04-01-2021 23-25-25   От студента

Автор вопроса: Аноним

Сəлеметсізбе?Мен 1 курс студенті боламын.1курстар барып оқиды дегенді естіп жатырмыз.2семестрдің онлайн форматта болғаны жақсы.Ауру əлі де көп болып жатыр əсіресе алматы қаласында.Кейін, барып оқысақ ауырып қалсақ не болады?Өз денсаулығыма алаңдаймын жəнеде барлық студентпен олардың ата- аналары балаларының өмірі үшін алаңдайды.Сол себепті оқу форматы онлайн болса

Ответ:

Құрметті білім алушы! Екінші семестрде оқу үдерісін ұйымдастыру Білім және ғылым министрлігінің шешіміне сәйкес жүзеге асырылады. Қабылданған шешім бойынша институт директораты тарапынан міндетті түрде хабарланатын болады. Біз үшін негізгі басымдық - сіздердің денсаулықтарыңыз. Сондықтан шыдамдылық танытып,күтулеріңізді сұраймыз. Рахмет!

04-01-2021 20-21-20   Другие

Автор вопроса: Аноним

Сәлеметсізбе, Тахир Оспанулы! 2 семестрден бастап корпуста сабақ өтуге дайындалып жатырмыз. Аптасына 3-4 сағаттық практикалық, лабораториялық сабағы бар оқытушылар 30-40 студентпен бір аудиторияда сонша сағат отыруы өте қауіпті деп ойлаймын. Сондықтан, сабақ кестесін жасағанда практикалық сабақтарды 1-2 сағаттан артық қоймаса екен деген тілегіміз бар. Уйде қарт ата-анамыз, жас балаларымыз бар, сондықтан уайымдап отырған жайымыз бар. Осы нәрсені ескеруіңізді өтініп сұраймыз. Рахмет!

Ответ:

Сәлеметсіз бе! Біз үшін білім алушылар мен оқытушылардың денсаулығы маңызды. Сондықтан оқу үдерісін ұйымдастыру форматы жан-жақты талқыланып, Білім және ғылым министрлігінің шешіміне сәйкес жүзеге асырылады. Хатыңызда көрсетілген мәселе міндетті түрде ескеріледі. Рахмет!

04-01-2021 14-18-45   От студента

Автор вопроса: Аноним

Құрметті Тахир Оспанұлы! 1-ші курс студенттеріне 2 семестр қандай форматта болады? Мен Батыс Қазақстаннан болғасын билет жағы қиындау болып тұр, себебі қазіргі таңда Алматы да оқитын барлық студенттер билеттерді алып қойып жатыр. Сондықтан билет болмай қалуы мүмкін! Сізден жақын арада хабар беруіңізді өтінемін?! Түсіністікпен қарауыңызды сұраймын.

Ответ:

Құрметті білім алушы! Екінші семестрде оқу үдерісін ұйымдастыру Білім және ғылым министрлігінің шешіміне сәйкес жүзеге асырылады. Қабылданған шешім бойынша институт директораты тарапынан міндетті түрде хабарланатын болады. Біз үшін негізгі басымдық - сіздердің денсаулықтарыңыз. Сондықтан шыдамдылық танытып,күтулеріңізді сұраймыз. Рахмет!

04-01-2021 14-15-07   От абитуриента

Автор вопроса: Аноним

Құрметті, Тахир Оспанович. Біз 1курс студенттері ретінде оқу форматының онлайн немесе оффлайн екенін ертерек білгіміз келеді. 10ыншы қаңтарға дейін күтсек, шет жақта тұратын студенттер үшін қиынырақ болып тұр. Билет табылмай қалуы немесе қымбаттап кетуі деген сияқты мәселелер туындайды. Осы 1-2 күнде бізге нақты хабарын айтсаңыз. Рахмет!!

Ответ:

Құрметті студент! Біз үшін негізгі басымдық - сіздердің денсаулықтарыңыз.Сондықтан екінші семестрдегі оқу үдерісін ұйымдастыру мәселесі жан-жақты талқыланып, Білім және ғылым министрлігінің шешімінің негізінде жүзеге асырылатын болады. Әзірге эпидемиология жағдайы қиын болып тұр. Егер оффлайн оқу басталатын болса, алдын-ала хабарлаймыз. Шыдамдылық танытып,күтулеріңізді сұраймыз.Рахмет!

01-01-2021 02-46-04   От студента

Автор вопроса: Аноним

Сәлеметсіз бе! 1 курстарға дорожный қанша түседі және қашан түседі. Рақмет! Жаңа Жылыңызбен!

