09-08-2019 15-03-11   From students

Author: пип 3 курс

Құрметті ректор мырза, блокты қарап отырып, Сахиева Лайла және Исаева Жақсгүл апайларға қатысты ақпараттың жалғандығын айтқым келеді. Менде сол апайлардын студентімен, біздің тобымызғада сабақ береді. Алайда ол жерде көрсетілген ақпараттардың барлығы жалған.Егер студент төмен баға алса, демек өзі кінәлі.Қазіргі кезде студенттер өз қателеріне көз жүгірітпей, оқытушыларды кіналауға себеп іздейдігой.Бұлда соның көрсеткіші деп ойлаймын.Керісінше бізге осындай жас мұғалімдер ауадай қажет, университетімәзге келгелі Сахиева Л.М және Исаева Ж.И студенттермен сабақтан тыс қаншама іс- шаралар өткізіп, жастарға демеу болып жүр. Неге осындай тұстарды айтпасқа. Біз тобымызбен бұл оқытушыларды қолдаймыз.Және ақпараттың жалғандығын 100% айта аламыз

Answer:

Сәлеметсіз бе!

Жолдаған пікірлеріңіз үшін рахмет!

08-08-2019 20-49-20   From students

Author: Қадырова Құралай

Сәлеметсізбе, Балықбаев Такир Оспанович! Мен Қадырова Құраралай Қостанай мемлекеттік педагогикалық университетінің жаратылыстану-математика факультетінің математика мамандығының 2 ші( енді 3) курс студенті боламын. Сізден сұрағым келгені: Қазіргі таңда мен грантымды (мемлекеттік грант, ауылдық квота) сақтап Абай атындағы Қазақ ұлттық педагогикалық университетіне өз мамандығыма ауыса аламын ба? Қандай мүмкіндіктер бар? Немесе бұл мүлдем мүмкін емеспе? Жауабыңызды күтемін. Уақыт бөліп оқығаныңызға рахмет!

Answer:

Құрметті Құралай!

Сұрағыңыз бойынша толық ақпарат алу үшін Кәсіби бағдар беру және білім алушыларды қабылдау орталығының директоры Нұрмахан Әуесбекұлымен хабарласуыңызға болады. Тел.:291-57-68. Рахмет!

08-08-2019 18-40-02   From applicant

Author: Anonymous

Дайындық факультетіндегі апай ағайларға алғысымды білдіргім келеді. Жанібек ағай, Халида апай, Ляззат апай, Шайзат апай, Баңтыгул апай, Даурен ағай, Анар апай т.б сіздерге көп рахмет сіздер ең керемек кошеметке лайықсыздар

Answer:

Сәлеметсіз бе!

Ұстаздарыңыздың еңбегін бағалап, алғыс білдіргеніңіз үшін Сізге көп рахмет!

08-08-2019 16-38-20   From applicant

Author: Асель Атабеккызы

Саламатсызба! Есимим Асель Атабеккызы. Магистратурага документ тапсырган болатынмын. Хатшылардын кателигинен мени базадан оширип тастаган екен. Кателиги гражданства Казакстан деген жерге, Кыргызстан азаматы деп жазган. Уакытыныз болса сиздин есигиниз алдындамын. Кабылдасаныз

Answer:

07-08-2019 11-44-23   From parents

Author: Жумадилова Жанара Досмухановна

Добрый день!Подскажите,пожалуйста,дочь давала заявку на социологию,но грант не получила,можно получить грант на специальность наука о земле?Что для этого нужно?

Answer:

Уважаемая Жанара Досмухановна!

По вопросу поступления Вашей дочери на данную специальность Вам следует обращаться в Центр профориентационной работы и приема обучающихся. Контактные данные: 291-73-71, 291-87-80.

07-08-2019 11-40-22   From parents

Author: Anonymous

Салематсызба құрметті ректор. Мен Жанаозен қаласының тұрғыны қызым ақылы оқу бөлімінде биыл 2 курс студенті. Өзім көп балалы анамын. Отбасымда 9 балам бар. З студент бар. Кызыма жатақхана беруіңізді сұраймын.

