11-07-2018 11-28-26   От студента

Автор вопроса: Аноним

Сәлеметсіз бе. 2018-2019 оқу жылына КазНПУга магистратура жалпы қанша грант бөлінгендігін қайдан білуге болады??

Ответ:

Сәлеметсіз бе! Бүгінгі таңда 2018/2019 оқу жылына университеттерге бөлінген грант орындары жарияланбады. Абай атындағы ҚазҰПУ-дың 2018/2019 оқу жылына магистратура және докторантура бағдарламалары бойынша білім беру гранттарының тізімі белгілі болса, ақпарат ресми сайтымыздың «Хабарландырулар» бөлімінде жарияланатын болады. Сондай-ақ, гранттар тізімі мен саны туралы ақпаратты ҚР БҒМ сайтынан (www.edu.gov.kz) көре аласыз.

09-07-2018 18-02-47   От студента

Автор вопроса: Аноним

Салеметсізбе ағай! Мен осы жылы физмат институтын бітірдім, сізге ондағы оқытушылардың сабақ бермеуі,дөрекі сөйлеуі туралы жазып едім, жауап алған жоқпын. Қазір қарап отырсам, басқа да студенттер университет мұғалімдеріне қатысты шағымдарын айтып жатыр екен. Искакова М, Кабулова А, Сыдыкова Ж деген апайлар сабақтарын көбінесе отпейди немесе докторанттарга сабак бергізіп, баллдарды әділетсіз қояды, өздерінің жұмыстарын студенттерге істетіп қояды. Университет қабырғасында біз көрген сұмдықтарды басқалары көрмесе екен

Ответ:

Сәлеметсіз бе! Профессор-оқытушылар құрамының оқытатын пәндерінің сабақ кестесіне сай уақытта, аудиторияда өтілуі университет басшылығы тарапынан қатаң тексеріліп, бақыланады. Докторанттар кәсіби-өндірістік іс-тәжірибеден өту барысында студенттерге сабақ беруі мүмкін екендігін ескеру қажет. Білім алушыларды бағалау тікелей «Univer» жүйесінің енгізілуімен байланысты күнделікті қойылып отырады. Сондықтан «әділетсіз» бағалау білім алушылардың ықпалымен (сабаққа қатыспау, берілген тапсырмаларды уақытылы орындамау және т.б.) бағалануы мүмкін.

Дегенмен, жаңа оқу жылында шағымыңызда аталған мәселелер қайталанған жағдайда, нақты дәлелдеріңізбен Университетіміздің бірінші проректоры Мақтағали Әбдімәжитұлына (208 каб.) жолығуыңызға болады. Байланыс тел.: 291-79-79. Сұрағыңызға рахмет!

06-07-2018 19-22-50   От абитуриента

Автор вопроса: Докторант

Құрметті ректор мырза, мен биыл "Дефектология" мамандығы бойынша докторантураға түсуші едім. Бірақ, мамандық бойынша емтихан сұрақтары сайтта жарияланбаған. Қабылдау емтиханның сұрақтарының уақтылы жариялануына жәрдемедесуіңізді сұраймын.

Ответ:

Сәлеметсіз бе! Мамандықтар бойынша магистратураға және докторантураға түсушілерге арналған емтихан бағдарламалары ресми сайтта жарияланған. Сіз таңдап отырған мамандық бойынша бағдарламаны келесі тікелей сілтеме арқылы жүктей аласыз: http://kaznpu.kz/docs/postupaushim1_1/spec/6D010500_kaz.pdf. Сұрақтар осы бағдарламаның негізінде беріледі. Сұрағыңызға рахмет!

06-07-2018 14-44-17   От абитуриента

Автор вопроса: Аноним

Саламатсызба Тахир мирза! Менің сізге xат жазу себебім, мен бітіруші магистрантпын. Неге диплом алу рәсімімізді ресми түрде бермеске? Магистр атағын аламыз, оны неге аудиторияда бере салады? Бакалавр сиякты улкен көлемде өткізсеңіздер жаксы бол еді.
Уйімізден ата анамыз келеді. Калай болса солай, ешкандай іс шарасыз, куры аудиторияда дипломымызды тарата салу бул недеген менсінбеушілік мвгистранттарды? Өкпеміз кара казандай....Өзіміз емес университет уйымдастырып беру кереккой...

Ответ:

Сәлеметсіз бе! Дипломды табыс ету рәсімі ресми түрде, Университет ректорының, проректорлар мен институт директорларының қатысуымен өтеді. Университет қабырғасында өткізілетін іс-шараларға жауапты Тәрбие әлеуметтік жұмыстар және жастар саясаты жөніндегі департаменті ұйымдастырады. Түлектерге диплом табыстау рәсімі маңызды іс-шара болғандықтан, білім алушылардың ұйымдастыруы мүмкін емес. Сұрағыңызға рахмет!