Ответ:

Сәлеметсіз бе! Сұрағыңыз бойынша толық ақпарат алу үшін Қаржы-экономикалық департаментінің қызметкерлерімен хабарласуыңызға болады. Тел.: 2913754, 2917936.

31-12-2020 23-26-41   От студента

Автор вопроса: Аноним

Саламатсыз ба! Қазақстан кафедрасы оқытушысы т.ғ.д Сайфулмаликова Сабира Сабытханқызына алғысымды білдіргім келеді. Сайфулмаликова Сабира оқытушымыз өзінің педагогикалық әдістемесімен,шеберлігімен,жоғары талабымен ерекше. Әсіресе пандемия кезінде, қашықтан оқыту барысында ,оқытушымыз дәстүрлі форматтан өзгешеленбеген толыққанды дәрісін оқып, семинар сұрақтарын толық тексеріп,жеке талдаулар жүргізіп,әр уақытта кері байланысты белсенді көрсетіп,бағдарламаны жетік меңгеруге жағдай жасап отырды.Мен біздің Ұстазымызға өте ризамын және үлгі аламын. Мен осы университетте осындай Ұстаздан білім алғаныма қуаныштымын.

Ответ:

Сәлеметсіз бе! Ұстазыңызға алғыс жолдағаныңыз үшін рахмет айтамыз. Жаңа жыл құтты болсын!

30-12-2020 23-40-01   От студента

Автор вопроса: Ақанбай Темірлан Бағдатұлы

Мен Ақанбай Темірлан Бағдатұлы 1курс 1 топ "6В01408 -Бастапқы әскери дайындық және дене шынықтыру спорт" мамандығының студентімін. 24.12.2020 күні "Қазіргі заман тарихы" пәнінен сағат 10 :30 да мемлекеттік емтихан (тест) тапсырдым. Онлайн форматта бірінші рет емтихан тапсырғандықтан емтихан уақытысында қатты қобалжып тест тапсырдым, сонымен қатар интернет желісінің дұрыс ұстамауы үлкен қиыншылық тудырды.
Онлайн оқуға байланысты егер емтиханнан F алған жағдайда 2-3 рет қайта тапсыруға рұқсат беріледі деп ақпарат алдым. Дәл мен сияқты 18 бал алған тобымыздағы студент қайта тапсыруға өтініш жазғанында, өтінішін қабылдап емтиханды қайта тапсыруға рұқсат берілді, ал менің жазған өтінішімді қабылдамай жазғы емтиханға тапсыруға қалдырды. Талап барлық студентке бірдей болуы керек, неге менің өтінішім қабылданбай қалғаны түсініксіз болып отыр. Осы мәселені қайта қарап, шешіп беруіңізді сұраймын.

Ответ:

Құрметті студент! Тест қорытындысына байланысты туындаған мәселе бойынша Тестілеу орталығының басшысы Даража Нағашыбайқызы Исабаевамен хабарласуыңызды сұраймыз. Байланыс тел.: 291-57-50. Рахмет!

30-12-2020 19-16-03   От студента

Автор вопроса: Н

Құрметті Т.О.Балықбаев сізге айтар өтінішім бар еді.Біз барып оқитын болдық па?Ертерек хабар берсеңіздер және елде ауру әлі де бар,соны ескеріңізші!Біз денсаулығымызға қауіп төндіргіміз келмейді Студенттердің де жағдайын ескеріңіз.Қазір жан жақтан барып оқу пандемия уақытында дұрыс емес секілді.

Ответ:

Құрметті білім алушы! Екінші семестрде оқу үдерісін ұйымдастыру Білім және ғылым министрлігінің шешіміне сәйкес жүзеге асырылады. Қабылданған шешім бойынша институт директораты тарапынан міндетті түрде хабарланатын болады. Біз үшін негізгі басымдық - сіздердің денсаулықтарыңыз. Сондықтан шыдамдылық танытып,күтулеріңізді сұраймыз. Рахмет!

30-12-2020 01-41-11   От студента

Автор вопроса: Аноним

Сәлеметсізбе? Тахир Оспанович. Жаңа жылыңызбен құттықтаймын. Сізге қояр сұрағым бар еді.
Мен басқа универдің ақылы түрде оқитын студентімін, алдағы екінші семестрде сіздерге ауыспақ ойым бар ақылы түрде.
65 баллмен екі шет тілі мамандығына түсуге мүмкіндігім бар ма? Ал аударма ісі мамандығына ше?
Оқу ақысы, жатақхана ақысы қанша? Мен орналаса аламын ба? Егер оқу орнына құжат тапсырып түсіп жатсам.

отбасылық жағдайға байланысты жатақханадан орын ала аламын ба?

Және түсу барысында тест тапсырамын ба?



