09-10-2020 13-55-24   Талапкерден

Сұрақ қоюшы: Аноним

Қайырлы күн! Мен қазір ҚазҰУ-де биология мамандығының 3-курс студентімін. Сіздердің университеттеріңізге ағылшын тілі мұғалімі мамандығына қалай ауыса аламын?

Жауап:

Құрметті студент! Бір оқу орнынан екінші оқу орнына ауысу жолдары туралы сұрағыңызға  толық ақпарат алу үшін  Академиялық мәселелер жөніндегі департаменттің қызметкерлерімен хабарласуыңызға болады. Байланыс деректері: 291-13-71, 291-71-06, е-mail: okubolimi220@mail.ru. Рахмет!

07-10-2020 12-29-29   Студенттен

Сұрақ қоюшы: Аноним

Сәлеметсіз бе!
бізге магистранттарға степендия қашан түседі ?
1 курс

Жауап:

Құрметті магистрант! Шәкіртақы қазан айының соңына дейін  міндетті түрде беріледі. 

07-10-2020 10-52-34   Студенттен

Сұрақ қоюшы: Аноним

Сәлеметсіз бе, алтын белгімен оқуға түсіп, бірінші курсты тек "5" пен бітірген студенттерге 100 пайыз жеңілдік берілді. Менің өтінішім, көпбалалы және қызыл аттестат алған студенттерге де жеңілдік болса! Барлығына бірдей қарап, Жағдайды түсінсеңіздер деймін!

Жауап:

Сәлеметсіз бе! Университет тарапынан ақылы негізде оқитын білім алушыларға 100 пайызға дейін жеңілдік қарастырылған. Жеңілдік алу үшін өтінішіңіз бен әлеуметтік жағдайыңызды растайтын құжаттарыңызды өткізуіңіз қажет. Оқу орнымыздың жеңілдіктер ережесімен сайтымыздан таныса аласыз: https://kaznpu.kz/docs/postupaushim1_1/Pol_2020.pdf. Рахмет!

06-10-2020 18-09-55   Басқа

Сұрақ қоюшы: Кулпейсова Гулжазира

Құрметті Такир Балыкбаевич,қайырлы кеш! Сіздер (білім ордасы) ұйымдастырған,24 қыркүйек 2020ж.сағат 14-00-де Абай Құнанбаевтың 175ж.мерей тойына арналған "Актуальные проблемы национального воспитания учащейся молодежи в современных условиях" тақырыбында zoon арқылы конференция өткен болатын. Өте тамаша,тағылымы мол конференция болды.Рахмет.Бізге (мен және әріптесім)Мен-Кулпейсова Гулжазира Елубайкызы, әріптесім- Какабаев Мурат Елегенулы конференцияға қатысқанымызды айқындай алатын, яғни дәлелдеу үшін ұсынатын куәлік (сертификат) келген жоқ. Конференцияға қатысқанымыз туралы сертификат қашан берілетіні жөнінде хабарласқан едім.

Жауап:

Сәлеметсіз бе! Хатыңыз конференция ұйымдастырушыларына жолданды. Жауапты тұлғалар Сізбен хабарласады.Рахмет!

06-10-2020 12-52-29   Басқа

Сұрақ қоюшы: Аноним

Сәлеметсізбе, Такир Оспанұлы. Мен осы сұрақты тікелей өзіңізге қояйын деп шештім. Бұл сұрақ букіл ҚАЗҰПУ-дағы  әріптестерімді де толғандырады деп ойлаймын. Білім министірі Асхат Аймағамбетовке тікелей эфирде кездесуде ЖОО-да қызмет жасайтын қызметкерлердің жалақысы туралы сұрақ қойғанда - 2020 жылы қыркуйектен бастап 30-40% көтереміз деген болатын. Осы аталған нәрсенің ҚАЗҰПУ-ға қатысы бар ма? Жалпы жалақымызды 2020 жылы көтеру жоспарда бар ма? Бұл сұрақты қойғанымның себебі наурыз айынан бастап АЗЫҚ-ТУЛІК, КИІМ-КЕШЕК,БЕНЗИН,ОҚУ АҚЫСЫ, КӨРСЕТІЛЕТІН ТУРЛІ ҚЫЗМЕТТЕР, ПӘТЕРЛЕРДІҢ БАҒАСЫ  40-50% жоғарылағаны өзіңізге белгілі болар, сондықтан қойып отырмын. Куз келгенде қымбатшылықтың кушейгенін бәріміз байқадық. Сондықтан жалақының көлемін қарастыруларыңызды сұраймын.