06-07-2018 03-20-19   Другие

Автор вопроса: Меруерт

Саламатсыз ба, құрметті, Балықбаев Такир Оспанұлы! Мен 1-курс магистранты боламын (2-жылдық, 6М011000-физика мамандығы). Менің сізге қояин деген сұрағым: мен ағымдағы оқу жылын (1-2 семестр) үздікке (повышка) тәмамдадым. Енді менің "президенттік шәкіртақы(степендия)" алуға толықтай мүмкіндігім бар деп ойлаймын (GPA-3,87). Себебі, оқу озатынан бөлек, университет ішіндегі шараларға жиі қатысамын. Айталық Астанада өткен (ЕНУ) 72-ғылыми конференцияға біздің университтің атынан ӨЗ ЕРКІММЕН барып (университет бойынша1 өзім ғана құрбыммен)конференцияға қатысып 1-орын, университетаралық конференциялардан да 1 орын алып жүрген білім алушымын. Оған қоса мақалаларым да бар, атап айтқанда, "Абай университеті" газетінде университетіміздің ішкі тынысы жайында жазған болсам, одан бөлек ғылыми-республикалық журналдарға бірнеше ғылыми мақаламды беріп жарыққа шығардым. Одан өзге институт ішіндеге көптеген конференцияларлың жүлдегерімін. 2018 ж сәуір айында Республикалық магистранттар мен докторанттар арасында өткен ғылыми жобалар сайысының жүлделі орын иегері атандым! Университет атынан Европада жарты жыл білім алып келдім! Қысқасы, бұдан өзге де көптеген біраз жетістікерім баршылық. (барлығын тізіп жазып отыруға уақыт тапшы). Осындай мүмкіндіктерім бола тұра бұл шәкіртақыны(степендия) "қалай ала аламын?" деп сұрағанымда ешқандай нақты жауап ала алмадым! Сондықтан, сіздің көмегіңізге жүгініп отырмын. Осы шәкіртақыны қашан жане қалай алуға болатындығы жайында біраз ақпарат бере аласызба? Сондай- ақ ,айтарым белсенді білім алушыларға көбірек қолдау көрсетілсе екен деймін. Өйткені, сіздердің қолдауларыңыз арқылы біздің білімге, ғылымға деген ізденісіміз, құлшынысымыз одан әрі арта түседі! Сізге алдын-ала раxмет!

Ответ:

Құрметті Меруерт! Сіздің қойған сұрағыңызға бұған дейін де жауап берілген болатын. Өтінішіңізді және тиісті құжаттарыңызды директоратқа өткізуіңізді сұраймыз. Сіздің шәкіртақы иегері болуға мүмкіндігіңіз бар.

Шәкіртақыға қатысты қосымша сұрақтарыңыз болса, Академиялық мәселелер жөніндегі департамент директоры Жанбеков Хайрулла Нышанұлына (221-кабинет) жолығуыңызға болады. Сұрағыңызға рахмет!

05-07-2018 21-42-32   От абитуриента

Автор вопроса: Кыдырманова Маржан Серикжановна

Сәлеметсізбе Таxир Оспанұлы мен сұрақ емес алгыс білдірейін деп едім.мен бітіруші тулекпін биыл буйыртса мвгистратурага осы лз универіме тапсырмакпын!!сиз арнайы дайындаган агылшын куосы отте пайдалы болып жатыр.Тегін турде окып жатырмыз!Тілімізде үйреніп қалды!! сіз өтте қарапайым адамсыз!болашактада биздин универди буданда жогары дарежеге котеруінізге тилектеспин!!

Ответ:

Құрметті Маржан! Тілегіңізге рахмет! Сіздер үшін Университетіміздің есігі әрдайым ашық.

Оқу орнымыздың дәрежесін көтеру мақсатында атқарылып жатқан жұмыстардың барлығы сапалы мамандарды даярлау үшін жасалып отыр. Сондықтан университет қабырғасында алған білімдеріңізді және тәжірбиелеріңізді болашақта елімізді дамыту жолындағы игілікті істер үшін қолдансаңыздар біздер үшін мақтаныш. Білім жолындағы жаңа қадамыңызға тек сәттілік тілеймін!

