04-04-2018 15-57-48   Басқа

Сұрақ қоюшы: Мұғалім

Құрметті Такир Оспанович! Сізге сұрағым бар еді, жылда бітіруші студенттердің диплом қосымшасын мұғалімдер жасайды және жолғалтқан студенттер, магистранттардың диплом қосымшасын да мұғалімдер құрамы жасайды. Диплом қосымшасы мен қоса құжаттарын архивқа өткізу,тігу бәрі мұғалімнің мойнында.
Биылғы жылы осыған арнайы бөлім жасақталған ба, негізі жауапты адам бар ма осы мәселе бойынша?

Жауап:

Сәлеметсіз бе! Биыл Университетіміздің қызметін автоматтандыру және оқу үдерісін тиімді басқару мақсатында «UNIVER»  жүйесі іске қосылды. Биылғы бітіруші студенттерге диплом және оның қосымшасы орталықтандырылған «UNIVER» жүйесі арқылы берілетін болады. Диплом қосымшаларымен қамтамасыз ету жұмыстарына  институт директорларының оқу ісі жөніндегі орынбасарлары жауапты.

Жоғалған диплом мен қосымшаларын беру үшін алдымен тіркеу бөлімінде жасалынған транскрипт директорат қызметкерлеріне қосымшаны жасау үшін беріледі, ал дипломды студенттік офис қызметкерлері толтырады. Сұрағыңыз бойынша толық ақпаратты Академиялық мәселелер жөніндегі департаментінен алуыңызға болады. Байланыс телефондары: 8 (727) 291-13-71, 291-71-06.

04-04-2018 15-54-38   Студенттен

Сұрақ қоюшы: Аноним

Сәлеметсіз бе Такир Оспанұлы! Мен осы университеттің 2 курс магистрантымын. Ректор блогының ашылғанын естіп, өте қуанып отырмын. Себебі, шағымымды басқа кімге айтарымды білмеймін, барлығы бір-бірін жақтап, істің байыбына бармай жатып шындықты жасырады. Бұл университетте әділетсіз қызметкерлер жұмыс атқарады. Ғылыми жұмыс және халықаралық ынтымақтастық жөніндегі проректор Құлсариева Ақтолқын Тұрлыханованың хатшысы Исатаева Асель - жемқорлықпен айналысады. Былтырғы жылы Ақтолқын апай оқу-ісі жөніндегі проректор болған, сол кезде хатшысы Истатаева Асель студенттерге емтихандардан өтуге көмек беріп, оқуға түсуге және оқудан шығарайын деп жатқан студенттердің мәселелерін шешіп, студенттерден қолма-қол ақша сұрап және қымбат бұйымдар талап етіп отырды. Бұл қызметкер осы жерде жұмыс жасап жүріп, магистратурасын бітіріп, жатақханада тұрып, қазіргі таңда докторантураның тегін бөлімінде оқып жүр. Исатаева Асель өз қызметін асыра пайдаланып, жемқорлықпен айналысып, студенттермен және басқа қызметкерлермен өте дөрекі сөйлеседі. Такир Оспанұлы, сізден өтініш, қызметкерлер қызметін толық атқарып, жақсы қарсы алып, қарапайым болғанын қадағалауыңызды сұраймыз! Рахмет

Жауап:

Сәлеметсіз бе! Ғылыми жұмыс және халықаралық ынтымақтастық жөніндегі проректордың хатшысы Әсел Исатаеваға қатысты «жемқорлықпен айналысты» делінген шағымыңыз бойынша нақты дәлелдеріңізбен бірінші проректор Бектемесов Мақтағали Әбдімәжитұлына жолығуыңызға болады.

Шағымыңызға қатысты анықталған мәліметтер: Әсел Исатаева «Бастауыш оқыту педагогикасы мен әдістемесі» мамандығында Тараз мемлекеттік педагогикалық университетінің мақсатты мемлекеттік гранты негізінде, үш жақты келісім шарт бойынша білім алуда. Университетте жатақхана білім алушы студенттерге, магистранттарға және алыс аймақтан келген докторанттарға берілетіндігін және Әсел Исатаеваның  отбасылық жағдайын ескере отырып, жатақханадан орын берілген. Білім алушыдан өз тарапынан ережеге сай жатақханаға қажетті төлем ақысын төлегендігі туралы құжаты алынды.