Жауап:

Сәлеметсіз бе! 2020 жылдың қыркүйек айынан бастап профессор-оқытушылар құрамының жалақысы 25%-ға, қызметкерлердің жалақысы 20%-ға көтерілді.

06-10-2020 12-37-04   Басқа

Сұрақ қоюшы: Аноним

Сәлеметсіздер ме,егер 1 ші курста ақылы бөлімде оқитын студент оқудан өз еркімен ,1 семестр аяқталғанға дейін оқудан шыққысы келсе,оқуға төлеген ақысы қайтарыла ма?

Жауап:

Сәлеметсіз бе!  Оқудан шығу туралы бұйрық шыққан күнге дейінгі уақыттың (айлардың) төлемақысы ұсталынып, қалғаны қайтарылады. Сұрағыңыз бойынша студенттік бухгалтерия қызметкерлерімен хабарласуыңызға болады. Телефон: 291-37-54.

05-10-2020 00-29-59   Студенттен

Сұрақ қоюшы: Аноним

Сәлеметсіз бе! Мен магистратураның 1 курс студентімін. Бакалавр басқа мамандық болғандықтан, разница төлеуім керек. Өзім көпбалалы отбасынанмын. Пандемия әсерінен ата-анам жұмыссыз қалды. Осы жағдайға қатысты разницаның төлемін азайтуға болады ма? Қандай да бір скидка болады ма?

Жауап:

Сәлеметсіз бе!  Сұрағыңыз бойынша өтінішіңіз бен әлеуметтік жағдайыңызды растайтын құжаттарыңызды институт директоратына өткізуіңіз қажет.  Өтінішіңізді арнайы құрылған комиссия қарастырады. Байланыс телефоны: 291-83-82. Рахмет!

03-10-2020 11-48-09   Студенттен

Сұрақ қоюшы: Аноним

Қайырлы күн, Тахир Оспанұлы! 5 қазаннан бастап Хореография мамандығы офлайн түрде сабағын жалғастырады. Ал сол мамандықта оқитын льгота(толық жетім, көп балалы, жартылай жетім) бар студенттерге 4 жылдық жатақханамен қамтамасыз етіледі деген болатын. Ол студенттер жатақханаға сеніп қалды. Ендігіде оқуға тұратын жері болмағандықтан бара алмай отыр. Бұл жағдайдын қандайда бір шешімі барма?

Жауап:

Сәлеметсіз бе! Ата-аналардың өтініші бойынша «Хореография» мамандығы 2-3 курс студенттерінің сабақтары офлайн және онлайнға көшіру мәселесі қарастырылды. 5 қазаннан бастап,  тек 2-4 курс студенттері ғана офлайн сабаққа шақырылады. Ал жатақхана мәселесіне келетін болсақ, аса мұқтаж санатындағы (толық жетім) студенттерге жатақханаға жолдама берілді.   

 

02-10-2020 17-04-32   Студенттен

Сұрақ қоюшы: Аноним

Қайырлы күн құрметті Тахир Балықбаев. Мен ҚазҰПУ-нің бітіруші түлегімін. Елімізде болып жатқан ахуалға байланысты дипломдық жұмысты жазу һәм қорғау мәселесі қарастырылып жатыр ма? Емтихан тапсырамыз ба? Жалпы қандай форматта ұйымдастырылады? Рақмет!!!

Жауап:

Сәлеметсіз бе! Оқу үдерісі мен қорытынды аттестаттау 2020/2021 оқу жылының Академиялық күнтізбесіне сәйкес офлайн форматында өткізілу жоспарлануда.