04-07-2018 08-30-09   От абитуриента

Автор вопроса: Аноним

Сәлеметсіздер ме мен ұлтым қазақ емес бірақ осы жақта оқып бітірдім быйыл ЕНТ тапсырдым. Менде қазақстанның азаматтығы жоқ бірақ вид на жительство бар мен сонымен грантка корнкурска түсе аламын ба (18-26 болатын)

Ответ:

Құрметті талапкер! Қазақстан Республикасы Үкіметінің 2012 жылғы 19 қаңтардағы №111 «Жоғары оқу орындарында оқу бағдарламаларын іске асыратын білім беру ұйымдарына оқуға қабылдаудың үлгілік қағидаларының» 10 тармағына сәйкес  шетел азаматтарын жоғары оқу орындарына қабылдау сұхбаттасу арқылы ақылы негізде жүргізіледі. Сіз шетел азаматы болғандықтан, мемлекеттік білім грантына конкурсқа қатыса алмайсыз.

Сұрағыңыз бойынша толық ақпаратты Университетіміздің Кәсіби бағдар беру және білім алушыларды қабылдау орталығынан алуыңызға болады. Байланыс тел.:  8(727)291-57-68, 291-73-71, 291-87-80.

04-07-2018 00-31-48   От абитуриента

Автор вопроса: Аноним

Салеметсизбе? Менин сизге сурагым мен 11 сыныпты 2017 жылы битирген болатынмын,барлыгы 57 балл кейннен отбасылык себептермен окуымды 1 жылга шегертип койдык.Осы жылы тапсырайын деген едим осы тамыз айынын 25 де база ашылады деди акылы турдеги оку ягни тек пратныйга сол шынба?алде тагы 2018 жылга арналган окуга кабылдау жумыс уакыты аякталдыма???Жауап жазып жатсаныз рахмет!!!

Ответ:

Сәлеметсіз бе! Мемлекеттік білім беру конкурсына қатысу үшін тапсырылатын кешенді тестілеуге құжат тапсыру кезеңі 1-20 маусым аралығында өтіп кетті. Сіз 2018/2019 оқу жылында тек ақылы түрде оқу үшін тапсырылатын кешенді тестілеуге қатыса аласыз, құжаттар 25 шілде мен 3 тамыз аралығында қабылданады.

03-07-2018 04-03-13   От абитуриента

Автор вопроса: Асел Турсынбай

Саламатсызба.мен 74 балмен гранқа тусе аламба?муғалімдікке

Ответ:

Құрметті Әсел! Мемлекеттік білім беру грантының конкурсына құжаттар 18-26 шілде аралығында қабылданады. Грант иегері атануыңыз Сіз таңдаған мамандыққа және мемлекет тарапынан бөлінген гранттың санына байланысты. Оқуға тапсырарда 2018/2019 оқу жылына білім беру гранттар санының артқандығын және педагогикалық мамандықтарда ауылдық квота қарастырылғандығын ескеріңіз.

Сұрақтарыңызға толық ақпарат алу үшін Университетіміздің қабылдау комиссиясына хабарласыңыз.

01-07-2018 17-50-02   От абитуриента

Автор вопроса: Жанарбек Нұршырақ

Сәлеметсіз бе менің есімім Нұршырақ
мен ҰБТда 95балл алған едім. Биология география пәні бойынша.95 баллмен осы пәндерарқылы грантқа түсуге боладыма. Дефектологмамандығына ше

Ответ:

Құрметті Нұршырақ! Ұлттық бірыңғай тестілеуді сәтті тапсыруыңызбен құттықтаймыз! Болашақта біздің университеттің студенті атанып, білікті маман болуға тілектеспіз.

Сұрағыңызға келетін болсақ, өзіңіздің таңдау жасаған пәндеріңізге сәйкес келетін мамандықтар бойынша ағымдағы жылдың 18 - 26 шілде аралығында мемлекеттік білім беру грантының конкурсына құжат тапсырып көруіңізге болады. Конкурс нәтижесі тамыз айының 5-нен кейін арнайы ақпарат құралдарында немесе «Егемен Қазақстан» газетінде жарияланады.

01-07-2018 17-27-41   От абитуриента

Автор вопроса: Нағыметуллаев Жансерік

Саламатсыз ба? Мен ҰБТ дан 75 бал алдым, таңдау пәнім ағылшын + дүние жүзі тарихы. Сізден сұрағым келгені осы университетте ақылы оқу үшін таңдау пәні маңызды ма? Алде таңдау пәніме сай келетін мамандыққа қана түсе аламын ба? Рахмет! Сізден жауап күтемін.

Ответ:

01-07-2018 08-02-23   От родителей

Автор вопроса: Аноним

Салеметсизбе Такир Оспанович. Меним кызым ЕНТдан 87 балл алып калды, бирак мектепти "алтын белги" мен битирди. 87 баллмен грантка тусе алама. Коп РАХМЕТ.