Қызметкердің дөрекі сөйлеуіне қатысты шағымыңыз бойынша түсініктеме алынып, басшылық тарапынан ескерту жасалды.

Сіз көтеріп отырған мәселелер қарастырылып, қабылданған шешімнің нәтижесіне байланысты тиісті шаралар қолданылатын болады. 

03-04-2018 13-22-58   Талапкерден

Сұрақ қоюшы: Аноним

Сəлеметсіздер ме!"Абай сыйы"қорытындысы бойынша ll турға өтіппіз,мектепке қатынас келе ме,сол туралы ақппарат берсеңіздер деп едім

Жауап:

Құрметті талапкер! Біз «Абай сыйы» олимпиадасының өтетіні туралы барлық облыстық Білім басқармалары мен аудандық білім бөлімдеріне хат жіберген болатынбыз. Егер мектеп директорының атына қатынас хат керек болса, олимпиадаға келетін оқушылардың және мектеп директорының аты-жөні, мектептің толық атауы мен ауданы (облысы) көрсетілген мәліметтерді жіберулеріңіз қажет. Олимпиадаға қатысты сұрағыңыз бойынша толық ақпарат алу үшін Кәсіби бағдар беру және білім алушыларды қабылдау орталығымен хабарласуыңызға болады. Байланыс тел.:  8(727)291-57-68, 291-73-71, 291-87-80.

03-04-2018 12-54-32   Талапкерден

Сұрақ қоюшы: Аноним

Салематсызба ағай сұрағым дефектология мамандығы бойынша осы жылы оқу ақысы қанша екен білейін деп едім? Рахмет

Жауап:

Құрметті талапкер! 2017-2018 оқу жылында «Дефектология» мамандығы бойынша оқу ақысы 506 мың теңге болды. Ал 2018-2019 оқу жылына оқу ақысы әлі бекітілген жоқ. Бұл сұрақтың нақты жауабы мамыр айының соңына қарай белгілі болады. 

02-04-2018 21-15-49   Талапкерден

Сұрақ қоюшы: Аноним

Саламатсыздар ма жақында өткен "Абай сыйы" байқауның қорытындысы шығыпты,бірақ ішінде химия панінің қорытындысы жоқ екен.Қашан шығады?

Жауап:

Сәлеметсіз бе!  Химия пәні бойынша олимпиада қорытындысы «Абай сыйы» сайтында жарияланған. Олимпиада пәндерінің тестілеу нәтижелерін көрсетілген сілтеме арқылы қарай аласыз: http://olymp.kaznpu.kz/kz/result2018/

30-03-2018 17-40-33   Басқа

Сұрақ қоюшы: Снегирева Майя Николаевна

В настоящее время сельские школы испытывают систематический дефицит педагогических кадров.
Ваш университет является одним из лучших ВУЗов Казахстана, настоящей кузницей педагогических кадров. В связи с чем, обращаемся к Вам с просьбой о направлении для трудоустройства в 2018 – 2019 учебном году в наше государственное образовательное учреждение выпускников Казахского национального педагогического университета имени Абая по следующим специальностям:
- математика и информатика;
- русский язык и литература;
- казахский язык и литература;
- учитель начальных классов (ПМНО)

Наша школа расположена в селе Родина Целиноградского района, в 70 км от города Астана. Особенность сельского округа состоит в том, что здесь функционирует многопрофильное развитое сельхозформирование ТОО АФ «Родина», где применяются самые современные технологии. В сельском округе «Родина» Акмолинской области имеются современные детский сад «Солнышко», детская музыкальная школа, врачебная амбулатория, Дом культуры, хоккейный корт, детские площадки, зоопарк, салон красоты, библиотека; воплощаются в жизнь социальные проекты для духовного и социального благополучия села (на территории села работает водопровод с разводящими сетями, дома подключены к центральной отопительной системе, ведется строительство современных коттеджных и двухэтажных домов для работников).
Заранее благодарны Вам за помощь, ждем Ваших выпускников.