Көп сұрақ үшін кешіріңіз, бүкіл мазалап жатқан сұрақтарымды бірден қоюды жөн көрдім. Ескересіздер деген ойдамын

Ответ:

Сәлеметсіз бе! Сұрақтарыңыз бойынша толық ақпарат алу үшін Академиялық мәселелер жөніндегі департаменттің қызметкерлерімен хабарласуыңызға болады. Байланыс деректері: 291-13-71, 291-71-06, е-mail: okubolimi220@mail.ru. Рахмет!

28-12-2020 10-33-32   От абитуриента

Автор вопроса: Аноним

Сәлеметсіз бе Тахир Оспанұлы?!
Мен ПИП курс студентімін.Және босаған грант орындарында ПИПтан бос орын жоқ деп көрсетілген.Және грантқа көтерілуге маған мүмкіндік жоқ па?Бағаларым барлығы жақсы отбасылық жағдайым тағы бар.Мен грантқа өтініш жазсам болама?
Мен грантқа ауысқым келеді.Жауап беріп ескерсеңіз деймін.

Ответ:

Құрметті студент! Бос білім беру гранттарын тағайындау конкурсы жарияланды. Конкурс талаптарына сәйкес оқу үлгеріміңіз бойынша GPA  көрсеткішіңіз 3.0 төмен емес, академиялық қарызыңыз жоқ болса, конкурсқа қатыса аласыз. Ол үшін: ҚР Білім және ғылым министрінің атына өтініш; Абай атындағы ҚазҰПУ ректорының атына өтініш; оқу үдерісінің барлық мерзіміне сәйкес ресми транскрипт; жеке төлқұжаттың көшірмесін тапсыруыңыз қажет. Рахмет!

27-12-2020 22-07-16   От студента

Автор вопроса: Аноним

Сәлеметсіз бе Такир Балықбаев мырза, келе жатқан жаңа жылынызбен! Сізге сұрағым, жатақхананын ақшасын алу үшін түбіртек,яғни 1 жылдық ақшасын төлегендегі чекті сұрап жатыр, біз оны қайдан аламыз, жоғалтып алдық немесе лақтырып тастадық дегендей. Басқаша жеңіл алу жолы жоқпа? Және осы 1 семестрде дорожный береме, жоқпа??? РАХМЕТ АЛДЫН АЛА

Ответ:

Сәлеметсіз бе! Жатақханаға төленген төлем туралы түбіртектің екінші көшірмесі жатақхана меңгерушісінде болуы керек. Жол ақысына бөлінетін төлемге келетін болсақ, оқу жылының ақпан және маусым айларында төленеді. Сұрағыңыз бойынша қосымша ақпаратты институт директораты қызметкерлерінен алуыңызға болады. Рахмет! 

24-12-2020 18-34-46   От абитуриента

Автор вопроса: Жанерке Турарова

Құрметті, Абай атындағы Қаз ҰПУ мүшелері,ректор, Педагогика және Психология институт директоры және менің кураторым Исмагулова Раузия апайға алғысымды білдіргім келіп отыр❤️, осы онлайн оқу жылында бізді өмірде көріп, танымаса да, қол ұштарын беріп, көмектескені үшін, жағдайымызды түсінгендеріңіз үшін Алғысым шексіз!!!! Алда тек қана жақсылықта кездесіп, әр қашан бір-бірімізді қолдап жүре берейік ☺️

Ответ:

Сәлеметсіз бе! Алғыс білдіргеніңіз үшін рахмет айтамыз. Сіздің алғысыңыз бен пікіріңіз біз үшін өте маңызды. Сізге зор денсаулық,бақытты өмір тілейміз!

24-12-2020 18-25-23   От родителей

Автор вопроса: Айдаркулова Замира

Курметти ректор мырза, кызымнын кураторы Исмагулова Раузия Сыдыковнага алгыс билдиремин. Ата-аналар мен тыгыз карым-катынаста болып, кыздарымызга багыт-багдар берип отырганы ушин, киын жагдайда демеу берип, колдан келгенше комектескени ушин шексиз алгыс айтамын.Себеби 1 курс окуды онлайн режимде окып отырган кыздарымызга барынша колдау бергени ушин алгыс айтамын.

Ответ:

Сәлеметсіз бе! Алғыс білдіргеніңіз үшін Сізге рахмет айтамыз. Келе жатқан Жаңа жыл — бірлік пен татулықтың жылы болсын! 

24-12-2020 15-20-39   От студента

Автор вопроса: Аноним

Сәлеметсіз бе, біздің университеттің студенттері жатақхана ақшасын қайтарып алып жатыр екен, біз ол жайлы естімедікте,және де басқа қалада тұрамын.Қайтару үшін барып өтініш жазу керек дейді, қалай алсақ болады ?