Ответ:

Құрметті ата-ана! Мемлекеттік білім беру грантының конкурсына құжаттар 18-26 шілде аралығында қабылданады. Мемлекет тарапынан бөлінген гранттардың саны мен абитуриенттердің санына байланысты болғандықтан, грантқа түсетіндігі туралы нақты жауап айта алмаймыз. Бірақ биыл білім беру гранттарының саны артқандығын ескерген жөн.

Сұрақтарыңызға толық ақпарат алу үшін Университетіміздің қабылдау комиссиясына хабарласыңыз.

29-06-2018 15-48-48   От абитуриента

Автор вопроса: Сатыбалдиева Акжаркын

Саламатсыз ба мен ұбт дан 103балл алып едим сиздин ЖОО на шет тілі және екі шет тілі мамандығына грант бола ма екен

Ответ:

Құрметті талапкер! Ұлттық бірыңғай тестілеу (ҰБТ) көрсеткішіңіз жақсы. 2018/2019 оқу жылына жалпы республика бойынша Сіз таңдаған мамандыққа 285 орын бөлініп отыр. Сіз грант иегері атану үшін 18-26 шілде аралығында болатын мемлекеттік білім беру грантының байқауына құжат тапсыруыңыз қажет. Сұрағыңызға рахмет!
 

29-06-2018 12-19-00   От родителей

Автор вопроса: Аноним

Моя дочь по результатам ЕНт получила 77 балов, из них по профильным предметам английский 23 балла, всемирная история 16 балов, имеет ли она право подать заявление на грант с учетом того что, она окончила школу с уйгурским языком обучения в сельской местности

Ответ:

Здравствуйте! Выпускник любой казахстанской школы имеет право подать документы с 18 по 26 июля 2018 года для участия в конкурсе на присуждение государственного образовательного гранта. Сельская квота учитывается в зависимости от выбора специальности.

27-06-2018 20-49-15   От абитуриента

Автор вопроса: Ару Адилхановна

Салематсызба. Мен 2017 жылы жоғарғы оқу орнын қазақ тілі мен əдебиеті мамандығы бойынша бітіріп едім. Енді осы оқу жылында сіздің университетке магистратураға түскім келеді. Дефектрлогия мамандығына магистратураға түсуге мүмкіндігім бар ма? Болмаса қандай мамандыққа түсе аламын? Сонымен қатар магистратураға құжаттар қабылдау уақыты қандай? Емтихан қандай пəндерден болады? Алдын ала рахмет!

Ответ:

Сәлеметсіз бе! Магистратураға құжат қабылдау ағымдағы жылдың  3-31 шілде аралығында жүргізіледі. Міндетті екі емтихан тапсырылады. Оның біреуі, шет тілі (ағылшын, неміс, француз) бойынша 10-15 тамыз және мамандық бойынша емтихан 16-20 тамыз аралығында  өткізіледі. Құжаттарды қабылдау кезінде Сіз тамамдаған «Қазақ тілі мен əдебиеті» мамандығының  «Дефектология»  мамандығына сай келуі анықталып, пән айырмашылықтары шығарылады. Сұрақтарыңызға нақты жауапты Кәсіби бағдар беру және білім алушыларды қабылдау орталығынан алуыңызға болады. Байланыс тел.:  8(727)291-57-68, 291-73-71, 291-87-80.

27-06-2018 14-40-16   От абитуриента

Автор вопроса: Жумабаева Карлыгаш

Здравствуйте, я Жумабаева Карлыгаш студентка института педагоги и психологии. Я получила от государства пособие по утере кормильца. У меня такая проблема: я сейчас нахожусь в своём родном городе Экибастуз, но мне для того чтобы получать пособие от государства необходима справка с места учебы. Ехать за одной справкой в Алматы очень затратно для меня. Я попросила свою подругу получить справку за меня и отправить мне по почте, но ей отказали в этом. Как я могу получить справку? Какие есть для таких случаев решения? Можно ли получить электронный вариант справки?

Ответ:

Уважаемая Карлыгаш! Вы можете оформить нотариально заверенную доверенность на имя подруги. Для получения необходимых документов Вашему доверенному лицу нужно обратиться в Цифровой центр обслуживания студентов «Шапағат» (Казыбек би, 30). Контактный тел.:8 (727) 291-64-97.

