10-08-2018 22-25-57   От абитуриента

Автор вопроса: Аноним

Сәлеметсіз ба?мазалағаныма кешіріңіз .менің сізден сұрайын дегенім: мен 2018 жылдың түлегі едім ұбт-тен 95 балл жинады м таңдау пәнім биология- химия бірақ грантка түспедім сіздерде женілдіктер бар ма? Өзім көп балалы отбасыдан шығып едім(үйде 7балламыз мен үлкені) .жеңілдік болмаса оқу ақысы қанша ?химия мен биология мұғалімдікке?

Ответ:

Құрметті талапкер! Абай атындағы Қазақ ұлттық педагогикалық университетінде Сіз таңдаған бейіндік пәндер бойынша келесі мамандықтар бар: «5В011200-Химия» (506 000 тг), «5В011300-Биология» (506 000 тг), «5В060700 – Биология» (510 000 тг).

Сонымен қатар оқу орнымызда ақылы бөлімнің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf. 

Сұрағыңыз бойынша нақты ақпаратты Университетіміздің Кәсіби бағдар беру және білім алушыларды қабылдау орталығынан білуіңізге болады. Байланыс тел.: 291-87-80, 291-73-71.

10-08-2018 16-41-54   От студента

Автор вопроса: Аноним

Сәлеметсіз бе,Таxир Оспанұлы! Осы жылы 3-курс студенттеріне жатақxана беріледі ме? Деканаттан берілмейді деген xабарлама келіп жатыр, пәтер іздей беріңіздер депті. Қаншалықты рас, ақылы бөлімде оқып жатырмыз өзіміз,ол жағы қиын,не істейміз бұл жағдайда?

Ответ:

Құрметті студент! Әрбір институт жанынан арнайы комиссия құрылған. Жатақханаға мұқтаж кез- келген студент өз өтінішін комиссия қарауына ұсынуға құқылы. Сондықтан өтінішіңізді комиссия қарауына ұсынып, конкурс нәтижесін күту керек. 

10-08-2018 14-04-01   От абитуриента

Автор вопроса: Гулзира Сарсенбек

Сәлеметсізбе Такир Оспанұлы! Ағай мен филология және көп тілді білім беру институнының 4 курс студентімін. Мен Мевлана бағдарламасы бойынша Түркияның Мұғла Сыткы Кочман университетінің стипендясын жеңіп алған болатынмын! енді менің 4 курс студенті екенімді біліп, 4 курска шет елге шығуға рұқсат жоқ деп жатыр! Енді мен рұқсат ала аламба? Жалпы мүмкіндік бар ма?

Ответ:

Құрметті Гүлзира! Сұрағыңыз бойынша нақты ақпарат алу үшін Академиялық мәселелер жөніндегі департамент директоры Жанбеков Хайрулла Нышанұлына (221-кабинет) жолығыңыз.

10-08-2018 00-58-15   От студента

Автор вопроса: Өтесбай Жазира

Сәлеметсіз бе, неге әр түрлі мүмкіндіктер, конкурстық шаралар, соның ішінде осы жақында болған магистранттарға президенттік шәкіртақыны тағайындау конкурстары дедлайн уақыты немесе дедлайн уақытынан кейін сайтқа жарияланады? айтар болсақ ол жаңалық 8.08.18 жарияланды, алайда документтер тізімін қабылдау 8.08.18-не дейін деп жазылады. әлде бәрі өзінің таныстарына айтып сайтқа "для красоты" шығарылады ма? бұл бірінші рет емес, бірнеше болып отырғаны. Осындай конкурстар, шараларды уақытылы және барлық студенттер жазғы демалыстарына кетпес бұрын салынуын сұраймын. Рахмет

Ответ:

Құрметті Жазира! Президенттік шәкіртақы туралы хабарлама Білім және ғылым министрлігінен Университеттің Құжатпен қамтамасыз ету және бақылау бөлімі арқылы Академиялық мәселелер жөніндегі департаментіне 8 тамыз күні жіберілген. Президенттік шәкіртақы туралы ақпарат сайтқа 8 тамыз күні жарияланды.