Ответ:

Сәлеметсіз бе! Сұрағыңыз бойынша институт директорымен немесе директор орынбасарларымен хабарласуыңызға болады. Рахмет!

24-12-2020 15-14-51   От студента

Автор вопроса: Аноним

Здравствуйте, психологов 4ого курса , каждый год отправляли в военные учреждение для прохождение практики . Но в этом году нам сказали найти самим место для прохождение практики, объясняя это карантинным режимом. Но если разница мы же всеравно будем ходит на практику . Поэтому просим вас по мере возможности для того что бы мы прошли практику как и каждый год все студенты 4ого курса в военном корпусе. Спасибо за внимание.

Ответ:

Уважаемый студент! В связи с пандемией в 2020-2021 учебном году поменялись условия прохождения производственной практики студентов-психологов 4-го курса. Так, в этом году для студентов данной специальности прохождение производственной практики с 18.01.2021 по 27.03.2021 будет организовано в дистанционном режиме. Однако, по желанию студентов, они могут пройти производственной практику по месту жительства. Для этого студенты должны заполнить соответствующее ходатайство.

24-12-2020 15-09-37   От студента

Автор вопроса: Аноним

Сәлеметсіз бе , біз өндірістік практикаға жылда әскери бөлімге жібепетін , бірақ биыл өзіміз табуымыз керек болып жатыр. Бізге оны карантин есебібен түсіндірді.Бірақ соңғы практикамызды ықпалды өткузгіміз келеді.Мүмкіндік болса жылды өтіп жүргендей әскери бөлімге жіберуіңізді сұраймын

Ответ:

Құрметті студент! Пандемиялық жағдайға байланысты 2020/2021 оқу жылындағы "Психология" мамандығында оқитын 4 курс студенттерінің өндірістік практикасына өзгерістер енгізілді. Сондықтан, 2021 жылдың 18 қаңтар – 27 наурыз аралығында жоспарланған өндірістік практика қашықтан өткізіледі. Сонымен қатар, студенттердің қалауы бойынша, сұраныс хат негізінде тұрғылықты мекен жайында өндірістік практикадан өтуге де рұқсат беріледі.

23-12-2020 19-49-50   От студента

Автор вопроса: Аноним

Сәлеметсізбе! Кеше жаңалықтардан 1-курс студенттері университетке барып оқиды деген хабарды естіп едік. Нақты жауап қашан шығады? Ертен билет болмай қалмасын дегеніміз

Ответ:

Құрметті студент! Оқу үдерісіне қатысты ресми ақпарат директорат тарапынан міндетті түрде хабарланады. Рахмет!

23-12-2020 11-55-05   От студента

Автор вопроса: Аноним

Қайырлы күн Такир Оспанұлы президенттік стипендия алу үшін 1,2,3 семестрді (А, -А) өте жақсы жабу керек па. Толығырақ ақпарат беріңізші. Бізге 1 ші курста оқып жүргенде осылай айтылған еді. Бірақ бүгін оқу бөлімінен сұрағанда 3 курста беріледі деп жатыр.

Ответ:

Құрметті студент! Оқу бөлімі тарапынан Сізге жалған ақпарат берілмейді. Оқу үдерісіне қатысты сұрақтарыңыз бойынша нақты жауап алу үшін институт директорымен тікелей хабарласуларыңызға болады. Рахмет!

21-12-2020 09-13-52   От студента

Автор вопроса: Аноним

Қайырлы күн! 1курс студенті едім, 2 семестр грантка ауысуга мүмкіндік бар ма? Бар болса қалай ауысуға болады? Алдын ала рахмет!

Ответ:

Сәлеметсіз бе! Екінші семестрда грантқа ауысу үшін оқып жатқан мамандығыңыз бойынша грантта бос орын болуы керек. Оқу үлгеріміне қатысты талапқа келетін болсақ, бірінші  семестрдегі емтихандардың барлығы "өте жақсы" (А, А- ) деген бағалармен тапсырылуы тиіс. Грант бойынша бос орындар туралы мәліметті эдвайзеріңіз немесе институт директорының оқу ісі жөніндегі орынбасарынан біле аласыз. Рахмет!

21-12-2020 01-23-22   От абитуриента

Автор вопроса: Аноним

Саламатсыздарма! Сіздің университетіңізде "Музыкалық білім" білім бағдарламасы бойынша докторантура барма екен?

Ответ:

Сәлеметсіз бе! Университетімізде докторантурада «Музыкалық білім» білім беру бағдарламасы бар.