13-03-2024 16-22-45
Басқа
Сұрақ қоюшы: Аида Мұратқызы Сұрақ № 7870 Құрметті Болат Анапияұлы! Маңғыстау облысы, Ақтау қаласы «GRANT high-school lyceum» ЖШС мектебі кәсіби бағдар беру мақсатында үздік 10-11 сынып оқушыларын (11 оқушы) ағымдағы жылдың 28 наурыз
күні сағат 09:00-13:00 аралығында Сіз басқарып отырған университеттің ішкі тынысымен, мамандықтар тізбегі мен мамандық таңдауға көмектесу
мақсатында университет (мамандықтары, факультеттері, профессорлары) туралы ақпаратпен бөлісіп, презентация мен экскурсия өткізулерінізді сұраймын.
Жауап:
Құрметті Аида Мұратқызы! Хатыңыз бойынша жауапты тұлғаларға тапсырма берілді. Қосымша сұрақтарыңыз болса, Академиялық мәселелер жөніндегі департамент директоры Хайрулла Нышанұлымен хабарласып, толық ақпарат алуыңызға болады. Байланыс тел.: 291-13-71, 291-71-06. Ұсынысыңыз үшін рақмет!
07-03-2024 21-03-00
Студенттен
Сұрақ қоюшы: Аноним Сұрақ № 7869 Сәлеметсіз бе?
Мен 4 курс студенті боламын, біз 1 курста Қазақстан тарихынан мемлекеттік емтихан тапсырған едік.
Егер де сол емтиханнан балл В+ болған жағдайда да қызыл диплом ала аламыз ба?
Сұрағыма нақты жауап беруіңізді өтінемін. Рақмет!
Жауап:
Сәлеметсіз бе! Университеттің Академиялық саясатының 368, 369 тармақтарына сәйкес:
368. А, А- «өте жақсы», В+, В, В -С+ (С+ 2019 ж. 1-ші қаңтардан бастап), «жақсы» бағаларымен емтихан тапсырған және оқудың барлық кезеңінде үлгерімінің орташа балы (GPA) 3,5-тен төмен емес, сондай-ақ кешенді мемлекеттік емтихан тапсырған немесе А, А- «өте жақсы» бағаларымен дипломдық жұмысты (жобаны) қорғаған білім алушыға үздік диплом (әскери даярлық бойынша бағаны есепке алмағанда) беріледі.
369. Оқудың барлық кезеңі ішінде қорытынды бақылауды (емтиханды) қайта тапсыруы немесе қайта тапсыруы бар білім алушыға үздік диплом берілмейді.
Сұрағыңыз бойынша толық ақпарат алу үшін Тіркеу кеңсесінің мамандарына жолықсаңыз болады. Мекенжайы: Қазыбек би к/сі, 30, 1 этаж.
01-03-2024 21-17-13
Студенттен
Сұрақ қоюшы: Аноним Сұрақ № 7861 GPA балл 3,49 болып тұр .
3,49 ды 3,5 деп есептеуге болама gpa баллда?
Жауап:
Сәлеметсіз бе! Егер Сізде GPA балл 3,49 болса, онда ол 3,49 деп есептеледі. Сұрағыңыз бойынша институт басшылығымен хабарласып, толық ақпарат алсаңыз болады. Байланыс деректері: https://abaiuniversity.edu.kz/kz/3/page/ . Рақмет!
28-02-2024 14-20-04
Студенттен
Сұрақ қоюшы: Аноним Сұрақ № 7858 Сәлеметсізбе мен былтыр мамыр айында шәкіртақыдан құлаған едім сосын желтоқсан айында қайтадан ілінген болатынмын,енді барып бухгалтериядан сұрасам қаңтар айының шәкіртақысын алмайсыз тек ақпан айынан бастап аласыз деп жатыр,былтыр мен сяқты балдыр қайтадан ілініп алып жүрген едіғой.мазалағаным үшін кешірім сұраймын.
Жауап:
Сәлеметсіз бе! Стипендия тағайындау ережелеріне сәйкес қысқы семестрге арналған стипендия тек ақпан айынан бастап тағайындалады.
28-02-2024 11-16-31
Студенттен
Сұрақ қоюшы: Кушкумбаева Айзада Сұрақ № 7855 Сәлеметсіз бе! Біздің университетте осы жылы немесе келесі жылы ректор атынан грант бөлінеді ме?