Сұрағыңыз бойынша нақты ақпарат алу үшін Академиялық мәселелер жөніндегі департамент директоры Жанбеков Хайрулла Нышанұлына (221-кабинет) жолығыңыз. 

10-08-2018 00-50-09   От студента

Автор вопроса: Аноним

Сәлеметсіз бе, неге қандай да іс-шара, конкурстар, соның ішінде магистранттарға президенттік шәкіртақы тағайындау секілді жаңалықтар дедлайн күні өтіп кеткеннен кейін немесе соңғы дедлайн күні болғанда ғана сайтқа шығарылады? әлде тек бәрі өзінің таныстарына айтып, кейін сайтка "для красоты" шығарылады ма? осы жағын қолға алуыңызды өтінемін, бұл бірінші рет емес күнде осылай. Рахмет

Ответ:

Құрметті студент! Сайтқа ақпараттарды Университеттің құрылымдық бөлімдерінен уақытылы берілуі талап етіледі. Сайтта жарияланған  ақпараттардың төменгі жағында жауапты құрылымдық бөлімдер көрсетіліп, мәліметтердің берілген күнімен орналасады.

Біріншіден, сайтқа оқу үрдісіне қатысты ақпараттар уақытылы берілмеген жағдайда,  Академиялық мәселелер жөніндегі департаментімен, ал өткізілетін іс-шаралар бойынша Тәрбие, әлеуметтік жұмыстар және жастар саясаты жөніндегі департаментімен хабарласуыңызға болады.

Екіншіден, «бұл бірінші рет емес күнде осылай» деген шағымыңыз шындыққа жанаспайды, ақпараттарды мұқият қарауыңызды сұраймыз. Сайттың қызметіне байланысты сұрағыңыз туындаған жағдайда, Университеттің Қоғаммен байланыс бөліміне хабарласуыңызға болады. Байланыс тел.: 293-86-38.  Сұрағыңызға рахмет!

09-08-2018 19-09-06   От абитуриента

Автор вопроса: Аноним

Мен биология мамандығы бойынша тапсырып едім жаратылыстану бағыты бойынша сырттаига орын барма сіздерді

Ответ:

Құрметті талапкер! Колледж бітірген немесе екінші жоғары оқу орнынан кейінгі білімі бар талапкерлер үшін сыртай бөлімге құжаттар биыл қабылданады.

09-08-2018 17-37-18   От студента

Автор вопроса: Аноним

Сəлеметсіз бе ректор мырза! Менің бұл сұрағымды ескерусіз қалдырмасаңыз екен деймін!Мен биылғы жылы жазғы семестрге қалып қалған болатынмын.Кредит ақшасын төлей алмай жазғы сессияны жабу уақыты аяқталып кетті.Мен толық жетіммін,тұрмыстамын жəне аяғым ауыр.Енді сол жазғы семестрді қалай жапсам болады?4 курсқа көшірілмей қалуым мүмкін бе?Не істесем болады?

Ответ:

Құрметті студент! Сіздің қойған сұрағыңызға бұған дейін де жауап берілген болатын. Сұрағыңыз бойынша институт директорымен хабарласыңыз.

Егер директорат тарапынан оқу үрдісіне қатысты мәселеңіз шешілмеген жағдайда, Академиялық мәселелер жөніндегі департамент директоры Жанбеков Хайрулла Нышанұлына (221-кабинет) жолығуыңызға болады. Сұрағыңызға рахмет!

