным ашады... мысалы, менің немерем дипломын жоғалтып бір ай бойы сандалды. айтатындары анда бар, мында бар. Бәрін Нұрсағила деген қызметкер біледі деп, ол орнында болмайды, оның жоқтығын жасырып қасындағылары әуре. неге осы қызмет электронды түрінде жасалмасқа, болмаса қолынан келетін іскер қызметкер алсаңыз, нұр үстіне нұр болар еді. жұмысыңызға табыс тілей отырып, ретке келтіреді деп ойдамын

Ответ:

Сәлеметсіз бе! Университет түлегі дипломын жоғалтқан жағдайда тұрғылықты жері бойынша Халыққа қызмет көрсету орталығы (ЦОН) арқылы өтініш беруі керек. Өтінішіңізді ескереміз. Рахмет!

28-02-2022 17-23-53   Другие

Автор вопроса: Аноним

Сәлеметсіз бе? 1,0 штат әрбір тазалайтын алаңның 500 шаршы метріне есептелсе. Сырланған қабырғалар жуылады, бұл жоғарыда аталған шаршы метрге қосылады ма, жоқ әлде тек еден ғана 500шаршы метр болу қажет па? Сіздерге қоятын екінші сұрағым - 1,5 штат еден жуушыларға рұқсат етілген ба?

Ответ:

Сәлеметсіз бе! Сұрағыңыз бойынша толық ақпарат алу үшін Инфрақұрылымды дамыту жөніндегі департаментінің директоры Барлыбай Әбдірахманұлы Мейірмановпен хабарласуыңызға болады. Байланыс тел.: 291-12-01. Рахмет!

24-02-2022 18-42-15   От студента

Автор вопроса: Аноним

Сәлеметсіз бе!21-наурыздан бастап педагогикалық бағытта оқитын студенттер нақты оффлайн форматына көшеді ме?Осы сұраққа нақты жауап беруіңізді өтінемін.Себебі қырқүйекте де,ақпан айында да оффлайн форматқа көшеміз деп,3-4 күн қалғанда ғана жоққа шығарады.Барлық жоғарғы оқу орындары дәстүрлі форматқа көшкелі қай заман.

Ответ:

Сәлеметсіз бе! 2022 жылдың 24 наурызынан бастап 1 курс студенттері үшін оқу үрдісі дәстүрлі/аралас форматта ұйымдастырылады.

24-02-2022 12-27-25   Другие

Автор вопроса: Аноним

Университеттің ішкі нормативтік құжатына сай бір еден жуушы неше шаршы метр еден жуу қажет жәнеде сырланған қабырға неше шаршы метр болу қажет?

Ответ:

Сәлеметсіз бе! Қызметтік үй-жайларды тазалаушылардың қызмет көрсету нормалары қызметтік үй-жайларды, яғни ғимараттарды жинаушы лауазымының 1,0 штат бірлігі  тазалайтын алаңының әрбір 500 шаршы метріне сәйкес есептеледі. 

24-02-2022 00-02-01   От студента

Автор вопроса: Аноним

Сәламатсыз ба мен степендиядан құладым,
Сіздерге қояр сұрағым 1 курусқа грантқа түскен студент неше ай степендия ала алады, құлап қалған жағдайда,
Егерде қысқы степендиядан құласа, январь, февраль да степендия ала алама?
Мұғалімдер айтуынша, степендия беріледі деп айтып жатыр, бірақ түскен жоқ
Рахмет, жауап күтем

Ответ:

Сәлеметсіз бе! Сұрағыңыз бойынша толық ақпаратты Сіз оқып жатқан институт директоратынан немесе директордың оқу ісі жөніндегі орынбасарынан білуіңізге болады. Рахмет!