Жауап:
Сәлеметсіз бе! Университеттің ішкі гранты жоқ. Сұрағыңыз бойынша толық ақпарат алу үшін Академиялық мәселелер жөніндегі департаментінің мамандарымен хабарласуыңызға болады. Байланыс тел.:291-13-71,291-71-06. Рахмет!
27-02-2024 19-16-00
Студенттен
Сұрақ қоюшы: Аноним Сұрақ № 7854 Сәлеметсізбе, шет ел стуленттері немесе Қазақстанда тұрып жатқан қандастар қай жерден медициналық көмек ала алады? Қай жерде тексерідіп, дене шынықтыру сабағына денсаулығына байланысты қатыса алмайтыны жайлы справка алуға болады. Жатақхананың мед.пунктінен сұрадық, нақты қай жерге бару керектігін түсіндіре алмады, білмейді екен, сондықтан осы жерге жазып отырмын. Қай жерге бару керектігін нақты айтсаңыздар.
Жауап:
Сәлеметсіз бе! Ықтиярхаты жоқ шетелдіктер – медициналық көмекті ақылы түрде (кез келген медициналық мекемеде), ерікті медициналық сақтандыру (ЕМС) немесе медициналық / туристік сақтандыру полисінің сақтандыру өтемі шеңберінде алады. Дене шынықтыру сабағына денсаулығына байланысты қатыспау туралы ВКК анықтаманы ақылы алады.
Ал, қандастар, ықтиярхаты бар шетелдіктер – медициналық мекемеге тіркеліп, тегін медициналық көмектің кепілдік көлемін және міндетті әлеуметтік медициналық сақтандыру шеңберінде медициналық көмек ала алады. Университет студенттері №1 қалалық емханаға немесе «A-Clinic» медициналық орталығына тіркеліп, медициналық көмекке жүгіне алады.
Сұрағыңыз бойынша толық ақпаратты Төле би, 35 мекенжайында орналасқан Денсаулық сақтау пунктінен алсаңыз болады.
27-02-2024 19-06-48
Студенттен
Сұрақ қоюшы: Аноним Сұрақ № 7852 Сәлеметсізбе ректор мырза!Маған қаңтар айының шәкіртақысы әлі күнге дейін түспеді бұл жөнінде кімге шықсам болады?
Жауап:
Сәлеметсіз бе! Стипендия 27 ақпан күні студенттердің есеп шотына жолданды. Рақмет!
27-02-2024 15-05-58
Студенттен
Сұрақ қоюшы: Аноним Сұрақ № 7851 Бүгін 27-ақпан! Стипендия әлі жоқ. Стипендия қашан түседі?
Жауап:
Сәлеметсіз бе! Стипендия студенттердің есеп шотына жолданды. Егер стипендия алмаған болсаңыз, институт басшылығымен хабарласуыңызды сұраймыз. Байланыс деректері: https://abaiuniversity.edu.kz/kz/3/page/. Рақмет!
27-02-2024 13-49-23
Студенттен
Сұрақ қоюшы: Аноним Сұрақ № 7849 Қайырлы күн! Қандай себеппен ақпан айының шәкіртақысы кешіктірілп жатыр? Шәкіртақы әр айдың 25ші жұлдызына дейін түсіп болуы тиіс еді. Осы жолы ай біткелі отыр, сонда шәкіртақыны наурыз айында түсіргелі отырсыздар ма? Бұл барып тұрған бассыздық және студент тарапына мазақ ретінде көріп тұрмын. Қаншама студенттер жалдамалы пәтерлерінің айлық ақшасын немесе коммуналдық счетты осы шәкіртақыға сеніп төлейді. Ал бухгалтерия бөлімі бізге әр түрлі жауаптар айтып, басты ауыртып қойды. Студенттерді екі ойлы қылмай нақты бір датада және уақытта, кешіктірілмей шәкіртақы түсуін талап етеміз.
Жауап:
Құрметті студент! Стипендия әр айдың соңына дейін міндетті түрде беріледі. Шыдамдылық танытып, сәл күтулеріңізді сұраймыз. Сұрағыңыз бойынша қосымша ақпарат алу үшін студенттік бухгалтерия қызметкерлерімен хабарласуыңызға болады. Тел.: 291-37-54. Рақмет!