 

09-08-2018 16-40-37   Другие

Автор вопроса: Аноним

Сəлеметсізбе ректор мырза!жауабыңыз үшін алдын ала рақмет. мен сіз басқарып отырған оқу орнын 2010ж аспирантураны əдебиет саласынан аяқтаған едім.баспа бетінде ғылыми мақалаларым жарық көрген.Ғылыми жетекшім осы оқу орнынан еді.өкінішке орай ,тұрмысқа шығып,балалы шағалы боп,мен кандидаттық жұмысымды қорғай алмай қалдым.енді жалғастыруға ниет еткен едім,бірақ маған магистратураны оқисыз деді.сол уақытта бакалаврды қызыл дипломға бітірген соң бірден аспирантураға түскен едім.енді не ңстеуім керек?жалғастырғым келеді.жауап береді деген үміттемін.

Ответ:

Сәлеметсіз бе! Қазіргі білім және ғылым саласындағы заңнамаларға сәйкес магистратура бітіргеннен кейін ғана докторантураға тапсыруыңызға болады.

08-08-2018 22-58-34   От студента

Автор вопроса: Аноним

Құрметті Такир Оспанұлы! Мен филология және көптілді білім беру институтының 3 - курс студенті боламын. Менің сізге қояр сұрағым, универ жүйесі бойынша біз 3 - курста сабақ уақытын таңғы сағат 8:00 де басталатындай етіп өтініш жазсақ болады ма? Деканат өтінішті қабылдауы тиіс пе?

Ответ:

Құрметті студент! Сабақ кестесі міндетті түрде әрбір курстың бекітілген уақытына сәйкес жасалынады. 

08-08-2018 20-45-20   От абитуриента

Автор вопроса: Аноним

Сәлеметсіз бе, Тахир Оспанұлы! Менің сізге қояр сұрағым осы Абай атындағы педагогикалық университетінің жатақханасы жылына қанша болады екен?

Ответ:

Құрметті талапкер! Университетіміздің жатақханаға төленетін 2018-2019 оқу жылына арналған жылдық төлем ақысы тамыз айының соңына таман бекітіледі.

Жатақханаға қатысты сұрақтарыңыз бойынша Тәрбие, әлеуметтік жұмыстар және жастар саясаты жөніндегі департаментімен хабарласуыңызға болады. Байланыс тел.: 291-83-82.

08-08-2018 11-40-15   От родителей

Автор вопроса: Акботаева Шынар

Здравствуйте. Моя дочь поступила на грант. Мы из г.Актобе. Хотелось узнать по поводу общежития. Смотрю, комментарии и отклики не хорошие в интернете. Насколько это правда?

Ответ:

Здравствуйте! Мы рады, что Ваша дочь стала студенткой нашего университета. 

Что касается общежитий, то в этом году проведен капитальный ремонт, созданы хорошие условия для проживания. Общежития расположены  рядом с учебными корпусами.

Места в общежитиях выделяются в первую очередь первокурсникам. 

08-08-2018 03-35-26   От студента

Автор вопроса: Аноним

Сәлеметсізбе, Таxир Оспанұлы! Мен филология факультетінің 3 курс студенті боламын. Сізге қояр сауалым ректор гранты туралы болмақ. Бұл біздің университетімізде бар ма? Болған жағдайда оған қойылатын талаптар қандай? Назар салғаныңызға раxмет!

Ответ:

Құрметті студент! Ректордың гранты толық жетім білім алушылардың оқу үлгеріміне, әлеуметтік жағдайына байланысты қарастырылып, беріледі. Егер Сізде әлеуметтік жағдайыңызға байланысты жеңілдік берілетіндей анықтамалар болса, құжаттарыңызды және өтінішіңізді жылда жеңілдік беру бойынша өткізілетін комиссияға тапсыруыңызға болады.

Сондай-ақ, биыл Университетімізде білім аламын деуші талапкерлерге көптеген жеңілдіктер жасалуда. Жеңілдіктер туралы ақпарат Университетіміздің ресми сайтында (http://www.kaznpu.kz/kz/2150/page/) көрсетілген. Сұрағыңызға рахмет!