27-06-2018 09-07-55   От абитуриента

Автор вопроса: Аноним

Салематсызба 54 балмен кайта тапсырсам болама. Ол нешесінен бастап құжаттар қабылдайды. Осыны біле алмай жүрмін. Сіздерег щқуға құжат тапсырғым келеді химия,биология бөліміне

Ответ:

Құрметті талапкер! Сіз Университетіміздің шығармашылық мамандықтарына түсіп, кейін басқа мамандыққа ауысуға мүмкіндігіңіз бар. Ол үшін құжаттарды 7 шілдеге дейін тапсыру қажет. Сондай-ақ, 25 шілдемен 3 тамыз аралығында қайта кешенді тестілеуге құжаттар қабылданады.

Сұрағыңыз бойынша толық ақпаратты Университетіміздің Кәсіби бағдар беру және білім алушыларды қабылдау орталығынан алуыңызға болады. Байланыс тел.:  8(727)291-57-68, 291-73-71, 291-87-80.

27-06-2018 01-06-56   От абитуриента

Автор вопроса: Аноним

Салематсызба менің кызым ҰБТ дан 54 бал ап калды, енді осы оқу орнына тапсырғысы келеді.Қайта тестілеу болама, нешесінен басталады.

Ответ:

Сәлеметсіз бе!  2018/2019 оқу жылында тек ақылы түрде оқу үшін тапсырылатын кешенді тестілеуге қатыса аласыз, құжаттар 25 шілде мен 3 тамыз аралығында қабылданады.

26-06-2018 14-42-14   От абитуриента

Автор вопроса: Аноним

Салеметсізбе ағай! Менің мынадай сұрағым бар еді: неге университеттің мұғалімдері барлық жұмыстарын магистранттар мен докторанттарға істетеді??? Сабақты да солар береді, отчеттарды да солар толтырады, не үшін мұғалімдер жалақы алып отыр онда? Кейін басшыларға сол жұмыстың бәрін мұғалімдер біз істедік деп айтады, ал істемесек бағамызды төмендетіп, экзаменде құлатады.

Ответ:

Құрметті студент! Сұрағыңыздағы мәселені қарастыру үшін шағымыңызға қатысты кафедра оқытушыларының есімдерін  нақты көрсетуіңізді сұраймыз. Сұрағыңызға рахмет!  

26-06-2018 13-09-45   Другие

Автор вопроса: Аноним

Саламатсыз ба, құрметті, Балықбаев Такир Оспанұлы! Мен 1-курс магистранты боламын (2-жылдық, 6М011000-физика мамандығы). Менің сізге қояин деген сұрағым: мен ағымдағы оқу жылын (1-2 семестр) үздікке (повышка) тәмамдадым. Енді менің "президенттік шәкіртақы(степендия)" алуға толықтай мүмкіндігім бар деп ойлаймын (GPA-3,87). Себебі, оқу озатынан бөлек, университет ішіндегі шараларға жиі қатысамын. Айталық Астанада өткен (ЕНУ) 72-ғылыми конференцияға біздің университтің атынан ӨЗ ЕРКІММЕН барып (университет бойынша1 өзім ғана құрбыммен)конференцияға қатысып 1-орын, университетаралық конференциялардан да 1 орын алып жүрген білім алушымын. Оған қоса мақалаларым да бар, атап айтқанда, "Абай университеті" газетінде университетіміздің ішкі тынысы жайында жазған болсам, одан бөлек ғылыми-республикалық журналдарға бірнеше ғылыми мақаламды беріп жарыққа шығардым. Одан өзге институт ішіндеге көптеген конференцияларлың жүлдегерімін. 2018 ж сәуір айында Республикалық магистранттар мен докторанттар арасында өткен ғылыми жобалар сайысының жүлделі орын иегері атандым! Университет атынан Европада жарты жыл білім алып келдім! Қысқасы, бұдан өзге де көптеген біраз жетістікерім баршылық. (барлығын тізіп жазып отыруға уақыт тапшы). Осындай мүмкіндіктерім бола тұра бұл шәкіртақыны(степенлия) "қалай ала аламын?" деп сұрағанымда ешқандай нақты жауап ала алмадым! Сондықтан, сіздің көмегіңізге жүгініп отырмын. Осы шәкіртақыны қашан жане қалай алуға болатындығы жайында біраз ақпарат бере аласызба? Сондай- ақ ,айтарым белсенді білім алушыларға көбірек қолдау көрсетілсе екен деймін. Өйткені, сіздердің қолдауларыңыз арқылы біздің білімге, ғылымға деген ізденісіміз, құлшынысымыз одан әрі арта түседі! Сізге алдын-ала раxмет!

Ответ:

Құрметті студент! Жаңа оқу жылында өз өтінішіңізді директоратқа өткізіңіз, Сіздің стипендиат атануға толық мүмкіндігіңіз бар. Сұрағыңызға рахмет!