26-02-2024 13-36-24
Студенттен
Сұрақ қоюшы: Аноним Сұрақ № 7847 Саламатсыз ба? Ақпан айының шәкіртақысы қашан түседі?
Жауап:
Сәлеметсіз бе! Стипендия 27 ақпанға дейін беріледі. Рақмет!
24-02-2024 15-41-50
Ата аналардан
Сұрақ қоюшы: Айбек Лесов Сұрақ № 7844 Ассалому алейкум, Ағай! Мен Өзбекстан Республикасы Ташкент қаласынан - әкемін. Үлкен қызым Сіздің басшылығыңыздағы Университеттің 2 курс студенті, ақылыда жақсы бағаларға оқып келеді.
Бұл оқу жылында екінші қызым Ташкенттегі мектептің орыс сыныпын үздік аяқтап, Сіздегі «Орыс тілі мен әдебиеті» бағытына тапсырмақшы.
Грантқа қабылдануы үшін қай уақытта қандай шаралар жасауы керек?
Егер екеуі де ақылыда оқитын болса, жеңілдіктер қарастырыла ма?
Мәлімет үшін: ұлтымыз қазақ, көпбалалы жанұямыз.
Кеңесіңіз үшін Рақмет.
Жауап:
Сәлеметсіз бе! Абай университетіне оқуға түсу және құжаттарды тапсыру бойынша толық ақпаратты қабылдау комиссиясының сайтынан білуге болады: https://abiturient.abaiuniversity.edu.kz/. Сұрағыңыз бойынша қабылдау комиссиясының қызметкерлеріне хабарласуыңызды сұраймыз. Тел.: 8 727 291 57 68; Call-орталығы: 8 727 221 85 14. Рақмет!
23-02-2024 14-03-24
Студенттен
Сұрақ қоюшы: Аноним Сұрақ № 7842 Саламатсызба! Жаңа ректор ауысқалы шәкірақы уақытылы түспей жатыр, бұл сұрақты миллион рет жазып сұрап отырмыз неге жауап қатпайсыздар? Ақпан айының шәкіртақысы неліктен әлі күнге дейін түспеді?
Жауап:
Құрметті студент! Білім беру грант орындарын ҚР Ғылым және жоғары білім министрлігі қаржыландыратындықтан, білім алушыларға стипендия «Қаржы орталығы» акционерлік қоғамы арқылы бөлінеді. Стипендия әр айдың соңына дейін студенттердің жеке шоттарына жіберіледі. Рақмет!
21-02-2024 14-17-09
Студенттен
Сұрақ қоюшы: Аноним Сұрақ № 7838 Сәлеметсізбе, ақпан айының стипендиясы қашан түседі? Неге осы жылы стипендиялар кешігіп жатыр? Дорожный барлық студент және магистранттарға беріледі деп естідік сол рас па?
Жауап:
Құрметті студент! Білім беру грант орындарын ҚР Ғылым және жоғары білім министрлігі қаржыландыратындықтан, білім алушыларға стипендия «Қаржы орталығы» акционерлік қоғамы арқылы бөлінеді. Стипендия әр айдың соңына дейін студенттердің жеке шоттарына жіберіледі. Жол жүру төлемақысы бойынша ақпаратты директорат қызметкерлерінен біле аласыз. Рақмет!
21-02-2024 14-12-47
Студенттен
Сұрақ қоюшы: Аноним Сұрақ № 7837 Сәлеметсізбе, ақпан айының стипендиясы қашан түседі? Неге осы жылы кешігіп түсіп жатыр?
Жауап:
Сәлеметсіз бе! Стипендия ақпан айының соңына дейін міндетті түрде беріледі. Түсіністік танытып, күтулеріңізді сұраймыз. Рақмет!
20-02-2024 23-45-45
Студенттен
Сұрақ қоюшы: Аноним Сұрақ № 7836 Cәлеметсіз бе! Президенттік шәкіртақы иегерлерінің тізімі қашан шығады? Алдын ала рақмет!