02-10-2020 14-28-06   Студенттен

Сұрақ қоюшы: Аноним

Сәлеметсіздер ме! Біздің университетте неге 3-курстың үздік оқитын студенттеріне әлі күнге дейін президенттік шәкіртақы тағайындалмады? Өзіміз қатарлы басқа да педагогикалық ЖОО-ларда 3-курстан бастап үздік үлгерімді студенттер алып жатыр. Бізге қашан? Нақты ақпаратты сізден білуді жөн көрдім(оқу бөлімінен сұрасаңыз болады деп бағыттамауыңызды өтінемін)

Жауап:

Құрметті студент! Президенттік шәкіртақы мемлекет тарапынан тағайындалатындықтан, нақты ақпарат бере алмаймыз. Ресми ақпаратты сайтымыздан бақылап отыруыңызды сұраймыз. Қосымша институт директоратынан да хабарланатын болады. Рахмет!

01-10-2020 12-37-36   Студенттен

Сұрақ қоюшы: Аноним

Саламатсыз ба?
Маған бұрын оңайлықпен алынатын документтерді қазіргі таңда алу қиыншылыққа алып келіп жатыр. Бізде дистонционное обучение болып жатқандықтан мен Алматы қаласында бара алмаймын. Документтерді қашықтықтан ала алтындай етіп жағдай жасаңыздаршы. (Шапағат тағы оқып жатыр деген справка емес)

Жауап:

Сәлеметсіз бе! Қажетті құжаттар тізімі көрсетілген өтінішіңізді институт басшылығына жолдасаңыз болады. Институт директораты қызметкерлері міндетті түрде көмектеседі. Рахмет! 

29-09-2020 21-18-17   Студенттен

Сұрақ қоюшы: Байғазы Сая

Сәлеметсізбе? Мен 1 курс студентімін!
Басқа студенттердің карточкасы дайын екен,мен звондап сұрап едім,менікі тіпті заяка берілмеген,мен қалай,қайдан білемін оны,қалай аламын степендияны?

Жауап:

Сәлеметсіз бе! Сұрағыңызда көрсетілген мәселе бойынша жауапты тұлғаларға тапсырма берілді. Рахмет! 

29-09-2020 18-51-37   Студенттен

Сұрақ қоюшы: Аноним

Сәлеметсіз бе! Мен Педагогика психология институты, Дефектология мамандығының 4 курс студентімін. Өндірістік практика жәйлі өтінішім бар. Мен ауыл квотасымен грант иегерімін. Сол себепті, өндірістік практиканы ауылдың инклюзивті білім беру бағдарламасы бар ЖББ мектебінде офлайн түрде өткім келіп еді,себебі бұл мен үшін үлкен тәжірибе. Яғни, ол мектепте арнайы білім беруді қажет ететін балалар бар, және де Дефектолог маманының штаты бар.
Бірақ, біздің практиканың методист тәлімгері рұқсат бермей отыр. Мен практиканы өткім келіп отқан мектеп, алдағы уақытта, оқу бітіргеннен кейін жұмысқа міндетті түрде қабылдау туралы анықтама беріп отыр. Және де сұраныс хат жібереміз деп отыр. Бірақ тәлімгеріміз ол практиканы алдағы уақытта қорғау туралы айтып, бізді кішкене қорқытып қойды. Қазақстанның ешкандай ауылында арнайы білім беру мекемелері жоқ,тек инклюзивті білім беру бағдарламасы бар ЖББ мектепте ғана жұмыс жасай аламыз ғой алдағы уақытта, грант өтеу үшін. Неге соны ескермеске? Неге студентке мүмкіндік бермеске?!

Жауап:

Құрметті студент! Бітіруші курс студенттеріне кәсіби (өндірістік) практикадан өту үшін университет тарапынан бірқатар мүмкіндіктер жасалуда:

- мамандық бойынша келісім шарт жасалған арнайы білім беру мекемелерінде пратикадан өту;

- мамандығы бойынша жұмыс жасап жүрген студенттер, жұмыс орнынан анықтама және жұмысқа қабылдану туралы бұйрықтың көшірмесін ұсынған жағдайда;

- мамандығы бойынша практикадан өтуге мүмкіндік жасап, мекемеде мамандандыруға сай (сурдопедагогика, олигофренопедагогика, тифлопедагогика, логопедия) жетекшілік ететін, арнайы дефектолог маман - әдіскер бекітіліп, оқуды бітіргеннен кейін сол мекемеге жұмысқа қабылдау туралы сұраныс хат жіберген жағдайда практикадан өтуге рұқсат беріледі.