Answer:

Құрметті ата-ана!

Жатақханадан орын алу үшін өтінішіңізді және әлеуметтік жағдайыңызды растайтын тиісті құжаттарыңызды институт директоратына тапсыруыңыз қажет. Студенттерге жолдама беру кезінде институт жанынан арнайы құрылған комиссия студенттің оқитын курсын, әлеуметтік жағдайын, мемлекеттік грант иегері болуын міндетті түрде ескереді.

06-08-2019 11-17-59   From students

Author: Anonymous

Құрметті Такир Оспанович! Сізден сұрарым осы жылы 2курс студенттеріне жатақхана берілсе екен. Алдынғы жылы жатақхана қарастырылады деді, бірақ қаншама студент далада қалды. Енді алдамасаңыздар екен. Сіздерге сендік.

Answer:

Құрметті студент!

Білім алушыларымызды жатақханамен қамтамасыз ету үшін барлық мүмкіндіктер қарастырылады. Жатақхана мәселесін түбегейлі шешу уақыт пен қаражатты талап етеді, сондықтан бұл мәселеге түсіністік танытуларыңызды сұраймыз.

Жатақханаға қатысты сұрақтарыңыз бойынша университетіміздің Тәрбие, әлеуметтік жұмыстар және жастар саясаты жөніндегі департаментінің қызметкерлерімен хабарласуыңызға болады. Байланыс тел.: 291-03-25, 291-83-82.

06-08-2019 01-36-18   From parents

Author: Ақжайық

Сәлеметсіз бе Такир Оспанович, мен Дошимова Ақжайық, көп балалы анамын,5 балам бар,отбасымызда жалғыз өзім жұмыс істеймін, қызым Математика, физика және информатика институтының МОК 172 3-курсы Муханбетжанова Алия Амантаевна, 1,2 курсты ақылы бөлімде оқыды.
2019-2020жж оқу жылына білім грантына өтініш жазылған болатын, сізден өтінішім қызымды грантқа ауыстыруыңызды сұранамын, 1,2 курстарда оқу үлгерімі өте жақсы оқыды.

Answer:

Құрметті ата-ана!

Университетімізде мемлекеттік грант орындары босаған жағдайда конкурс жарияланып, үміткерлер бекітілген ережеге сәйкес іріктеледі. Конкурсқа қатысу үшін ақылы бөлімде оқитын білім алушы конкурс талаптары бойынша әлеуметтік жағдайын растайтын құжаттары мен өтінішін өткізуі қажет.

Грант мәселесіне қатысты сұрағыңызға нақты жауап алу үшін Академиялық мәселелер жөніндегі департамент директоры Хайрулла Нышанұлы Жанбековке (бас оқу ғимараты, 221-кабинет) жолығуыңызға болады. Рахмет!

04-08-2019 21-21-16   From applicant

Author: Құралай

Сәлеметсіз бе. Менің ұбтдағы баллым 103балл,сіздерде 30% жеңілдік бар екен. Және мен edtech білім орталығында оқығанмын.Орталықтан осы универге 30% жеңілдік бар.Екі жеңілдікті қосып ақылы түрде оқуға болады ма?

Answer:

Құрметті талапкер!

Университетіміздің жеңілдіктер туралы ережесіне сәйкес талапкер тек бір жеңілдік түрін пайдалана алады. Сізге 2019/2020 оқу жылына тек 30% жеңілдік беріледі.

 

03-08-2019 16-47-48   From applicant

Author: Момбеков Нұрмұхан Сейдрахманұлы

Сәлеметсізбе? 2019 жылы 9-11 шілде аралығында дене шынықтыру және спорт бөліміне шығармашылық тапсырып конкурсқа түскен болатынмын. Жалпы балл 113 болды .Алайда конкурстың жауабы шыққан болатын. Ол тізімде ең төменгі балл 113 балл оқуға грандқа түскен, мен ілінбей қалдым. Мен жартылай жетім және ауыл квотасына өтініш жазған едім оған ешқандай көмек көрсетілмейма. Соның себебін біле алмай отырымын. Сізден нақты жауап күтемін?