Жауап:
Сәлеметсіз бе! Қазіргі уақытта Президенттік шәкіртақыға үміткерлер ретінде оқу орнымыздың оқу үлгерімі «өте жақсы» 3-4 курс студенттерінің саны анықталып, ҚР Ғылым және жоғары білім министрлігіне жолданды. Президенттік шәкіртақы бойынша бюджет бекітілгеннен кейін шәкіртақы иегерлерін анықтауға арналған конкурс туралы ақпарат «Univer» жүйесіне жарияланады. Конкурс бойынша толық ақпаратты институт директоратынан білсеңіз болады. Рақмет!
10-02-2024 11-42-27
Студенттен
Сұрақ қоюшы: Гүлбақыт Сұрақ № 7813 Бізге Ежелгі және Хандық дәуір әдебиеті пәніне Сатемирова Дариға Амантайқызы сабақ береді. Бүгін бізде онлайн СРПС болды. Студентке деген бір грамм да құрметсіздік танытып, сөзімді соңына дейін аяқтатқызбай айқайлап жіберді, топ болып қорғататын өзі, тобымыздың уақыты бітсе де айтар сөзімді соңына дейін айтқызбағаны өте жаман. Әр семинар сайын жасап, еңбектеніп келген слайдымыздың тек басын көреді де, арғы бетін мүлдем тындамайды. Еңбегімізге атүсті қарап айқайлайды. Сабақ уақытында үнемі семинарда жиналыста болады немесе осылай айқаймен өткізеді. Лекцияда да тек қана пайдаланылған әдебиеттен басқа ешнәрсе де бермейді. Түсіндірмейді білім бермейді, тек қана талап етуді біледі. Құрметтемейді, сыйластық жоқ.
Білімді мықты мұғалім дегенмен де сабағына әрдайым кірген сайын стресс алып шығамыз және де ештеңе де үйренбейміз, ТЕК ҚАНА ҚОРҚЫНЫШ, білім тәрбие ешқашан да қаттылықпен айқаймен келмейтінін түсінсе екен деймін. СТУДЕНТ БОЛҒАНЫМЫЗБЕН ДЕ ҚҰРМЕТ БОЛУЫ КЕРЕК. Жылатуға дейін әкелді, мүлдем сыйламады. Біз, студенттер, неге қоғамның ең әлсіз өкілдері болуымыз керек. Ол кісілер осы үшін еңбегінің ақысын алады, бізге барлық негативпен барлық уын шашып, өміріміізді тозаққа айналдырып жатыр.
Жауап:
Құрметті студент! Шағымыңыз бойынша институт басшылығына жағдайды анықтау үшін оқытушымен түсіндіру жұмыстарын жүргізу тапсырылды. Біз оқу орнымыздың профессор-оқытушылар құрамы мен білім алушыларын бірдей бағалайтынымызды атап өткіміз келеді. Сондықтан оқытушылар мен студенттер арасында өзара құрмет, сыйластық пен түсіністік қарым-қатынас болуы маңызды. Бұндай қарым-қатынас университет ұжымының рухани-адамгершілік мәдениетін дамытуға ықпал етеді. Рақмет!
10-02-2024 11-40-42
Басқа
Сұрақ қоюшы: Аноним Сұрақ № 7812 Бізге Ежелгі және Хандық дәуір әдебиеті пәніне Сатемирова Дариға Амантайқызы сабақ береді. Бүгін бізде онлайн СРПС болды. Студентке деген бір грамм да құрметсіздік танытып, сөзімді соңына дейін аяқтатқызбай айқайлап жіберді, топ болып қорғататын өзі, тобымыздың уақыты бітсе де айтар сөзімді соңына дейін айтқызбағаны өте жаман. Әр семинар сайын жасап, еңбектеніп келген слайдымыздың тек басын көреді де, арғы бетін мүлдем тындамайды. Еңбегімізге атүсті қарап айқайлайды. Сабақ уақытында үнемі семинарда жиналыста болады немесе осылай айқаймен өткізеді. Лекцияда да тек қана пайдаланылған әдебиеттен басқа ешнәрсе де бермейді. Түсіндірмейді білім бермейді, тек қана талап етуді біледі. Құрметтемейді, сыйластық жоқ.