Наши контакты:Телефон 87165137427,87012865424,
e-mail: rodina-s33@yandex.kz , m_snegireva@mail.ru

Жауап:

Уважаемая Майя Николаевна! Спасибо за обращение. Мы обязательно рассмотрим Вашу просьбу о направлении выпускников нашего университета, обучающихся по указанным Вами специальностям, для трудоустройства в Вашу школу. Сотрудники Центра карьеры КазНПУ им. Абая свяжутся с Вами в ближайшее время.

 

30-03-2018 16-27-07   Басқа

Сұрақ қоюшы: Аноним

Салеметсізбе Балықбаев Такир Оспанович!Мен әлі бұл универдің студенті емеспін, 11 сынып бітіретін түлекпін.Бірақ, осы универге қатты түскім келеді.Сұрақ:егер мен жинаған балл грантқа болмай қалса немесе жоғары алсам да грантқа түсе алмай қалсам сіздерде тағы қандай мүмкіндіктер бар грантқа түсуге?

Жауап:

Құрметті талапкер! Білім гранты тек ҚР Үкіметі тарапынан беріледі. Егер Сіз грантқа түсе алмай қалсаңыз, біздің университет тарапынан ақылы негізде білім алушыларға төмендегідей жеңілдік түрлері қарастырылған:

1. «Алтын Белгі» жеңілдігі. Бұл жеңілдік күндізгі оқу бөлімінің бірінші курсына (бакалавриат) түскен «Алтын белгі» иегерлеріне беріледі. Талапкер ақылы бөлімге түскен жағдайда, бір академиялық мерзімдегі оқу ақысына 100 % жеңілдік  беріледі. Ары қарай, студент аталмыш жеңілдік түрін сақтап қалу үшін «үздік» оқуы тиіс және GPA 3,67 балдан төмен болмауы қажет;

2. «Озат» жеңілдігі. Бұл жеңілдік түрі күндізгі оқу бөлімінің бірінші курсына (бакалавриат) түскен «Үздік» аттестат/диплом иегерлеріне беріледі. Жеңілдік бір жылдық оқу ақысының 20% құрайды.

3. «Отбасылық» (бір отбасының балаларына) жеңілдігі. Жеңілдіктің бұл түрі оқуға түсуші талапкерлер бір отбасынан шыққан балалар болған жағдайда (ағалы-қарындас, әпке, сіңілі, күйеуі, әйелі) оқу жылының төлемақысынан әрбір студентке 10% жеңілдік беріледі. Ата-анаға көмек ретінде қарастырылған жеңілдік барлық оқу кезеңіне және әрбір студентке жеке қарастырылады;

4. Колледж бітірушілеріне арналған жеңілдік. Педагогикалық мамандыққа келіп оқуын жалғастырған барлық педагогикалық колледж түлектерінің жылдық оқу ақысына 30% жеңілдік беріледі.

5. «Белсенді студент» жеңілдігі. Жеңілдік барлық білім алушыларға университетке өзімен бірге алып келген білім алушы санына байланысты беріледі:

– 5 талапкер алып келген жағдайда жылдық оқу ақысына 10% жеңілдік;

– 10 талапкер алып келген жағдайда жылдық оқу ақысына 20% жеңілдік;

– 15 талапкер алып келген жағдайда жылдық оқу ақысына 30% жеңілдік.

6. «Абай сыйы» пәндік олимпиадасының жеңімпаздары мен қатысушыларына олимпиада ережесіне сәйкес жеңілдік беріледі.

7. «Жетістіктер» жеңілдігі. Халықаралық, республикалық олимпиадалар мен жарыстар жеңімпаздарының жылдық оқу ақысына 50% жеңілдік беріледі. Жеңілдік бір оқу жылына беріледі. Халықаралық, республикалық олимпиада мен жарыстарда Қазақстан Республикасының және Абай атындағы ҚазҰПУ беделін көтеріп, жүлделі орынға ие болған студенттерге жеңілдік келесі жылдары да жалғасатын болады.