Өзіңіз жазғандай бұл кәсіби өндірістік тәжірибе, инклюзивті оқу тәжірибесі емес. Сіз сұранып отырған мекеме инклюзивті сыныптары бар ЖББ мектеп болғандықтан, мамандандыру (сурдопедагогика, олигофренопедагогика, тифлопедагогика, логопедия) бойынша практикадан өту мазмұнын толықтай ашпайды. Даму бұзылысының түріне байланысты, яғни белгілі категория бойынша ерекше білім беруді қажет ететін балалармен арнайы түзету сабақтарына (жеке, фронтальды) қатысып, ұйымдастырып өткізу, кәсіби құзыреттіліктерге ие болу - аталған практиканың негізгі мақсаты. Сол себепті аталған білім беру мекемесінде кәсіби өндірістік практика мазмұнын, өзіңіз таңдаған мамандандыру (сурдопедагогика, олигофренопедагогика, тифлопедагогика, логопедия) бойынша толық орындау міндеттеледі. Практикадан өту барысында барлық студенттерге бірдей талап қойылады, барлық студенттермен бірге қорытынды есеп беруге (қорғауға) қатысасыз. Рахмет!

 

28-09-2020 19-20-13   Студенттен

Сұрақ қоюшы: Аноним

Құрметті Такир Балықбаев! Мен КазНПУ 2 курс студентімін. 2019 жылы Алтын белгі иегері болып 1жылға жеңілдік алған болатынмын. Егерде GPA баллым 3,67 жоғары болатын жағдайда , 2курста жеңілдік жалғасатындығы туралы айтылған болатын.Алайда осы жылы бұл мәселе белгісіз екендігін айтты.Осы жылғы пандемияға байланысты көптеген адамдар жұмыссыз қалды,соның қатарында бізде болғандықтан оқу ақысын төлеу қиынға соғып тұр. Осы жағдайларды ескере отырып, жеңілдікті GPA 3,67 жоғары болған жағдайда қалдыруды өтінеміз.

Жауап:

Құрметті студент! Университет тарапынан ақылы негізде оқитын білім алушыларға 100 пайызға дейін жеңілдік қарастырылған. Оқу орнымыздың жеңілдіктер ережесімен сайтымыздан таныса аласыз: https://kaznpu.kz/docs/postupaushim1_1/Pol_2020.pdf. Жеңілдік алу үшін өтінішіңіз бен әлеуметтік жағдайыңызды растайтын құжаттарыңызды өткізуіңіз қажет. Рахмет!

27-09-2020 14-08-02   Студенттен

Сұрақ қоюшы: Аноним

Сәлеметсіз бе!1 курс магистратура
Сұрағым бізде степендия көлемі қанша болады,мамандық педагогика және психология
Басқа мамандықтан ауысып келгендіктен разницаны біз қай уақытқа дейін төлеуміз керек ,1 семерстр біткенге дейін бе ?

Жауап:

Құрметті студент! Сұрағыңыз бойынша институт директораты қызметкерлерімен хабарласуыңызға болады. Оқу үдерісіне қатысты сұрақтарыңызға толық ақпарат береді. Рахмет!

26-09-2020 22-05-58   Студенттен

Сұрақ қоюшы: Аноним

Сәлеметсізбе Ректор мырза!? Менің айтайын дегенім неге барлық студенттер 1 дей стипендия алмайды.Бәріміз бірдей оқып жатқан жоқпызба.1інің мүмкіншілігі болса бірінің мүмкіншілігі болмайды.Мысалы мен квартирада тұрамын,оған айына 20 000тг төлеймін,алатын стипендия менде 26 000 ал басқалардыкі 42 000тг неге адамды бөліп жарады.Сол жағын қарастырсаңыздар сіздерден өтініш.Барлық студентке бірдей шәкірт ақы төленсін!

Жауап:

Құрметті студент! Шәкіртақы мемлекет тарапынан берілетіндіктен, шәкіртақы көлемін Білім және ғылым министрлігі тағайындайды. Жаңа оқу жылында педагогикалық білім беру бағдарламасында оқитын грант иегерлерінің шәкіртақысы көтерілді.