08-08-2018 01-36-14   От абитуриента

Автор вопроса: Raia

Сəлеметсіздерме.Грантты басқа қалаға ауыстыруға болады ма?

Ответ:

Құрметті Рая! Білім алушыларды білім беру ұйымдарының түрлері бойынша ауыстыру және қайта қабылдау қағидаларын бекіту туралы Қазақстан Республикасы Білім және ғылым министрінің 2015 жылғы 20 қаңтардағы №19 бұйрығының 31-тармағына сәйкес «білім беру гранты бойынша білім алатын студент білім беру грантын сақтай отырып басқа ЖОО-ға ауыса алады. Жекелеген ЖОО-лар үшін бекітілген білім беру гранты бойынша нысаналы орындарға, сондай-ақ бөлінген квота шегінде педагогикалық мамандықтарға түскен студенттер басқа ЖОО-ға тек ақылы негізде ғана ауыса алады».
Сұрағыңыз бойынша толық ақпарат алу үшін Академиялық мәселелер жөніндегі департамент директоры Жанбеков Хайрулла Нышанұлына (221-кабинет) жолығуыңызға болады.

07-08-2018 20-12-52   От студента

Автор вопроса: Аноним

Салеметсіз бе Тахир Оспанович Балықбаев.
Менің сізге сұрағым.Мен ҚаЗҰПу Құқықтану мамандығында ақылы түрде оқимын.Мен 1курсты үздік бағалармен аяқтадым.Осыған байланысты 2курста университет тарапынан жеңілдіктер көрсетіле ме?

Ответ:

Құрметті студент! Студенттеріміздің әлеуметтік жағдайына байланысты 10%-100% дейін жеңілдіктер қарастырылған. Ағымдағы жылдың  қыркүйек, қазан айларында  әлеуметтік жағдайыңызды растайтын құжаттарыңызды және ректордың атына жазылған өтінішіңізді директоратыңызға өткізуіңізге болады. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf .

Ескерте кететін жағдай, егер Сіздің 1-2 курстағы бағаларыңыз тек «5» (өте жақсы)  деген баға болса,3 курста Президенттік шәкіртақыға үміткер бола аласыз. Сұрағыңызға рахмет!

07-08-2018 20-09-52   От студента

Автор вопроса: Аноним

Сәлеметсіз бе,Такир Оспанович? Мен филология және көптілді білім беру институтының студенті едім. 1-курста ҰБТ-дан алған баллыма байланысты 50% жеңілдікпен оқыдым. GPA баллым жоғары. 2-курста жеңілдікті сақтап қала аламын ба?

Ответ:

Құрметті студент! Талапкерлерді оқуға қабылдау кезінде ҰБТ-дан жоғары балл жинауына байланысты қарастырылатын жеңілдік тек бірінші жылға беріледі. 2-курста оқу төлемақысына жеңілдік алуға қыркүйек, қазан айларында директоратыңызға өтініш жазып, тиісті құжаттарыңызды өткізуіңізге болады. Студенттеріміздің әлеуметтік жағдайына байланысты 10%-100% дейін жеңілдіктер қарастырылған. Жеңілдіктер туралы ақпарат Университетіміздің ресми сайтында (http://www.kaznpu.kz/kz/2150/page/) көрсетілген. Сұрағыңызға рахмет!

07-08-2018 15-26-13   От абитуриента

Автор вопроса: Беске Гүлнұр

Салеметсиз бе?Мен осы университетке түстім.Документ бойынша барғалы отырмын Шымкент қаласынан.Кандай документтер қажет?

Ответ:

Құрметті Гүлнұр! Егер республикалық конкурс негізінде біздің оқу орнымызға грантқа оқуға қабылданған болсаңыз, құжаттарыңызды қабылдау комиссиясына 25 тамызға дейін тапсыруыңыз қажет. Қабылдау комиссиясының мекен-жайы: Қазыбек би көшесі, 28. 