30-03-2018 00-28-08   Талапкерден

Сұрақ қоюшы: Аноним

Здравствуйте, у магистрантов есть отработка ? Не могли бы написать по какое статье и сколько лет

Жауап:

Уважаемый абитуриент! В соответствии с пунктом 17 статьи 47 Закона «Об образовании» предусматривается обязанность обучающихся отработать регламентированное законом время в соответствующих профилю подготовки организациях. Граждане, обучающиеся по педагогическим и медицинским специальностям на основе государственного образовательного заказа, обязаны отработать в государственных организациях образования и здравоохранения. Срок отработки составляет не менее 3 трех лет после завершения обучения. Согласно пункту 17-4 статьи 47 Закона «Об образовании» за неисполнение обязанности по отработке молодой специалист обязан возместить расходы бюджетных средств, затраченных на его обучение.

30-03-2018 00-27-07   Талапкерден

Сұрақ қоюшы: Аноним

Здравствуйте, у меня такой вопрос, почему технические специальности должны сдавать тесты? Как же наши задачи, которые мы решаем по целому уроку? У нас же не гуманитарные науки.

Жауап:

Уважаемый студент, умения и практические навыки студента оцениваются преподавателем в течение 15 недель и по окончании семестра выставляется два рубежных контроля, в совокупности составляющих 60% итоговой оценки. Остальные 40% направлены на выявление уровня усвоения теоретического материала, что позволяет сдавать экзамены в тестовой форме.

29-03-2018 17-30-24   Басқа

Сұрақ қоюшы: Аноним

Уважаемый Такир Оспанович
Хотим довести до вашего сведенья, что работа по организаций рабочего процесса не ведется должным образом. Раньше такого не было ни когда. После того как отдел по заправке и ремонту компьютеров передали в Департамент Информатизаций Образования стало просто не выносима, картриджы не заправляются, постоянно нет порошка мы заправляем за свой счет уже нет сил а с нашей преподавательской зарплатой это не подъемная ноша постоянна отдавать за заправку по 4000 тенге. Ремонт компьютеров не производится должным образом то нет программ то нет специалистов на месте, начальник отдела Абиров Еркын не может дать внятных ответов. Такир Оспанович просим Вас разберитесь в этом вопросе пожалуйста. Верните так как было раньше.

Жауап:

Здравствуйте! По результатам рассмотрения Вашего обращения сообщаем:

1.     На данный момент заправка картриджей не производится ввиду выхода из строя заправочной станции. Идут ремонтные работы по возобновлению ее работы, ориентировочный срок запуска - 15 апреля текущего года. В дальнейшем работу по заправке картриджей и ремонту оргтехники планируется передать аутсорсинговой компании, готовятся конкурсные документы для открытого тендера через портал госзакупа.

2.       Ремонт компьютеров моложе 2011 года не производится из-за отсутствия комплектующих (блоков питания, кулеров, линеек памяти, жестких дисков). Отдел госзакупок не принимает заявки на покупку данных комплектующих.

3.       Установка программ осуществляется за день до начала той или иной дисциплины.  Установка пиратских версий невозможна. 

29-03-2018 11-48-11   Ата аналардан

Сұрақ қоюшы: Ата ана

Салеметсіз ме! Сізден алған хаттын жауабы "Құрметті ата-ана! Сіз көтерген мәселе міндетті түрде қарастырылатын болады. Оқу үрдісіне байланысты шешілмей жатқан сұрақтарыңыз болса, Университеттің Оқу ісі жөніндегі проректоры Сәтмырзаев Асан Адасбекұлына жолығуыңызға болады. Байланыс тел.: 293-81-53." Сәтмырзаев А.А. мырзаға кірдік, "Мен шеше алмаймын Қантарбаеваға барыңыз"- деп шығарып салды. Сол сәттен сіздерге жазып отырмын. Әли де Қаңтарбаеваның қылығы сол.

Жауап:

Сәлеметсіз бе! Университет қызметкерлері тарапынан келтірілген қолайсыздықтар үшін кешірім өтінеміз. Шешілмеген сұрақтарыңыз бойынша аптаның бейсенбі күні сағат 15:00-17:00 дейін қабылдауыма келсеңіз болады. Сұрағыңызға рахмет!

28-03-2018 16-57-59   Студенттен

Сұрақ қоюшы: Выпускник

Добрый день! Публикация виртуального тура по университету идея прекрасная и давно необходимая в целях рекламы самого университета и распространения его культурного наследия. За 25 лет наконец-то я смог посмотреть, что представляет из себя ранее неподступный Музей!!!