Answer:

Сәлеметсіз бе!

Университетіміздің білім беру бағдарламаларына республикалық конкурс нәтижесі бойынша тек жоғары балл жинаған талапкерлер ғана мемлекеттік грант орындарына оқуға түсті. «Дене шынықтыру мұғалімдерін даярлау» білім беру бағдарламасы бойынша ақылы бөлімге қабылдану үшін талапкер шығармашылық емтихан тапсыруы қажет. Ақылы бөлімге түскен жағдайда, әлеуметтік жеңілдікке өтініш жазу арқылы жеңілдік алуға болады. Рахмет!

03-08-2019 16-42-04   From applicant

Author: Anonymous

Сәлеметсізбе? 2019 жылы 9-11 шілде аралығында дене шынықтыру және спорт бөліміне шығармашылық тапсырып конкурсқа түскен болатынмын. Жалпы балл 113 болды .Алайда конкурстың жауабы шыққан болатын. Ол тізімде ең төменгі балл 113 балл оқуға грандқа түскен, мен ілінбей қалдым. Мен жартылай жетім және ауыл квотасына өтініш жазған едім оған ешқандай көмек көрсетілмейма. Соның себебін біле алмай отырымын. Сізден нақты жауап күтемін?

Answer:

Сәлеметсіз бе!

Университетіміздің білім беру бағдарламаларына республикалық конкурс нәтижесі бойынша тек жоғары балл жинаған талапкерлер ғана мемлекеттік грант орындарына оқуға түсті. «Дене шынықтыру мұғалімдерін даярлау» білім беру бағдарламасы бойынша ақылы бөлімге қабылдану үшін талапкер шығармашылық емтихан тапсыруы қажет. Ақылы бөлімге түскен жағдайда, әлеуметтік жеңілдікке өтініш жазу арқылы жеңілдік алуға болады. Рахмет!

02-08-2019 16-36-35   From applicant

Author: Anonymous

Саламатсыз ба, Такир Оспанович!Мен Закина Альбина биылғы оқу жылының мектеп түлегі.Алтын белгі иегерімін. ҰБТ 119 балл жинадым. 2017-2018 оқу жылында республикалық пән олимпиадасының 1-орын иегерімін.2018 - 2019 оқу жылында да қатысып, республикалық пән олимпиадасынан 2-орын алдым. Алайда, мемлекеттік грантқа тапсырып, басым құқықты иелене алмадым. Құқықтану мамандығы бойынша грант бөлінді деп естігенмін. документтер тапсыруға болады ма?

Answer:

Қайырлы күн!

Университетімізге  «Құқықтану» білім беру бағдарламасы бойынша грант бөлінген жоқ. Егер құжатыңызды ақылы бөлімге тапсыруды жоспарласаңыз, құжаттарды 25 тамызға дейін тапсыруыңыз қажет.

02-08-2019 12-27-46   From students

Author: Жазыкова Амангуль

Сәлеметсізбе Таxир Оспанұлы! Мен, Филология және көп тілді білім беру институтының Филология(қазақша бөлім) мамандығы бойынша білім алып жатырмын. Мен ақылы бөлімде оқып жатырған студентпін, ешқандай грант жоқ.
Қазіргі уақытта 1 курсты 3,81GPA баллмен аяқтадым. Сізге қояр өтінішім: бізге (ақылы бөлімдегі студенттерге) оқу үлгерімне қарай ең болмаса ректорлық грант бөлінсе екен деймін! Өтінішімді ескерерсіз деген ойдамын, раxмет!

Answer:

Сәлеметсіз бе, Амангүл!