Білімді мықты мұғалім дегенмен де сабағына әрдайым кірген сайын стресс алып шығамыз және де ештеңе де үйренбейміз, ТЕК ҚАНА ҚОРҚЫНЫШ, білім тәрбие ешқашан да қаттылықпен айқаймен келмейтінін түсінсе екен деймін. СТУДЕНТ БОЛҒАНЫМЫЗБЕН ДЕ ҚҰРМЕТ БОЛУЫ КЕРЕК. Жылатуға дейін әкелді, мүлдем сыйламады. Біз, студенттер, неге қоғамның ең әлсіз өкілдері болуымыз керек. Ол кісілер осы үшін еңбегінің ақысын алады, бізге барлық негативпен барлық уын шашып, өміріміізді тозаққа айналдырып жатыр.
Жауап:
Құрметті студент! Шағымыңыз бойынша институт басшылығына жағдайды анықтау мақсатында оқытушымен түсіндіру жұмыстарын жүргізу тапсырылды. Оқу орнымыз профессор-оқытушылар құрамы мен білім алушыларды бірдей бағалайтынын атап өткіміз келеді. Сондықтан оқытушылар мен студенттер арасында өзара құрмет, сыйластық пен түсіністік қарым-қатынас болуы маңызды. Бұндай қарым-қатынас университет ұжымының рухани-адамгершілік мәдениетін дамытуға ықпал етеді. Рақмет!
08-02-2024 23-39-42
Студенттен
Сұрақ қоюшы: Аноним Сұрақ № 7810 Студенттермен универ қызметкерлерінің қарым-қатынас өте төмен деңгейде. Сабаққа аудиторияларға кіргенде киіммен кірмеңіздер дейді де, ал гардеробтағы тәте итекетка(фирма жазылатын немесе сол сырт киімнің размері жазылатын) ілмейміз деп оның үстіне “жарайды”деп жауап берсеңде барлық негативін шашады. Не жарайды деп аузына келген сөзін айтады. Жалпы Жгидегі қызметкерлердің студенттермен адекватно сөйлесе алмаса мүлдем қарым-қатынас,коммуникацияға түспеңіздер деп бір ауыз ескертсеңіздер екен. Кітапханашы апайдан бастап гардеробшы тәтеге(кіргеннен шыққанға дейін) қаншама негативты студенттер жұтып үйлеріне,жұмыстарына барады. Онсызда оңай емес студенттерге, күн демей түн демей оқиды,жұмыс жасайды, ақша табады. Қала берді курс тренингтерден де өтіп отырады, заман талабы. Сондықтан құрметті ректор мырза үлкен өтініш ҚЫЗМЕТКЕРЛЕРДІҢ СТУДЕНТТЕРМЕН БЕЙРЕСМИ, БЕЙӘДЕП СӨЙЛЕУЛЕРІНЕ ЖОЛ БЕРМЕСЕҢІЗДЕР ЕКЕН❗️❗️❗️ мектеп кезден ақ қызметкерлер оқушыларға артық ауыз сөйлемейтін. Өздері қаншама жерден оқысам білім алсам деп келген жан-жақтың студенттері үшін бөтен адамнан сөз есту(нақақтан нақақ) өте қиын. Морально психологиялық тұрғыда іштей энергияны алады…түсіністікпен қарасаңыздар екен….
Жауап:
Сәлеметсіз бе! Хатыңызда көрсетілген мәселе назарға алынып, жауапты тұлғаларға тиісті тапсырмалар берілді.
06-02-2024 21-05-27
Студенттен
Сұрақ қоюшы: Аноним Сұрақ № 7807 Сәлеметсізбе, қазіргі уақытта басқа вузға ауысуға боладыма? Мен 1 курс студентімін, филология факультетінің екі шет тілі мамандығында оқимын.
Жауап:
Сәлеметсіз бе! Бір оқу орнынан екінші оқу орнына ауысу жолдары бойынша ақпарат алу үшін «Шапағат» студенттерге цифрлы қызмет көрсету орталығының мамандарымен хабарласуыңызға болады. Тел.: 291 64 97, centr.shapagat@mail.ru.
06-02-2024 15-14-04
Студенттен
Сұрақ қоюшы: Аноним Сұрақ № 7806 Саламатсызба ректор мырза!Маған қаңтар айының степендиясы түспеді осы мәселе бойынша кімге шықсам болады?
Жауап:
Құрметті студент! Хатыңыздағы жағдайды нақтылау үшін жауапты тұлғаларға стипендия туралы мәліметтерді тексеру тапсырылды. Берілген ақпаратқа сәйкес, қаңтар айындағы стипендия Сіздің банктік шотыңызға аударылған.
Барлығы: 4029