Жауап:

Уважаемый выпускник! Благодарю Вас за высокую оценку виртуального тура по нашему университету.

Что касается работы музея, то для посетителей он открыт в будние дни с 9:00 до 17:00.

27-03-2018 23-49-54   Студенттен

Сұрақ қоюшы: Кішкенбай Аружан

Сәлеметсіз бе, Тахир Оспанұлы! Менің Абай атындағы ұлттық универге педагогика және психология мамандығы бойынша оқуға түскім келеді. Қазір басқа қалада кәсіптік орта білім алып жатырмын.Осы жылы педагогика және психология мамандығына колледжден кейінгі талапкерлерге қанша грант бөлінеді?

Жауап:

Құрметті Аружан! Талапкерлеріміз үшін Абай атындағы Қазақ ұлттық педагогикалық университетінің есігі әрдайым ашық. Қазіргі уақытта бөлінетін мемлекеттік білім беру тапсырысын нақты айту қиын, бірақ биыл еліміздің жоғары оқу орындарына бөлінетін грант сандары артады. Мемлекеттік гранттар саны туралы ақпарат шілде айында  Университетіміздің  ресми сайтында (http://www.kaznpu.kz)  жарияланатын болады.

27-03-2018 13-42-56   Студенттен

Сұрақ қоюшы: ПиП

Сәлеметсіз бе? Менің сізге екі сұрағым бар: Біріншісі, университеттен шетелге (Европаға) оқуға тегін жолдама алу үшін қандай талаптар бар, мен ақылы бөлімде оқимын, егер шетелге оқуға бір семестрге мүмкіндік алсам, онда сол университетке оқудың ақшасын төлеуім керекпін бе? Екінші сұрағым, Ақпараттық коммуникациялық технолоия пәні бойынша. Неге осы пән тек бір семестр ғана болады екен. Бұл пән біз үшін қазіргі заманға қажетті пән деп ойламаймыз. Екі семестр оқытылса, біз көп нәрсені үйреніп шығамыз деп ойлаймын. Бұл пәннің тағы да үлкен пайдасы информатиканы, компьютер программаларын ағылшын тілінде меңгеруде. Көптеген программаларды үйретіп және ағылшын тілімізді дамытуға үлесін қосқан лекциядан берген Байшимиров Жарасбек ағай, практикадан берген Ибраимкулов Айбек ағайларға педагогика психология инстиутының жалпы 2 курс студенттері атынан үлкен үлкен алғыс білдіреміз. Пәннің қызықты өтуі мұғалімге байланысты екен. Жас мұғалім болса да ағайдың студенттермен сөйлесуі,жоғары білімі, сабақты жан жақты екі тілде түсіндіруі, қарым-қатынасына шәкірттері ретінде алғыс айтамыз. Осы пән тағыда болса екен деп сұраймыз.

Жауап:

Құрметті студент! Бірінші сұрағыңыз бойынша университеттің академиялық ұтқырлық бағдарламасымен өзге мемлекеттердің университеттерінде белгілі бір семестр көлемінде университет тарапынан оқуға мүмкіндігіңіз бар. Академиялық ұтқырлық бағдарламасы туралы толығырақ университетіміздің академиялық ұтқырлық секторынан (тел.: 291-12-45), институт басшылығынан, университет сайтынан біле аласыз. Сондай-ақ, университетімізбен келісім-шарт жасасқан, әрі сіздің мамандығыңызды оқытатын ЖОО-на университет тарапынан белгілі бір семестр көлемінде оқуға жолдама алуыңыз үшін шет тілінен емтихан тапсырасыз. Егер ақылы бөлімде оқи отырып, өзге ЖОО-на академиялық ұтқырлық бағдарламасы бойынша жолдама алсаңыз, өзге мемлекетте (ЖОО-да) оқығаныңызға қарамастан университетке төлейтін оқу төлемақысын толық төлеуге міндетті екендігіңізді ескертеміз.

Екінші сұрағыңыз бойынша білім беру бағдарламасына сәйкес аталмыш пәннің пререквизиттері де оқытылатындығын ескертеміз. Университет оқытушылары туралы пікіріңіз үшін рахмет!!!