25-09-2020 22-49-36   Талапкерден

Сұрақ қоюшы: Аноним

Салеметсиз бе Тахир Оспанулы?Менин Сизге айтайын дегеним 4-курс студенттеринде отетин онлайн сабак мугалимдерин ауыстыруга боламаа?Болса Калай отиниш билдируге болады.

Жауап:

Сәлеметсіз бе! Оқытушыны ауыстыру себебін нақты жазуыңызды сұраймыз.

25-09-2020 14-53-43   Басқа

Сұрақ қоюшы: Аноним

Қайырлы күн. Биылғы 2020-2021 оқу жылына докторантураға 5D0101000 "Мектепке дейінгі білім беру" мамандығы бойынша 40 мемлекеттік грант бөлінген болатын. 2 грант ғана игерілген. Қалған 38 игерілмей қалған гранттар бойынша қайта конкурс ойнатылады ма?

Жауап:

Сәлеметсіз бе! Мемлекеттік грант министрлік тарапынан беріледі. Егер грант конкурсына қатысты нақты ақпарат жарияланатын болса, университет сайты арқылы хабарланатын болады. Рахмет!

24-09-2020 21-55-49   Басқа

Сұрақ қоюшы: Жакипбекова Жибек Жуматаевна

Добрый день! Уважаемый Такир Балыкбаев я являюсь внучкой тыловика ВОВ Егеубаева Сакена Магзумбаевича, мой дедушка сегодня получил медаль 75 лет победе ВОВ и его единственная мечта найти информацию о своем родном брате. В возрасте когда ему было 2-3 года это примерно 1936-1937г. его брат Малгаждар уехал учится Педагогический Институт в г.Алматы, и в 1939-1940г примерно закончил ВУЗ, далее по воспоминаниям прабабушки он пошел служить, и в 1941 году началась война и Малгаждар поехал на фронт. по словам прабабушки 1943г она получила от Малгаждара последнее письмо. Никакой информации о том куда поехал воевать и даже о дате рождения и точной ФИО у нас нету. Единственная информация которая у нас есть что он учился в вашем вузе. прошу помогите найти хоть какую нибудь информацию! дедушка предполагает что Малгаждар 1919-1921г рождения, фамилия возможно Егеубаев или Ибраев имя Малгаждар. Место рождения ВКО, Чарский р-н (Жарминский), колхоз Кезенсу.Хотя прошло столько лет дедушка все равно надеется найти его и его детей. Прошу Вас помогите найти данные. мой номер 87071229011 Жибек

Жауап:

Уважаемая Жибек Жуматаевна! Поздравляем всех членов Вашей семьи с получением юбилейной медали. Желаем здоровья и благополучия! Ваш запрос направлен в Архив университета. Если найдется какая-нибудь информация, наши сотрудники обязательно свяжутся с Вами. Спасибо за обращение!  

23-09-2020 23-59-02   Студенттен

Сұрақ қоюшы: Аноним

Салеметсиз бе ректор мырза, пандемияға қатысты әлеуметтік отбасы төмен көпбалалы отбасына қанша пайыз жеңілдік беріледі?
Деканат айтуы бойынша 10-15 пайызды құрайды, тіпті осы жылы студенттердің көп болуына байланысты жеңілдік мөлшері төмендеуі де мүмкін. Жеңілдікті қарастыруыңызды өтінемін. Қазір ешбірімізге оңай емес.
Оқуға түсер алды көпбалалы отбасыларға 30 пайыз жеңілдік делінген. Сайтта да солай көрсетілген.
ҚАЗҰПҰ студенті ретінде өтінерім, жеңілдік сол келіскен 30 пайызда берілсе деп. Жауабыңызды күтемін.

Жауап:

Сәлеметсіз бе! Университет тарапынан ақылы негізде оқитын білім алушыларға 100 пайызға дейін жеңілдік қарастырылған. Жеңілдік алу үшін өтінішіңіз бен әлеуметтік жағдайыңызды растайтын құжаттарыңызды өткізуіңіз қажет. Оқу орнымыздың жеңілдік ережесі сайтымызда жарияланған: https://kaznpu.kz/docs/postupaushim1_1/Pol_2020.pdf. Жеңілдік әлеуметтік жағдайыңызды растайтын құжаттарыңыздың негізінде беріледі. Рахмет!