Оқуға тапсыруға қажетті құжаттар тізімі: жеке куәлік көшірмесі - 2 дана, аттестат немесе диплом (түпнұсқа), 063 профилактикалық егу картасы (көшерме), медициналық анықтама 086-У форма (флюорография суретімен), 3х4 көлемдегі 6 дана фотосурет, ҰБТ немесе КТ сертификаты, мекен-жай анықтамасы.

07-08-2018 11-50-47   От абитуриента

Автор вопроса: Мұратова Назым

Сәлеметсізбе Такир Оспанұлы.Менің сізден сұрайын дегенім,мен,сіздердің оқу орындарыңызға заңгер мамандығына ақылы-қазақ бөліміне түспекшімін бұйырса.Оқу ақысы қанша?Төрт бөліп төлеуге болады ма?Сіздердің қабылдау комиссияларыңыздан сұрағанымда төрт бөліп төлеуге болады деген.Жауабыңызға алдын ала рахмет!

Ответ:

Құрметті Назым! Университетіміздің «5В030100-Құқықтану» мамандығының жылдық оқу ақысы 634 000 теңге. Келісім шарт бойынша Сіз оқу ақысын төрт бөліп төлей аласыз. Ұлттық бірыңғай тестілеу (ҰБТ) сертификатындағы баллдық көрсеткішіңіз кем дегенде 65 болуы қажет. Сұрағыңызға рахмет!

06-08-2018 21-48-02   От абитуриента

Автор вопроса: Аноним

Сәлеметсіз бе мен осы жылы 99 балл алған едм Ентдан.таңдау панім биология химия.бірақ грантқа іліге алмай қалдм енді сіздерге түссем деп едім.Сіздерде биология пед химия пед оқу ақысы қанша.

Ответ:

Құрметті талапкер! Абай атындағы Қазақ ұлттық педагогикалық университетінде Сіз таңдаған бейіндік пәндер бойынша келесі мамандықтар бар: «5В011200-Химия» (506 000 тг), «5В011300-Биология» (506 000 тг), «5В060700 – Биология» (510 000 тг).

Сонымен қатар оқу орнымызда ақылы бөлімнің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf. 

06-08-2018 19-32-34   От абитуриента

Автор вопроса: Аноним

Сәлеметсіз бе, мен 2018 жылдың түлегімін. ҰБТ-ден 106 балл жинадым. "Алтын белгі" иегерімін. Ауылдық квота иесімін.Өзім оқу үздігімін, көптеген жас ақындар мүшайраларының жеңімпазымын( республикалық емес) Қазақ тілі мен әдебиеті пәнін таңдадым. ҚазҰПУ-ды екінші етіп таңдадым, бірақ түсе алмадым. Сізден сұрайын дегенім: қосымша университет бөлген грант есебінен бе немесе ректор гранты деген сияқты жеңілдіктермен сіздердің университеттеріңізге қалай түссем болады?Өтініш, осы сұрағыма жауап бересіз бе?

Ответ:

Құрметті талапкер! Оқу орнымызда ақылы бөлімнің білім алушыларына арнайы жеңілдіктер қарастырылған. Жеңілдіктер туралы ақпаратпен Университетіміздің ресми сайтынан келесі сілтеме арқылы таныса аласыз: http://kaznpu.kz/docs/postupaushim1_1/skidka_kaz.pdf.  

Сұрағыңыз бойынша нақты ақпаратты Университетіміздің Кәсіби бағдар беру және білім алушыларды қабылдау орталығынан білуіңізге болады. Байланыс тел.: 291-87-80, 291-73-71.

06-08-2018 19-22-39   От абитуриента

Автор вопроса: Аноним

Әскери кафедраға биыл ҰБТ-ға қатысқан азамат құжат тапсыра аладыма?

Ответ:

Құрметті талапкер! Әскери кафедраға қатысты сұрақтарыңызға нақты жауапты 8(727) 382-27-35 телефонына хабарласып, біле аласыз.