26-03-2018 22-30-17   Ата аналардан

Сұрақ қоюшы: Аноним

Қүрметті ректор мырза! Менің қызым сіздердің физматта оқиды. Жазбасқа басқа амалым қалмады. Осы жолы қызым Наурызға үйге келгенде мүлдем көңіл күйі жоқ, депрессиялы келді. Себебі ол факультеттегі көптеген ұстаздарыңыз "ҰСТАЗ" деген атқа лайық емес. Болашақ мұғалімдерді дайындайтын ұстаздар өздері өте дөрекі сөйлеп, студенттерді алалап, рубежка кезінде баллдарды әділетсіз қояды. Сабаққа келмей жүрген студенттер. қалайша сабаққа қатысып жүрген студенттен көп балл алады? Мұғалімдер сабақтарын сапасыз, қызықсыз өтеді және көп жағдайда мүлдем келмей, орындарыны докторанттарды жібере салады екен. Онда ол мұғалім не үшін жалақы алып отыр? Мұғалімдер студенттерді әбден қорқытып алған,кызыма неге мұғалімге қарсы арыз жазбайсыңдар десем, кейін өзіміз балеге қаламыз деп жауап берді. Кызымның студенттік шағы қызықты болғанын қалаймын, ал қазіргі жағдай оған қарсы, көңіл күйі жоқ, мазасыз, сабаққа әрең барады. Сізден физмат мұғалімдеріне қарсы шара қолдануыңызды сұраймын, бұлай жалғаса беру мүмкін емес.

Жауап:

Құрметті ата-ана! Сіздің шағымыңыз бойынша Математика, физика және информатика институты қызметкерлеріне басшылық тарапынан ескерту жасалды. Қазіргі уақытта аталған фактілерді жою және университетіміздің профессор-оқытушылар құрамының біліктілігін арттыру мақсатында конкурс және аттестациялау жұмыстары жүргізілуде. Аттестациялау кезінде шағымыңыз ескерілетін болады.

19-03-2018 21-50-46   Студенттен

Сұрақ қоюшы: Аноним

Құрметті Тахир Оспанұлы, сізге менің бір өтінішм бар еді, емтихан мәселесі бойынша, әрбір рубежден кейін емтихан тапырсамыз, сол емтихан біз үшін бір сынақ десекте болады, олай деп отырған себебім емтиханның бағдарламасы менің ойымша мулдем дұрыс емес, сапасы да төмен, ар сабақтан тест жаттап 30 минутта оны белгілеп шығу ия онай шығар, бірақ шыны керек әр семестрдегі сабақ саны 8-9 сабақ сол бойынша кредит санына сай 500 ге жуық тест жаттаймыз әр пәннен, ол миға да қонымсыз, тек жауаптарын жаттап аламыз, ол қандай сұрақ кім жөнінде не жөнінде оған аса мән бермейміз, өткені жауабын білсек болды емеспе деген түсінік қалыптасып қойған, ол білім емес, жай ғана уақытша жаттанды дүние, басқа университеттерде таныстарым оқиды женпуда мысалы бәрі жазбаша емтихан тапсырады екен,, әркім өз білімін 3 сұраққа жауап беру арқылы екі бетті толтырып эссе жүзінде нағыз білімін көрсетеді, көп студенттер тестқа шпормен кіреді, оқымаған студенттер шпордын көмегімен 5-минутта тестті белгілеп шығады, тестқа ойланып отырып, мына жақтан комиссия келеді айқайлап, тексеріп, тест емес құнды бір жаудын қолында отырғандай сезінесің өзіңді, сізден сұрарым емтиханның бағдарламасы жазбаша не ауызша билет тандау арқылы болса жақсы болар еді, менің ұсынысым жөнінде бір өзгерістер мүмкін енгізерсіз.

Жауап:

Құрметті студент! Ұсыныс білдіргеніңізге рахмет! Әрбір сабақтың оқу кредиті санына қатысты тест сұрақтары ҚР Білім және ғылым министрлігінің Оқу үрдісін кредиттік технология бойынша ұйымдастыру туралы Ережелеріне сәйкес дайындалады. Сессия кезінде емтихан тапсырылатын пәндердің жазбаша, ауызша немесе тест түрінде қабылдануы туралы Университеттің ректорат немесе Ғылыми кеңес отырысында жан-жақты қаралып, тиісті шешім қабылданады.