Сіздің қойған сұрағыңызға бұған дейін де жауап берілген болатын. Сұрағыңыз бойынша толық ақпарат алу үшін Академиялық мәселелер жөніндегі департаментінің директоры Хайрулла Нышанұлы Жанбековке (бас оқу ғимараты, 221-кабинет) жолығыңыз. Рахмет!

01-08-2019 13-36-01   From students

Author: Жибек Орынбасар

Салеметсиз бе! Менин билгим келгеним
Биздин универ Туркия елимен келисими бар ма екен?
Дефектология мамандыгымен кай елге барып,окуымды жалгастыра аламын?

Answer:

Сәлеметсіз бе!

Сұрағыңыз бойынша толық ақпарат алу үшін Халықаралық ынтымақтастық департаментінің қызметкерлерімен хабарласуыңызға болады. Байланыс тел.: 291-36-92, 291-62-30.

01-08-2019 11-18-26   From applicant

Author: Абуова Айда Маханқызы

Құрметті Такир Оспанович! Мен, Абуова Айда "Бейнелеу өнерінен" шығармашылық емтихан тапсырып жалпы конкурсқа 112 балмен қатысып М. Әуезов атындағы ОҚМУ-нің грант иегері атандым.Қояр сұрағым, мамандығымның грантымды сақтап, сіздердің университетіңізге ауысуға бола ма?

Answer:

Құрметті Айда, Сізді мемлекеттік грант иегері атануыңызбен құттықтаймыз!

Мемлекеттік білім беру гранты М.Әуезов атындағы Оңтүстік Қазақстан мемлекеттік университетіне бөлінгендіктен, мамандығыңыз бойынша басқа жоғары оқу орнына ауысу кезінде мемлекеттік грант сақталмайды. Бір оқу орнынан екінші оқу орнына ауысу туралы толық мәліметті университетіміздің Академиялық мәселелер жөніндегі департаментінің қызметкерлерінен алуыңызға болады. Байланыс телефондары: 8 (727) 291-13-71, 291-71-06.

01-08-2019 11-15-13   From students

Author: Хауспай Әселя Асылбекқызы

Сәлеметсізбе, Такир Оспанович!
Менің сізге сұрағым: студенттердің барлығына бұл жылы жатақxана қарастырылады ма, әлде екінші курс студенттеріне берілмейді ме?
Мен 1 курсты аяқтап 2 курсқа көштім, Алматы қаласында ешқандай тума-туысқандарым жоқ. Оңтүстік Қазақстан, Шымкент қаласынанмын, мемлекеттік грант иегерімін, оқу үлгерімім өте жақсы, филология институтының "қазақ тілі мен әдебиет" мамандығында оқимын(104), және де жатақxананы қажет етемін.
Сізден бұл жылы студенттер, әсіресе, екінші курстағы басқа қаладан келген білім алушылар жатақxанамен қамтамасыз етіледі ме деп сұрағым келеді. Жауабыңызды асыға күтемін

Answer:

Құрметті Әсел!

Университетіміздің жатақханаларына студенттерді орналастыру тәртібі бекітілген ережеге сәйкес жүргізіледі. Жатақханадан орын алу үшін өтінішіңізді және әлеуметтік жағдайыңызды растайтын тиісті құжаттарыңызды институт директоратына тапсыруыңыз қажет. Жатақханаға өтініш қабылдау 25 тамыздан кейін басталады.

Студенттерді жатақханамен қамтамасыз ету мәселесі басшылық тарапынан қарастырылып жатыр.

29-07-2019 04-01-54   From applicant

Author: Anonymous

Сәлеметсіз бе!Сіз басқарып отырған университет студентімін.2 курс МФиИ .Сізге қояр сұрағым биыл жатаханаға орналастыру қашан басталады.Қанша орын бөлінеді.2курстарды жатахана алу мүмкіндігі қандай.Ертерек хабарласаныз деген өтінішім бар еді.РАХМЕТ

Answer:

Құрметті студент!