19-03-2018 15-05-20   Басқа

Сұрақ қоюшы: Аноним

Тахир Оспанович, саламатсызба! Мен осы оқу орнында қызмет атқарамын, жұмыс уақытым сағат 9-00ден 18-00ге дейін, сенбі сағат 1-00ге дейін. Айлық жалақым 40.000тг, озім алыс тұрамын, отбасылы, тұрмыстағы адаммын. Тахир Оспанович, айлығымның жартысы жолыма және түскі асыма кетеді, қалған 20-25мыңға өмір сүремін, балаларыма жеткізіп, жұмыста адемі киініп, университеттің бет бейнесіне сай болып жүргіміз келеді, бірақ қалай? сізден сұраймын, осындағы қызметшілердің айлық жалақысын көтеріп беріңізші? Токмухамед Сальменовичтің жазып кеткен айлығымен қазіргі таңға дейін қызмет атқарып келеміз, рахмет сол кісіге, сізге де алғысымыз шексіз болар еді

Жауап:

Сәлеметсіз бе! Сіздің шағымыңыз міндетті түрде қарастырылатын болады.

17-03-2018 00-21-59   Студенттен

Сұрақ қоюшы: Анон

Сәлеметсізбе ректор мырза!? менің сұрағым бар еді, мен осы оқу орнында оқыймын. Мен осы жолғы сессиядан 2 сабақтан екі алып қалдым. Себебі белгілеу парсғында белгілеу барысында екі пәннің орнын ауыстырып бояп қойыппын,бірақ аппеляцияға беруге мүмкіндік болмады. Осы жазда білейн дегенім 1 кредит сомасы қанша соманы құрайды екен?

Жауап:

Құрметті студент! Емтихан кезінде қателіктерге бой алдырмау үшін өте мұқият болу керек. Сұрағыңызға келетін болсақ, 1 пәнннің кредит сомасы - 10500 теңге.

13-03-2018 16-40-39   Студенттен

Сұрақ қоюшы: Аноним

Здравствуйте уважаемый ректор, у меня к вам просьба или как сказать ,можете внести изменение системе экзамена. Многим студентам сдавать тесты при экзаменах для нас это очень трудно, во первых мы изучаем 8 предметов для каждого предмета 450 вопросов за короткое время это учить невозможно, дается всего лишь 30 мин из 450 вопросов нам приходит всего 25, комиссия очень строгая как будто сидим в тюрьме, на экзаменах очень сильная психологическая давка идет. Было бы лучше если сдавать устно или письменно и качество знании будет видно. Многие в нашей группе гратники правалились на экзаменах хоть и очень хорошо учится, и стипендию не получают. Мы учимся первом курсе в других вузах все письменно или даются очень мало вопросов. 450 вопросов с ответами учит по 8 предматам это унас 3600 вопросов это глупо мы просто сидим и ответы запоминаем какая это проверка знании, по нашему мнению это система не правильнл. Надеюсь вы прочитаете наше групповое письмо, и добавите некоторые изменение.

Жауап:

Уважаемый студент! Количество тестовых вопросов зависит от количества кредитов изучаемых вами предметов. Хотел бы отметить, что не все предметы сдаются в тестовой форме, есть также письменные и устные экзамены. 

Со следующего учебного года мы планируем сократить количество экзаменов в сессионный период.

13-03-2018 10-52-41   Студенттен

Сұрақ қоюшы: Аноним

Сәлеметсіз бе? біздің университетте системаны қатал қыла бастадыңыз бірақ сол қатал система сай мұғалімдер болса деймін. Барлық мұғалімге топырақ шашқым келмейді себебі аса білімді мұғалімдерде бар бірақ кейбір мұғалімдер өз сабағына дел сал қарайды соны іріктеуіңізді сұраймын. Мұғалімдегеде арнай бақылау жүргізілсе деймін . Әр студент білім алу үшін келді емес пеҰ

Жауап:

Құрметті студент! Пікіріңізге рахмет! Ұсынысыңызды міндетті түрде ескеретін боламыз.