Жатақханаға студенттерді орналастыру тәртібі бекітілген ережеге сәйкес жүргізіледі. Студенттерді жатақханаға орналастыру кезінде арнайы құрылған комиссия студенттің оқитын курсын, әлеуметтік жағдайын, мемлекеттік грант иегері болуын ескереді. Жатақханадан орын алу үшін өтінішіңізді және әлеуметтік жағдайыңызды растайтын тиісті құжаттарыңызды институт директоратына тапсыруыңыз қажет. Жатақханаға өтініш қабылдау 25 тамыздан кейін басталады.  Рахмет! 

27-07-2019 04-46-08   From students

Author: Anonymous

Сәлеметсіз бе, ректор мырза! Сізге барша 4-ші курс студенттері атынан жазып отырмын деп қабылдарсыз. Өзіңізге аян, бізге жатақхана берілмейді. Естуіміз бойынша,соңғы оқу жылында бір жыл көлемінде практика болады екен мектепте. Дипломдық жұмыс тағысын тағы оқуға байланысты жұмыстарды есептемегенде, пәтер жалдап тұрудың өзі ауыр мәселе. Жатақханаға өтініш білдірген барша төртінші курс студенттерін бірінші курс студенттерінен қалған орындармен қамтамасыз етсеңіз екен деген тілегіміз бар. Егер түске дейін сабақ, түстен кейін практика болса, жұмыс жасауға да уақыт жоқ. Көптеген студенттің ата-анасы қаржы жіберетін жағдайда емес. Егер практика туралы ақпарат жалған болса, онда, тым құрығанда сабақ кестесімен мәселе болмаса екен... Таңғы 8-де сабақта болу үшін қала сыртында Қаскелеңде, Айнабұлақта тұратындар бар екенін де ескерсеңіз. Сабақ 9-дан кете басталса...Осы мәселелер
бойынша нақты жауап берсеңіз. Рахмет!

Answer:

Құрметті студент!

Білім алушыларымызды жатақханамен қамтамасыз ету мәселесі университет басшысы ретінде менің басты назарымда.

Жатақханаға студенттерді орналастыру тәртібі бекітілген ережеге сәйкес жүргізіліп, жолдама беру кезінде арнайы құрылған комиссия студенттің оқитын курсын, әлеуметтік жағдайын, мемлекеттік грант иегері болуын ескереді.  Сұрағыңызда көрсетілген мәселелерді міндетті түрде қарастырамыз. Рахмет! 

25-07-2019 17-12-43   Other

Author: Anonymous

Сәлеметсізбе құрметті Тахир Оспанұлы! Мен ҚазҰПУ-дың жатақханасында жұмыс істеймін. Біздің жатақханада вахтада отыратын жұмыскерлердің бәрі пенсионерлер. Мен өтінішім пенсионерлер жұмыс орнын босатса, себебі олар айлықта және пенсияда алады. Ал, жасы 50 ден асып жұмыс таппай тентіреп жүрген адамдар қаншама?. Бір айлықпен бүткіл отбасыны асырап отқан әйел адамдар бар. Менің ойымша пенсияға шыққан соң жұмыс орныңды босату керек. Өтінішіме жауап бересіз деген ниеттемін рахмет!

Answer:

Сәлеметсіз бе!

Жаңа оқу жылында зейнет жасындағы қызметкерлер саны қысқартылып, жас мамандар қабылданады. Өтінішіңізді ескереміз. Рахмет!

25-07-2019 16-45-02   From students

Author: Anonymous

Саламатсызба курметти Такир Оспанулы! Сизден сурайын дегеним аскери кафедранын биылгы жылгы психологиялык жане дене тарбиеси нормативтери кай уакытта тапсырылатынын билсем деп едим? Рахмет!

Answer:

Сәлеметсіз бе!

Сұрағыңыз бойынша толық ақпарат алу үшін әскери кафедра қызметкерлерімен хабарласуыңызға болады. Байланыс тел.: 382-27-36.